وفاقی وزیر فیصل واوڈا نے کہا ہے کہ پی ڈی ایم اسلام آباد یا پنڈی آئےانہیں چائےپانی پلایا جائے گا۔
اے آروائی نیوز کے پروگرام آف دی ریکارڈ میں گفتگو کرتے ہوئے فیصل واوڈا نے کہا کہ اپنےمفاد کےلیےبیانات دیئے جارہےہوتےہیں، اداروں کیخلاف کسی بھی قسم کی گفتگوبرداشت نہیں کی جائے گی۔
انہوں نے کہا کہ یہ لوگ ایک اورسانحہ ماڈل ٹاؤن چاہتےہیں مگر ایسا ہو گا نہیں، فضل الرحمان چاہتےہیں کسی بھی طرح حکومت چلی جائے آج دیکھیں اےآروائی نیوزکی گاڑی پرحملہ کیاگیا، میڈیاحقیقت دکھارہاہےتوانہیں وہ بھی برداشت نہیں ہے۔
فیصل واوڈا کا کہنا تھا کہ یہ لوگ آرمی چیف نام لےکران پرتنقیدکررہےہوتےہیں، اداروں کےسربراہوں کانام لے کر تنقید کون سی جمہوریت ہے، اپنےمفادکیلئےاداروں کواستعمال کیاجاتاتھالیکن اب ایسانہیں ہے پاک فوج سرحدوں پردہشت گردی کامقابلہ کررہی ہے۔
پروگرام میں گفتگو کرتے ہوئے چوہدری منظور نے کہا کہ اے آر وائی نیوزکی گاڑی پرحملےکی مذمت کرتا ہوں، اے آر وائی نیوز کی گاڑی پرحملہ سیاسی کارکنوں کاکام نہیں۔
ان کا کہنا تھا کہ فارن فنڈنگ کیس کافیصلہ اب تک نہیں ہورہا، کیسز کے فیصلے نہیں ہوں گےتوشکوک وشبہات پید اہوں گے، فارن فنڈنگ کاپی ٹی آئی کےحق میں فیصلہ ہولیکن فیصلہ توہو، اداروں کی جانب سےمداخلت نہ ہو تو کوئی بھی تنقیدنہیں کرے گاماضی میں ہم نےبہت ظلم و جبر دیکھا ہےآئندہ بھی دیکھ لیں گے۔
