انٹرنیشنل کرکٹ کونسل (آئی سی سی) نےجونیئر ورلڈکپ کے شیڈول کا اعلان کر دیا۔

اعلان کے مطابق16ٹیموں کو 4گروپس میں تقسیم کیاگیا ہے پاکستان ٹیم کوایونٹ کے گروپ سی میں رکھا گیا ‏ہے۔ گروپ سی میں افغانستان،  پاپوانیوگنی، زمبابوے بھی شامل ہیں۔

پاکستان اپنا پہلا میچ 15 جنوری کو پاپوانیوگنی، 20 کو افغانستان اور 22 جنوری کو زمبابوے کے خلاف کھیلے گا۔

گروپ اے میں بنگلادیش، کینیڈا، انگلینڈ اور متحدہ عرب امارات شامل ہے جب کہ گروپ بی بھارت، آئرلینڈ، ‏جنوبی افریقا اور یوگینڈا کی ٹیموں پر مشتمل ہے۔

جونئیرورلڈکپ 14جنوری سے 5 فروری تک ویسٹ انڈیز میں منعقدہو گا۔ نیوزی لینڈ کی جگہ اسکاٹ لینڈ کو ‏ایونٹ میں شامل کیا گیا ہے۔

پاکستان کرکٹ بورڈ کے چیئرمین رمیز راجہ نے آئی سی سی چیمپئنز ٹرافی 2025 کی میزبانی پاکستان کو سونپنے ‏پر انٹرنیشنل کرکٹ کونسل کا شکریہ ادا کیا ہے۔ ان کا کہنا ہے کہ ایونٹ کے انعقاد سے ہم دنیا کو بتائیں گے کہ ‏پاکستان اس کھیل سے کتنی محبت کرتا ہے۔

آئی سی سی بورڈ کے اس فیصلے کا مطلب ہے کہ فروری 2025 میں پاکستان میں کھیلے جانے والے ٹورنامنٹ کا ‏میزبان پاکستان اس ایونٹ میں اپنے ٹائٹل کا دفاع بھی کرے گا۔

ٹورنامنٹ میں 8 ٹیموں کے مابین کُل 15 میچز کھیلے جائیں گے۔ یہ میچز تین مختلف مقامات پر کھیلے جائیں ‏گے۔ پاکستان نے آئی سی سی چیمپئنز ٹرافی 2017 کے فائنل میں بھارت کو 180 رنز سے شکست دی تھی۔

چیئرمین پی سی بی رمیز راجہ کا کہنا ہے کہ وہ آئی سی سی کے اس فیصلے سے بے حد خوش ہیں اور وہ آئی سی ‏سی اور اس کے آزاد پینل کا شکریہ ادا کرتے ہیں کہ انہوں نے ایک ایلیٹ ایونٹ کے لیے میزبان ملک کے طور پر ‏پاکستان کا انتخاب کیا ہے۔ اس ایونٹ کے کامیاب انعقاد سے بورڈ ممبران اور دنیا بھر کو پاکستان کرکٹ کی بھرپور ‏قوت دیکھنے کا موقع ملے گا۔

رمیز راجہ نے کہا کہ آئی سی سی چیمپئنز ٹرافی 2025 کے ذریعے ہم دنیا کو بآور کروائیں گے کہ ہم کتنے عظیم ‏میزبان ہیں جہاں ہم اس کھیل سے اپنی محبت کا مظاہرہ کریں گے ۔ یہ ایونٹ پاکستان میں رہنے والے شائقین ‏کرکٹ کے لیےکسی اعزاز سے کم نہیں۔

چیئرمین پی سی بی نے کہا کہ اب ہمیں آئی سی سی کی توقعات اور مقررہ معیار کے مطابق ایک ایونٹ کے ‏کامیاب انعقاد کی منصوبہ بندی کرنی ہے۔ اس کے ساتھ ساتھ ہمیں ایک ایسی مضبوط ٹیم بھی تیار کرنی ہے کہ ‏جو ہوم گراؤنڈ کے سامنے میدان میں اترے اور شاندار کھیل کا مظاہرہ کرے۔

پاکستان کے نوجوان فاسٹ بولر عثمان شنواری نے ٹیسٹ کرکٹ سے ریٹائرمنٹ کا اعلان کر دیا۔

بائیں ہاتھ کے پیسر عثمان شنواری نے اپنے آفیشل ٹوئٹر اکاؤنٹ پر تصویر شیئر کرتے ہوئے اپنی انجری سے ‏چھٹکارے اور مستقبل کے پلان کا اعلان کیا۔

انہوں نے اللہ کا شکر ادا کرتے ہوئے لکھا کہ انجری سے نجات پانے کے بعد دوبارہ واپس آگیا ہوں اور فوری طرح ‏سے فٹ ہوں تاہم معالج نے مستقبل میں ایسی انجری سے بچنے کے لیے طویل مدتی کرکٹ نہ کھیلنے کا مشورہ ‏دیا ہے۔

Thanks to @sportsphysiojav ALHAMDULILLAH I have made my comeback again from back injury and now I am absolutely fit but due to my Doctors and physio advises I have to leave Long format to avoid such injuries in future and prolong my Cricket career.I am Resigning from Red ball pic.twitter.com/63gy4J7RKS

— Usman khan shinwari (@Usmanshinwari6) November 16, 2021

عثمان شنواری نے کہا کہ میں اپنا کیریئر بچانے کے لیے ریڈبال کرکٹ سے ریٹائرمنٹ لینے کا اعلان کر رہا ہوں۔

یہاں یہ بات قابل ذکر ہے کہ عثمان شنواری نے کیریئر میں صرف ایک ٹیسٹ میچ 2019 میں سری لنکا کے خلاف ‏کھیلا تھا۔ اس کے علاوہ 17 ون ڈے اور 16 ٹی ٹوئنٹی میچز میں وہ گرین شرٹس کی نمائندگی کر چکے ہیں۔

ورلڈکپ میں بنگلادیش کی مایوس کن کارکردگی پر تجربہ کار بلے باز مشفق الرحیم کو ڈراپ کر دیا گیا۔

پاکستان سے ٹی20 سیریز کے لیے بنگلا دیش کے 16 رکنی اسکواڈ کا اعلان کر دیا گیا ہے تجربہ کار مشفق الرحیم ‏کو ٹیم سے ڈراپ کر کے نوجوان بلے باز کو موقع دیا گیا ہے۔ 2008 کے بعد یہ پہلا موقع ہے کہ مشفق الرحیم کو ‏سینئر ٹیم سے باہر کیا گیا ہے۔

مایہ ناز آل راؤنڈر شکیب الحسن انجری کے باعث اسکواڈ کا حصہ نہیں ہیں اور ان کی غیرموجودگی میں محمود ‏اللہ ٹیم کی قیارت کریں گے۔

اسکواڈ میں نورالحسن، شمیم حسین، محمد نعیم ، نسوم احمد ، امین السلام ٹیم، سیف حسن، مہدی حسن، ‏شہیدالسلام ، نجم الحسین مستفیض الرحمان، یاسر علی، عاطف حسین، تسکین احمد، اکبر علی اور شوریف السلام ‏شامل ہیں۔

پاکستان اور بنگلادیش کے درمیان تین میچوں پر مشتمل ٹی ٹوئنٹی سیریز کا آغاز 19 نومبر سے ڈھاکا میں ہوگا۔

لاہور: دورہ بنگلا دیش کیلئے قومی ٹیسٹ اسکواڈ کا اعلان کر دیا گیا ہے۔

بنگلادیش کے خلاف ٹیسٹ اسکواڈ میں امام الحق، بلال آصف اور کامران غلام کی واپسی ہوئی ہے جب کہ عمران ‏بٹ، شاہنواز دھانی، حارث رؤف اور یاسرشاہ اسکواڈ میں شامل نہیں ہیں۔
‏
20 رکنی اسکواڈکی قیادت بابراعظم کریں گے جب کہ محمدرضوان نائب کپتان ہوں گے۔ عبداللہ شفیق، عابدعلی، ‏اظہرعلی، بلال آصف، فہیم اشرف، فوادعالم، حسن علی، امام الحق، کامران غلام، محمدعباس، محمدنواز اسکواڈ کا ‏حصہ ہیں۔

نسیم شاہ، نعمان علی، ساجدخان، سرفرازاحمد اور سعودشکیل اسکواڈ میں برقرار ہیں، شاہین شاہ آفریدی اور ‏زاہدمحمود بھی قومی ٹیسٹ اسکواڈکاحصہ ہیں۔

دوسری جانب پاکستان اور بنگلا دیش کے درمیان ٹیسٹ سیریز سے قبل میزبان ٹیم کے اہم کھلاڑی سیریز سے باہر ‏ہو گئے۔ بنگلا دیش کے اوپنر تمیم اقبال انجری کا شکار ہوگئے جس کی وجہ سے وہ دو ٹیسٹ میچز پر مشتمل ‏سیریز میں حصہ نہیں لے سکیں گے۔

یاد رہے کہ پاکستان اور بنگلا دیش کے درمیان پہلا ٹیسٹ 26 نومبر اور دوسرا 4 دسمبر کو کھیلا جائے گا۔

نیوزی لینڈ کے کپتان کین ولیمسن نے آسٹریلیا کے خلاف ٹی ٹوئنٹی ورلڈکپ میں 85 رنز کی دھواں دھار اننگز ‏کھیل کر نئی تاریخ رقم کر دی۔

دبئی کے انٹرنیشنل اسٹیڈیم میں کھیلے جارہے فیصلہ کن معرکے میں نیوزی لینڈ کے بلے باز کریز پر آئے تو ‏آسٹریلوی پیس اٹیک کو ناکام بنانے کے لیے ابتدا میں متحاط انداز اپنایا، 28 کے مجموعے پر پہلا نقصان اٹھانے کے ‏بعد کپتان ولیمسن نے کمان سنبھالی اور بولرز کے سامنے ڈٹ گئے انہوں نے تیزی سے رنز میں اضافہ کرتے ہوئے ‏بڑے ٹوٹل کی بنیاد رکھی۔

Kane Williamson, big match player 🙌 #NZvAUS pic.twitter.com/cNN5D8fMHs

— Doordarshan Sports (@ddsportschannel) November 14, 2021

ولیمسن نے 48 گیندوں پر 85 رنز کی جارحانہ اننگز کھیلی جس میں 10 چوکے اور 3 چھکے شامل تھے۔ انہوں نے ‏‏32 گیندوں پر نصف سنچری بنا کر سابق سری لنکن کپتان سنگاکارا اور انگلش کپتان جوئے روٹ سے تیز ترین ففٹی ‏بنانے کا ریکارڈ چھین لیا۔

 

View this post on Instagram

 

A post shared by ICC (@icc)

کیوی کپتان نے 32 گیندوں پر نصف سنچری اسکور کی یہ ان کی ٹی ٹوئنٹی کیریئر میں 14 ویں ففٹی تھی۔ ‏ولیمسن نے ویسٹ انڈین بلے باز سیمیولز کے 85 رنز بنا کر ٹی ٹوئنٹی ورلڈکپ فائنل کا سب سے بڑا اسکور بھی ‏برابر کر دیا۔ سیمیولز نے 2016 کے فائنل میں انگلینڈ کے خلاف 85 ناٹ آؤٹ باری کھیلی تھی۔

پاکستان کے خلاف آخری اوورز میں میتھیوویڈ کا قیمتی کیچ ڈراپ ہونے پر بلے باز کا اہم بیان آ گیا۔ ‏

آسٹریلوی بیٹر میتھیوویڈ نے کہا ہے کہ شاہین شاہ آفریدی کی گیند پر حسن علی سے ڈراپ ہونے والے کیچ کو ‏ٹرننگ پوائنٹ قرار نہیں دیا جا سکتا۔

انہوں نے کہا کہ جب وہ کیچ گرِ گیا اس وقت ہم اچھی پوزیشن میں آ چکے تھے اگر ایسا تین سے چار اوورز قبل ‏ہوا ہوتا تو نتیجہ مختلف ہو سکتا تھا۔

میتھیوویڈ نے کہا کہ میں پراعتماد تھا اتنا یقین تھا کہ میرے بعد پیٹ کمنز بیٹنگ کو آئیں گے تو دوسری جانب ‏اسٹوئینز کریز پر موجود تھے ہم جیتنے کی پوزیشن میں تھے اس لیے یہ نہیں کہوں گا کہ میرا کیچ ڈراپ ہونے ‏سے پانسلہ پلٹا۔

بابراعظم نے میچ کا ٹرننگ پوائنٹ بتا دیا

قومی ٹیم کے کپتان بابراعظم نے آسٹریلیا کے خلاف میتھیو ویڈ کا کیچ ڈراپ ہونے کو ٹرننگ پوائنٹ قرار دیا تھا۔

میچ کے اختتام پر بابراعظم نے کہا کہ آسٹریلیا جیسی ٹیم کو چانس دیں گے تو وہ میچ لے لیں گے کچھ غلطیاں ‏‏ضرور ہوئیں لیکن مجموعی طور پر ٹیم نے اچھا کھیلا۔

انہوں نے کہا کہ میتھیوویڈ کا کیچ ہو جاتا تو صورتحال تبدیل ہو سکتی تھی نتیجہ کچھ اور ہوتا کیونکہ نیا بلے باز ‏‏آتا تو بہت کچھ الگ ہو سکتا تھا۔

قومی ٹیم کے کپتان بابراعظم حسن علی کے دفاع میں آ گئے۔

میچ کے بعد پریس کانفرنس کرتے ہوئے بابراعظم نے کہا کہ حسن علی میرا بہترین بولر ہےکیچ سب سے ڈراپ ‏ہوتے ہیں، لوگوں کا کام ہے بات کرنا اور ہمارا کام سب کو سپورٹ کرنا ہے۔

بابراعظم نے کہا کہ مجھے لگافاسٹ بولر سے بولنگ کرانا ٹھیک تھا پورےٹورنامنٹ میں لوگوں کی سپورٹ ملی ہے ‏کراؤڈنے بہت سپورٹ کیا امید ہے آگے بھی کریں گے۔

بابراعظم نے میچ کا ٹرننگ پوائنٹ بتا دیا

اس سے قبل میچ کے اختتام پر بابراعظم نے کہا کہ آسٹریلیا جیسی ٹیم کو چانس دیں گے تو وہ میچ لے لیں گے ‏کچھ غلطیاں ضرور ہوئیں لیکن مجموعی طور پر ٹیم نے اچھا کھیلا۔

انہوں نے کہا کہ میتھیوویڈ کا کیچ ہو جاتا تو صورتحال تبدیل ہو سکتی تھی نتیجہ کچھ اور ہوتا کیونکہ نیا بلے باز ‏آتا تو بہت کچھ الگ ہو سکتا تھا۔

واضح رہے کہ اہم مرحلے میں میتھیوویڈ کا قیمتی کیچ ڈراپ کرنے پر حسن علی کو شدید تنقید کا نشانہ بنایا ‏جارہا ہے، سوشل میڈیا صارفین حسن علی کی میمز بنا کر اپنے غم و غصے کا اظہار کررہے ہیں۔

پاکستان کے سابق کپتان یونس خان نے آسٹریلیا کے خلاف سیمی فائنل میں غلطیوں کی نشاندہی کر دی۔

اے آر وائی نیوز کے پروگرام میں گفتگو کرتے ہوئے یونس خان نے کہا کہ مجموعی طور پر قومی ٹیم نے زبردست ‏کارکردگی کا مظاہرہ کیا لیکن بڑے میچ میں جو غلطیاں انگلینڈ نے کیں وہی پاکستان سے ہوئیں۔

انہوں نے کہا کہ گزشتہ روز بھی کہا تھا کہ انگلینڈ نے اسپنرز کا بھرپور استعمال نہ کر کے بلنڈر کیا اور آج ‏پاکستان نے بھی اسپن بولنگ آپشنز کو ٹھیک سے استعمال نہیں کیا، پہلے ہی کہا تھا کہ انگلینڈ کی ہار سے سبق ‏سیکھنا ہوگا انگلش ٹیم نے معین علی سے حیران کن طور پر بولنگ نہیں کروائی اور فاسٹ بولرز پر اعتماد کیا۔

یونس خان نے کہا کہ اسپن بولنگ کا شعبہ کمزور تھا گو کہ عماد اور شاداب نے اچھی بولنگ کی ہے تاہم ان کے ‏ساتھ کوئی اور وکٹ ٹیکنگ اسپن آپشن نہیں تھا، بار بار کہا تھا ایک اور اسپنر کو آزمائیں ٹیم میں تبدیلی کر کے ‏کچھ کھلاڑیوں کو آرام دیں تاکہ انداز ہو کہ مشکل میں اسپن آپشنز ہوں۔

ان کا کہنا تھا کہ آج کے میچ میں بھی اسپنرز کی کمی محسوس ہوئی، عماد اور شاداب کے علاوہ کوئی اور وکٹ ‏ٹیکنگ اسپن آپشن نہیں تھا، حسن علی اور عماد کو ڈراپ کر کے دیگر اسپنرز کو موقع دے سکتے تھے۔
‏
سابق کپتان نے کہا کہ گزشتہ ایک ماہ سے جس طرح ٹیم نے کارکردگی کا مظاہرہ کیا وہ انتہائی زبردست ہے جتنی خوشیاں ‏اس ٹیم نے دی ہیں ایک میچ کی ہرا پر تنقید نہیں کر سکتے ہمیں اس ٹیم کو پورا سپورٹ کرنا ہے۔