Author: ویب ڈیسک

ہالی وڈ کی نامور اداکارہ ’لِنڈ سے لوہن‘ بچوں کے ایک سینٹرکے باہرکھینچی گئی حالیہ تصویر میں قرآنِ مجید کا نسخہ اپنے ساتھ لئے دکھائی دیں ہیں۔

دنیا بھر میں افواہین گردز کررہی ہیں کہ ہالی وڈ سے تعلق رکھنے والی اداکارہ نے اسلام قبول کرلیا ہے اور ان تمام افواہوں کا محرک وہ تصویر ہے جس میں لنڈسے بروکلن میں واقع چلڈرن سنٹر کے باہر ہاتھ میں قرآن لئے دیکھی گئیں ہیں۔

لنڈسے لوہن ’مِین گرلز‘ اور اسکیری مووی 5‘ میں اداکاری کے جوہر دکھا چکی ہیں۔ لنڈسے عموماً مشکلات میں گھری رہنے والی لڑکی ہیں حالیہ دنوں نیویارک کی ایک عدالت نے انہیں کمیونٹی سروس کی سزا سنائی ہے۔ لنڈسے کی مذہب سے رغبت کو ماضی میں بھی نوٹ کیا جاچکا ہے جب وہ یہودیوں سے تعلق رکھنے والا ’کبالا بریسلٹ‘ ہاتھ میںپہنی دکھائی دی تھیں۔

عدالت نے 2013 میں انہیں غلط ڈرائیونگ اور پولیس سے جھوٹ بولنے کے الزام میں 240 گھنٹے سماج کی خدمر کرنے کی سزا سنائی تھی اور90 روز کے لئے منشات بحالی مرکز جانے کا حکم بھی دیا تھا بعد ازاں ان کی سماج کی خدمت کے اوقات میں 125 گھنٹوں کا اضافہ بھی کیا گیا۔

لنڈسے نے اسلام قبول کیا یا نہیں یہ تو وقت ہی بتائے گالیکن اگر مشکلات کا شکار خوبرو اداکارہ اپنے مسائل کا حل کتاب الحکمت یعنی قران مجید میں ڈھونڈنے کی کوشش کررہی ہیں تو یہ بھی ایک خوش آئند امرہے۔