اسلام آباد: رواں سال موسم گرما میں ملک کے میں اعلانیہ لوڈشیڈنگ کا دورانیہ چھ سے آٹھ گھنٹے ہوگا۔
وزارت پانی وبجلی کے زرائع کے مطابق موسم گرما میں شہروں میں اعلانیہ لوڈشیئڈنگ کا دورانیہ چھ گھنٹےجبکہ دیہی علاقوں یہ دورانیہ آٹھ گھنٹے ہوگا۔
وزارت پانی بجلی کے مطابق جن علاقوں میں بجلی کی چوری نوئےفیصد تک ہے وہاں لوڈشیڈنگ کا دورانیہ سولہ سےاٹھارہ گھنٹے ہوگا۔
ایل این جی کی ترسیلی پائپ لائن نہ ہونے کے باعث ایل این جی پاور پلانٹس سےبجلی کی پیداوار دسمبر دوہزار سترہ سے پہلے ممکن نہیں ہے۔
لاہور: چئیرمین پی سی بی شہریار خان کا کہنا ہے کہ بھارت سے سیریز کا آغاز نیوٹرل وینیو پر ہی ہوگا۔
پاک بھارت سیریز کی بحالی اور نشریاتی حقوق کے معاملے کے حل کیلئے چئیرمین پی سی بی شہریار خان نے مودی حکومت کے اہم وزیر ارون جیٹلی سے ملاقات کی، ارون جیٹلی کے پاس وزیر خزانہ کے ساتھ ساتھ بھارت کے اطلاعات ونشریات کا بھی قلمندان ہے۔
بھارتی چینل کو دیئے گئے انٹرویو میں چئیرمین پی سی بی شہریار خان کا کہنا تھا کہ سیریز کیلئے نشریاتی حقوق کا معاملہ جلد حل کرلیا جائے گا۔
بھارت سے سیریز کا آغاز نیوٹرل وینیو پر ہی ہوگا، امید ہے بھارتی حکومت سیریز کی کلئیرنس دے دی گی۔
کراچی : اسماعیلی کمیونٹی کے ایک وفد نے سلطان علی الانہ کی قیادت میں آج شام گورنر ہاؤس میں گورنر سندھ ڈاکٹر عشرت العباد خان سے ملاقات کی۔
اس موقع پر گورنر سندھ نے سانحہ صفوراچورنگی پر افسوس کا اظہار کرتے ہوئے اسے ایک شرمناک واقعہ قرار دیا، انہوں نے کہا کہ آج پوری قوم اشکبار ہے اور پوری قوم نے اس اندوہناک سانحہ کی مذمت کی ہے۔
انہوں نے یقین دلایا کہ جو عناصر بھی اس میں ملوث ہیں انہیں بہت جلد گرفتار کرکے کیفرکردار تک پہنچایا جائے گا انہو ں نے کہا کہ اسماعیلی کمیونٹی پاکستان میں بسنے والی پُرامن کمیونٹی ہے جس کا اعتراف برملا کیا جاتا ہے۔
انہو ں نے کہا کہ اس کمیونٹی کے ساتھ کسی کی دشمنی بعید از خیال ہے، لہذا اس کمیونٹی کے اوپر اس ظلم کی کوئی وجہ نظر نہیں آتی۔
انہو ں نے کہا کہ وفاقی و صوبائی حکومت اس بات کا تہیہ کرچکی ہے کہ اس شہر اور ملک بھر سے دہشت گردی کو یکسر ختم کرکے دم لیں گے۔
انہوں نے کہا کہ دہشت گرد پسپائی اختیار کررہے ہیں لہٰذا وہ اپنی شکست کا بدلہ لینے کیلئے معصوم لوگوں کی جان لے کر خوف کی فضا قائم کرنا چاہتے ہیں۔
گورنر سندھ نے وفد کو یقین دلایا کہ وفاقی و صوبائی حکومتیں اسماعیلی برادری کو تحفظ فراہم کرنے کے لئے ہر سطح پر اقدامات اٹھائیں گی تاکہ آئندہ اس قسم کے واقعات کا اعادہ نہ ہو ۔
دریں اثناء گورنر سندھ ڈاکٹر عشرت العباد خان نے پرنس کریم آغا خان سے ٹیلیفونک رابطہ کیا اور ان سے سانحہ پر افسوس کا اظہار کرتے ہوئے کہا کہ پوری قوم غمزدہ خاندانوں کے ساتھ ہے اور سانحہ میں ملوث عناصر کو کیفر کردار تک پہنچایا جائے گا ۔
کراچی: الطاف حسین نے وزیراعلیٰ سندھ سے استعفے کا مطالبہ کردیا، کہتے ہیں سانحہ کراچی کے بعد داعش کے پمفلٹ پھینکنے کا عمل حکومت کی آنکھیں کھولنے کیلئے کافی ہے ۔
ایک بیان میں متحدہ قومی موومنٹ کے قائد الطاف حسین نے کہاکہ وہ کئی برسوں سے کہہ رہے ہیں کہ کراچی میں طالبانائزیشن ہورہی ہے، سندھ میں القاعدہ، طالبان اورداعش کے دہشت گرد موجود ہیں مگر ان کی باتوں کو سنجیدگی سے نہیں لیا گیا ۔
الطاف حسین کا کہنا تھا اسماعیلی کمیونٹی کے پرامن لوگوں کو دہشت گردی کا نشانہ بنانا افسوس ناک واقعہ ہے وزیراعلیٰ سندھ قائم علی شاہ کوچاہیے کہ وہ اپنے عہدے سے استعفٰی دے دیں ۔
الطاف حسین نے کہاکہ جب میں نے کراچی میں طالبانائزیشن کی بات کی تو سندھ کے وزیراعلیٰ قائم علی شاہ اور ان کے وزراء کراچی میں طالبانائزیشن سے انکارکرتے رہے اور کہتے رہے کہ الطاف حسین خوف پھیلارہے ہیں۔
، جب میں نے داعش کی موجودگی کے حوالہ سے انکشاف کیا تو کہا گیا کہ کراچی میں ایسے ہی کسی نے داعش کی چاکنگ کردی ہوگی لیکن آج صفورا چورنگی کے المناک سانحہ کے بعد دہشت گرد قاتلوں کی جانب سے داعش کے پمفلٹ پھینکے گئے ہیں جو اس بات کا ثبوت ہے کہ میری بات درست ہے۔
واضح رہے کہ کراچی کے علاقے صفورہ چورنگی پرآج 13 مئی 2015 کو اسماعیلی ادارے الاظہرگارڈن کے زیرِاہتمام چلنے والی بس کو روک کرمسلح افراد نے اندھا دھند فائرنگ کردی جس کے نتیجے میں 43 افراد جاں بحق جبکہ متعدد زخمی ہوگئے۔
چھ مسلح ملزمان نے بس کو روکا اوراس میں داخل ہوکراندھا دھند فائرنگ کرکے مسافروں کو قتل کردیا، جائے وقوعہ سے نائن ایم ایم اورایس ایم جی پسٹل کے خول ملے ہیں۔
کوئٹہ : اکبر بگٹی قتل کیس کی سماعت کرنے والی انسداد دہشت گردی کی عدالت نے سابق صدر پرویز مشرف کو پیشی سے مستقل استثنیٰ دیدیا، جج کا کہنا تھا کہ مقدمہ کی کارروائی تیزی سے آگے بڑھانا چاہتےہیں۔
تفصیلات کے مطابق نواب اکبر خان بگٹی مقدمہ قتل کی سماعت کوئٹہ کی انسداد دہشت گردی کی عدالت ون کے جج آفتاب احمد لون نے کی۔
نوابزادہ جمیل اکبر بگٹی کے وکیل سہیل احمد راجپوت عدالت میں بطور گواہ پیش ہوئے تو سابق صوبائی وزیر داخلہ شعیب احمد نوشیروانی کے وکیل محمد فاروق نے ان سے جرح کی، جبکہ سابق صدر پرویز مشرف کے وکیل نے گواہ سے جرح نہ کرنے کو ترجیح دی۔
کارروائی مکمل ہونے کے بعد عدالت نے سابق صدر پرویز مشرف کی جانب سے دوران مقدمہ عدالت میں حاضری سے مستقل استثنیٰ کی دائر درخواست پر گزشتہ سماعت میں کیا گیا محفوظ فیصلہ سنا دیا۔
نوابزادہ جمیل اکبر بگٹی کے وکیل کا کہنا تھا کہ مقدمے میں نامزد ملزمان کی جانب سے تاخیری حربوں کی ہمیشہ مخالفت کرتے رہیں گے۔
سابق وفاقی وزیر داخلہ آفتاب شیرپاؤ کے وکیل کی عدم حاضری پر عدالت نے برہمی کا اظہارکیا اور ہدایت کی کہ آئندہ سماعت پرہر صورت پیش ہوں۔
بصورت دیگر وکیل کو نوٹس کے علاوہ موکل کے وارنٹ گرفتاری بھی جاری کریں گے،جس کے بعد سماعت یکم جون تک کے لئے ملتوی کردی گئی۔
اسلام آباد : جوڈیشل کمیشن کےاجلاس میں ن لیگ کے وکیل شاہد حامد نے گزشتہ روز عمران خان کی پریس کانفرنس کوکمیشن کی کارروائی میں مداخلت قراردیا ہے۔
تفصیلات کے مطابق جوڈیشل کمیشن کےاجلاس میں ملک بھرمیں ووٹرزکی تعداداورفراہم کردہ بیلٹ پیپرز کے مواد پر مبنی دستاویز ات جمع کر ادی گئیں۔
سپریم کورٹ میں جوڈیشل کمیشن کےاجلاس میں ن لیگ کے وکیل شاہد حامد نے گزشتہ روز کی سماعت کے بعد عمران خان کی پریس کانفرنس پر اعتراض کیا اور اسےکمیشن کی کارروائی میں مداخلت قراردیا۔
ان کا کہنا تھا کہ پریس کا نفرنس میں عمران خان نے گواہ محبوب انورکو جھوٹاکہا۔ انہوں نے کمیشن سےاستدعاکی کہ وہ عمران خان کی پریس کا نفرنس کانوٹس لیں.
ن لیگ کے وکیل شاہد حامد کے ریمارکس پرچیف جسٹس ناصرالملک نے کہاکہ ان کےاعتراضات نوٹ کرلئےہیں اوریہ معاملہ چیمبر میں سنیں گے۔
پی ٹی آئی کے وکیل عبدالحفیظ پیرزادہ نے کمیشن سے جمع کی گئی دستاویزات دیکھنے کی درخواست کی۔ چیف جسٹس نے عمران خان کی پریس کانفرنس پر پی ٹی آئی اور ن لیگ کے وکیل کو چیمبر میں طلب کیا۔
جوڈیشل کمیشن کا اجلاس جمعرات کی صبح ساڑھے گیارہ بجے تک ملتوی کر دیا گیا۔
کراچی : وزیر اعلیٰ سندھ سید قائم علی شاہ نے آئی جی سندھ غلام حیدر جمالی کو عہدے سے ہٹا نے سے متعلق خبر کی تردید کردی.
تفصیلات کے مطابق وزیر اعلیٰ سندھ نے صفورہ کے علاقے میں آغا خان کمیونٹی کی بس فائرنگ کے اندوہناک واقعے میں 45 بے گناہ افراد کے جاں بحق ہونے بعد انسپکٹر جنرل آف پولیس سندھ کو ان کے عہدے سے برطرف کرنے کی خبر کی تردید کردی ہے.
قائم علی شاہ کا کہنا تھا کہ میں ایسا کوئی حکم جاری نہیں کیا، جبکہ اے آر وائی کے نمائندے کے مطابق وزیر اعلیٰ ہاؤس کےٹیلی فون نمبر سے آنے والی کال کے ذریعے پیغام دیا گیا تھا کہ آئی جی سندھ غلام حیدر جمالی کو عہدے سے ہٹا دیا گیاہے اور ان کی جگہ ڈی آئی جی سندھ غلام قادر تھیبو کو آئی جی سندھ کا اضافی چارج دے دیا گیا ہے.
تاہم بعد ازاں وزیراعلیٰ سندھ سید قائم علی شاہ نے میڈیا کو بتایا کہ میں ایسا کوئی آرڈر نہیں دیاہے اور آئی جی سندھ غلام حیدر جمالی اپنے عہدے پر برقرار ہیں.
علاوہ ازیں اس سے قبل وزیراعلیٰ سندھ نےغفلت برتنے پر ڈی ایس پی اور ایس ایچ اوکومعطل کردیا تھا، وزیر اعلیٰ سندھ کا کہنا تھا کہ بس کو سیکورٹی کیوں نہیں دی گئی اس کی انکوائری کروائی جارہی ہے۔
کراچی : آئی جی سندھ غلام حیدر جمالی کو عہدے سے ہٹا دیا گیا۔
تفصیلات کے مطابق حکومت سندھ نے صفورہ کے علاقے میں آغا خان کمیونٹی کی بس پر فائرنگ کے اندوہناک واقعے میں 45 بے گناہ افراد کے جاں بحق ہونے بعد انسپکٹر جنرل آف پولیس سندھ کو ان کے عہدے سے برطرف کردیا ہے۔
جبکہ ڈی آئی جی سندھ غلام قادر تھیبو کو آئی جی سندھ کا اضافی چارج دے دیا گیا ہے ۔
اس سے قبل وزیراعلیٰ سندھ نےغفلت برتنے پر ڈی ایس پی اور ایس ایچ اوکومعطل کردیا ہے، وزیر اعلیٰ سندھ کا کہنا تھا کہ بس کو سیکورٹی کیوں نہیں دی گئی اس کی انکوائری کروائی جارہی ہے۔
کراچی: شہرِ قائد میں بس پر ہولناک دہشتگردی ایک اور قومی سانحہ ہے، دہشتگردوں کی گولیوں کا نشانہ بنے والے نہتے شہریوں کی شناخت کا کیا جارہا ہے۔
مرنے والوں میں نذرعلی، سیدنذر ، جاوید ، عصمتہ سلیم ، لیاقت نورجی ، نذرمیاجی، عروشہ ذوالفقار ،رجب علی شامل ہیں
رضوان رحیم ، علیشاہ اکبر ، رحیم میانجی ، نورعلی ،عبدالوالا ،سونیا سلطان، رمضان ولی ، نیلم رضوان ،امینا نذر کو بھی شناخت کرلیا گیا۔
جاں بحق افراد میں شمیم ، کاکوبھین، زبیدہ اکبر، زبیدہ نذر، سلطان قاسم، ولی بھین اور رجب پیر بھی شامل ہیں ۔
پولیس سرجن کے مطابق جاں بحق افراد چھبیس افراد کا پوسٹ مارٹم مکمل کرکے آغا خان منتقل کردیا گیا ہے۔
کشمور: اندرونِ سندھ میں ریلوے ٹریک پردھماکے سے خوشحال خان خٹک ایکسپریس پٹری سے اترگئی۔
تفصیلات کے مطابق کشمور کے علاقے کندھ کوٹ میں نامعلوم شرپسندوں نے بارود لگا کرریلوے ٹریک پردھماکہ کردیا جس کے نتیجے میں ٹریک کا دس فٹ کا حصہ تباہ ہوگیا
دھماکے کے نتیجے میں خوشحال خان خٹک کی 10 بوگیاں پٹری سے اترگئیں۔
واقعے کے نتیجے میں سندھ اورپنجاب کے درمیان ٹرینوں کی آمد ورفت معطل ہوگئی ہے۔
واضح رہے کہ سندھ میں شرپسند عناصر آئے روز اس قسم کی کاروائیاں انجام دیتے رہتے ہیں۔