ARYNews.tv | Urdu – Har Lamha Bakhabar

Author: ویب ڈیسک

  • پاک افغان میچ: پلیئرز نے پاکستان میں سیلاب، افغانستان میں زلزلہ متاثرین کےلیے ایک منٹ کی خاموشی اختیار کی

    پاک افغان میچ: پلیئرز نے پاکستان میں سیلاب، افغانستان میں زلزلہ متاثرین کےلیے ایک منٹ کی خاموشی اختیار کی

    شارجہ: پاک اور افغانستان کے میچ میں پلیئرز نے پاکستان میں سیلاب اور افغانستان میں زلزلہ متاثرین کےلیے ایک منٹ خاموشی اختیار کی۔

    ٹرائی سیریز میں پاکستان اور افغانستان کے درمیان چوتھے میچ کے آغاز سے قبل دونوں ٹیموں کے کرکٹرز نے پاکستان میں سیلاب اور افغانستان میں زلزلہ سے متاثرہ لوگوں کے ساتھ اظہاریکجہتی کیا۔

    پاکستان اور افغانستان کا دوسرا میچ شروع ہونے سے پہلے دنوں ٹیموں کی جانب سے سیلاب اور زلزلہ متاثرین کےلیے ایک منٹ خاموشی اختیارکی گئی۔

    خیال رہے کہ سہ ملکی سیریز نے چوتھے میچ میں افغانستان نے پاکستان کے خلاف ٹاس جیت کر پہلے بیٹنگ کا فیصلہ کیا ہے۔

    شارجہ میں کھیلے جارہے میچ میں راشد خان نے ٹاس جیت کر سلمان علی آغا الیون کو پہلے بولنگ کی دعوت دی ہے، گزشتہ روز کھیلے گئے میچ میں افغانستان نے یو اے ای کے خلاف کامیابی حاصل کی تھی۔

    پاکستان نے سیریز میں اپنے دونوں میچز جیتے ہیں، گرین شرٹس نے پہلے میچ میں افغانستان اور دوسرے میچ میں یو اے ای کو شکست دی تھی۔

  • ’حماس نے نئی جنگ بندی تجویز قبول کی مگر اسرائیل نے جواب نہیں دیا‘

    ’حماس نے نئی جنگ بندی تجویز قبول کی مگر اسرائیل نے جواب نہیں دیا‘

    قطر نے کہا ہے کہ نئی جنگ بندی تجویز کو حماس نے قبول کیا مگر اسرائیل نے کوئی جواب نہیں دیا۔

    قطری وزارت خارجہ کی جانب سے جاری بیان کے مطابق اسرائیل نے تازہ جنگ بندی تجویز پر کوئی جواب نہیں دیا حالانکہ نئی جنگ بندی تجویز کو حماس نے قبول کر لیا تھا۔

    وزارت خارجہ نے کہا کہ اسرائیل کو مذاکرات میں شامل ہونا چاہیے تاکہ جنگ ختم ہو، اسرائیل کی جانب سےابتک کوئی پیشرفت یا جواب نہیں ملا۔

    ان کا کہنا تھا کہ امریکا اور ثالثوں سے رابطے جاری ہیں مگر کوئی پیشرفت نہیں ہوئی، اسرائیل کا غزہ پر قبضے کا منصوبہ سب کےلیےخطرہ ہے عالمی برادری کو اسرائیل کو روکنے کےلیے متحد ہونا ہو گا۔

    غزہ میں جنگ بندی کی نئی تجویز کی شرطیں سامنے آ گئی ہیں، یہ تجویز حماس نے بھی قبول کی ہے۔

    قطری وزارتِ خارجہ کا کہنا ہے کہ 200 فلسطینی قیدیوں کی رہائی کے بدلے حماس 10 یرغمالی اور 18 لاشیں اسرئیل کے حوالے کرے گا۔

    شرائط کے مطابق اسرائیلی افواج کی جزوی واپسی ہوگی، اور غزہ میں انسانی امداد میں اضافہ کیا جائے گا، موجودہ جنگ بندی بھی عارضی ہوگی۔

    قطر نے تصدیق کی ہے کہ حماس نے غزہ کی جنگ بندی کی تجویز کا مثبت جواب دیا ہے، جس میں 60 دن کی جنگ بندی بھی شامل ہے، تاہم اسرائیل نے تاحال کوئی ردعمل ظاہر نہیں کیا ہے۔ اسرائیلی میڈیا نے رپورٹ کیا ہے کہ نیتن یاہو جنگ بندی معاہدے کے تحت باقی تمام 50 اسیران کی رہائی پر اصرار کر رہے ہیں۔

  • سائرہ یوسف نے بیٹی کی پرورش کا کریڈٹ شہروز سبزواری کو دے دیا

    سائرہ یوسف نے بیٹی کی پرورش کا کریڈٹ شہروز سبزواری کو دے دیا

    شوبز انڈسٹری کی معروف اداکارہ سائرہ یوسف نے بیٹی نورے کی پرورش کا سارا کریڈٹ سابق شوہر شہروز سبزواری کو دے دیا۔

    حالیہ انٹرویو میں اداکارہ سائرہ یوسف نے سابق شوہر شہروز سبزواری کے ساتھ اپنی آٹھ سالہ ازدواجی زندگی اور بیٹی نورے سے متعلق اظہار خیال کیا۔

    انہوں نے میزبان سے کہا کہ ’میں تھراپی کے لیے گئی تھی اور سمجھ گئی تھی کہ مجھے شریک والدین کے لیے خود میں کیا تبدیلیاں لانے کی ضرورت ہے۔‘

    اداکارہ نے کہا کہ سب سے بڑا مسئلہ جو شریک والدین کے دوران پیدا ہوتا ہے وہ یہ ہے کہ جب آپ اسے اپنے بارے میں بناتے ہیں، آپ اپنے سابق شریک حیات کے ساتھ تنازع پیدا کرنے کے لیے غیر ضروری مسائل کو جنم دیتے ہیں یا اپنی مایوسی کو دوسرے شخص پر نکال دیتے ہیں لیکن شریک والدین نے مجھے اپنی انا کو مارنے کا طریقہ سکھایا۔

    یہ پڑھیں: ’آپ کو اپنی زندگی کہنے پر خود کو خوش قسمت سمجھتا ہوں‘

    سائرہ یوسف نے کہا کہ جیسے ایسے مواقع آتے ہیں جب میں کچھ مختلف کرنا چاہتی ہوں یا میں نورے کے ساتھ زیادہ وقت گزارنا چاہتی ہوں لیکن وہ وہاں یا اپنی بہن کے ساتھ زیادہ وقت گزارنے کے لیے تیار ہے، اس لیے مجھے اسے قبول کرنا پڑے گا، یہ ٹھیک ہے۔

    انہوں نے سابق شوہر شہروز سبزواری کی حمایت اور سمجھ بوجھ کی تعریف کرتے ہوئے کہا کہ مجھے یہ کریڈٹ انہیں دینا ہے وہ شریک والدین کے ساتھی رہے ہیں۔

    واضح رہے کہ سائرہ یوسیف اور شہروز سبزواری نے 2011 میں شادی کی اور دسمبر 2019 میں علیحدگی کا اعلان کیا اور پھر ان کی طلاق ہوگئی، شہروز سبزواری نے دوسری شادی ماڈل صدف کنول سے کی جس سے ان کی ایک بیٹی ہے جبکہ سائرہ نے دوسری شادی نہیں کی۔

  • پاکستان میں آج چاندی کی قیمت میں کتنا اضافہ ہوا؟

    پاکستان میں آج چاندی کی قیمت میں کتنا اضافہ ہوا؟

    پاکستان میں چاندی کی قیمت بین الاقوامی مارکیٹ میں چاندی کی مانگ و رسد، ڈالر کی قیمت، مہنگائی، عوامی مانگ اور سرکاری پالیسیوں جیسے مختلف عوامل پر منحصر ہوتی ہے۔

    ساڑھے باون تولہ چاندی کی قیمت کا تعین اس لیے اہم ہے کہ تاریخی طور پر یہ ایک معیاری وزن سمجھا جاتا ہے اور زیادہ تر چاندی کے زیورات اسی وزن اور مخصوص معیار کے تحت تیار کیے جاتے ہیں، پاکستان کے مختلف شہروں میں چاندی کی قیمت میں تھوڑا سا اتار چڑھاؤ پایا جاسکتا ہے۔

    ملک میں مقامی کرنسی کے حساب سے روزانہ چاندی کی قیمت اپ ڈیٹ ہوتی ہے، فی گرام چاندی، دس گرام چاندی اور فی تولہ چاندی کی قیمت آج ملک میں کیا رہی اس حوالے سے ذیل میں قیمتوں کی تفصیلات بتائی گئی ہی۔

    ملک بھر میں چاندی کی قیمت میں اضافہ دیکھنے میں آیا، کراچی، لاہور اور اسلام آباد میں 10 گرامی چاندی کی قیمت تقریباً 3617 روپے رہی جبکہ ان شہروں میں ایک تولہ چاندی کی قیمت تقریباً 4220 روپے ریکارڈ کی گئی۔

    اسی طرح راولپنڈی، پشاور اور کوئٹہ میں بھی چاندی کے نرخ یکساں رہے، ان شہروں میں 10 گرامی چاندی کی قیمت 3617 روپے رہی جبکہ ایک تولہ چاندی کی قیمت 4220 روپے رہی۔

    پاکستان میں چاندی کو صرف زیورات کے طور پر ہی نہیں بلکہ ایک محفوظ سرمایہ کاری کے طور پر بھی دیکھا جاتا ہے۔ یہاں چاندی کی سرمایہ کاری کے بارے میں کچھ اہم باتیں جاننا ضروری ہے:

    مہنگائی کے خلاف ایک ہیج: چاندی کو اکثر مہنگائی کے خلاف ایک ہیج سمجھا جاتا ہے۔ جب مہنگائی بڑھتی ہے تو چاندی کی قیمت میں بھی اضافہ ہونے کا امکان ہوتا ہے۔

    طویل مدتی سرمایہ کاری: چاندی میں سرمایہ کاری کو طویل مدتی سرمایہ کاری کے طور پر دیکھا جاتا ہے۔ اس کی قیمت میں مختصر مدت میں اتار چڑھاؤ آ سکتا ہے لیکن طویل مدت میں یہ ایک اچھی سرمایہ کاری ثابت ہو سکتی ہے۔

    سونا کے مقابلے میں کم خطرناک: سونا کے مقابلے میں چاندی کو کم خطرناک سرمایہ کاری سمجھا جاتا ہے۔ اگرچہ سونا بھی ایک محفوظ سرمایہ کاری ہے لیکن چاندی کی قیمت میں اتار چڑھاؤ کم ہوتا ہے۔

  • ترک صدر کا امریکا سے فلسطینی رہنماؤں کو ویزا دینے کا مطالبہ

    ترک صدر کا امریکا سے فلسطینی رہنماؤں کو ویزا دینے کا مطالبہ

    ترک صدر رجب طیب اردوان نے امریکا سے فلسطینی رہنماؤں کو ویزا دینے کا مطالبہ کیا ہے۔

    صدر اردوان نے زور دیا کہ امریکا فوری طور پر فلسطینی قیادت کو ویزا نہ دینے کا فیصلہ واپس لے، فلسطینی وفد کی جنرل اسمبلی میں غیرموجودگی صرف اسرائیل کو خوش کرے گی۔

    انہوں نے کہا کہ امریکی فیصلہ اقوام متحدہ کے قیام کے بنیادی مقصد کے منافی ہے جنرل اسمبلی دنیا کے مسائل پر بات اور حل کےلیے ہے امریکا کو چاہیے اسرائیل کے قتل عام کو روکنے کےلیے قدم اٹھائے۔

    https://urdu.arynews.tv/turkey-all-trade-with-israel/

    امریکی محکمہ خارجہ نے محمود عباس سمیت 80 فلسطینی نمائندوں کو ویزا جاری کرنے سے انکار کر دیا ہے۔ امریکی اسٹیٹ ڈپارٹمنٹ کے ترجمان ٹومی پیگوٹ نے ایکس پر جاری بیان میں کہا کہ آج ٹرمپ انتظامیہ اعلان کر رہی ہے کہ فلسطین لبریشن آرگنائزیشن اور فلسطین اتھارٹی کے اراکین کو اقوام متحدہ کی جنرل اسمبلی کے اجلاس میں شرکت کے لیے قانون کے مطابق ویزے نہیں دیے جائیں گے۔

    روئٹرز کے مطابق امریکا فلسطینی اتھارٹی کے صدر محمود عباس کو اگلے ماہ اقوام متحدہ کے عالمی رہنماؤں کے اجتماع کے لیے نیویارک جانے کی اجازت نہیں دے گا، جہاں کئی امریکی اتحادی فلسطین کو بطور ریاست تسلیم کرنے کے لیے تیار ہیں۔ محمود عباس مین ہٹن میں اقوام متحدہ کے ہیڈ کوارٹر میں سالانہ اعلیٰ سطحی اقوام متحدہ کی جنرل اسمبلی کے لیے نیویارک جانے کا منصوبہ بنا رہے تھے۔ وہ وہاں ایک سربراہی اجلاس میں بھی شرکت کرنے والے تھے جس کی میزبانی فرانس اور سعودی عرب کریں گے، جہاں برطانیہ، فرانس، آسٹریلیا اور کینیڈا نے فلسطینی ریاست کو باضابطہ طور پر تسلیم کرنے کا عہد کیا ہے۔

  • وزیر اعلیٰ علی امین گنڈاپور نے نئے صوبوں کی بھی حمایت کردی

    وزیر اعلیٰ علی امین گنڈاپور نے نئے صوبوں کی بھی حمایت کردی

    وزیر اعلیٰ خیبرپختونخوا علی امین گنڈاپور نے کالا باغ ڈیم کے بعد نئے صوبوں کی بھی حمایت کردی۔

    اے آر وائی نیوز کے مطابق وزیر اعلیٰ کے پی علی امین گنڈاپور نے کہا کہ چھوٹے صوبے ہوں گے تو گورننس بہترین ہوگی، دنیا بھر کے ممالک میں چھوٹے یونٹس بنتے ہیں، پاکستان واحد ملک ہے جو بڑی آبادی کے ساتھ 4 صوبوں پر مشتمل ہے۔

    انہوں نے کہا کہ میں سیاست پر ریاست کو ترجیح دینا کا حامی ہوں۔

    علی امین گنڈاپور کا کہنا تھا کہ خیبرپختونخوا میں صرف اے این پی کو کالا باغ ڈیم پر اختلاف ہے، جو کہتے ہیں ہماری لاشوں پر کالا باغ ڈیم بنے گا وہ سیاست کررہے ہیں۔

    گزشتہ روز وزیراعلیٰ خیبرپختونخوا علی امین گنڈاپور نے کالاباغ ڈیم کی کھل کر حمایت کی تھی۔

    یہ پڑھیں: وزیراعلیٰ علی امین نے کالاباغ ڈیم کی کھل کر حمایت کر دی

    وزیراعلیٰ نے کہا تھا کہ سیاست کر رہا ہوں نہ صوبائیت میں جا رہا ہوں پورے پاکستان کے فائدے کو پیچھے نہیں دھکیلا جا سکتا، پاکستان کے مستقبل کیلئے سب کو مطمئن کر کے کالاباغ ڈیم بنائیں۔

    ان کا کہنا تھا کہ پاکستان اور آئندہ نسلوں کیلئے کالاباغ ڈیم بنانا ہو گا کیونکہ کالاباغ ڈیم پاکستان کی ریڑھ کی ہڈی ہے، تحفظات کی وجہ سے ریڑھ کی ہڈی ٹھیک نہ کرنا زیادتی ہے، کالاباغ ڈیم نئےمقام پربننےسےنوشہرہ نہیں ڈوبےگا میں نے وزیراعظم سے بات کی ہے وہ کالاباغ ڈیم پر متفق تھے۔

    ان کا مزید کہنا تھا کہ پورے خیبرپختونخوا میں ایک بھی اسنائپر رائفل نہیں ہے کسی تھانے اور افسر کے پاس بلٹ پروف گاڑی موجود نہیں ہمیں پولیس پر سرمایہ کاری کرنا ہو گی، 92 افسروں کی کمی ہے وفاق سے افسران دینے کا مطالبہ کیا ہے۔

  • وزیراعظم کو بیجنگ میں بھی سیلابی صورتحال کی فکر، ورچوئل اجلاس کے ذریعے آگاہی حاصل کی

    وزیراعظم کو بیجنگ میں بھی سیلابی صورتحال کی فکر، ورچوئل اجلاس کے ذریعے آگاہی حاصل کی

    وزیراعظم شہباز شریف جو اس وقت بیجنگ میں موجود ہیں، انھیں وہاں بھی سیلابی صورتحال کی فکر رہی، ورچوئل جائزہ اجلاس کے ذریعے آگاہی حاصل کی۔

    تفصیلات کے مطابق وزیراعظم شہباز شریف نے بیجنگ سے سیلابی صورتحال، ریسکیو اور امدادی سرگرمیوں پر ورچوئل جائزہ اجلاس میں شرکت کی، وزیراعظم کو ملک میں حالیہ سیلابی صورتحال اور امدادی کارروائیوں کے سلسلے میں ہونے والی پیشرفت سے آگاہ کیا گیا۔

    شہباز شریف کی جانب سے ہدایت کی گئی کہ متاثرہ مواصلات اور بجلی کی ترسیل کے نظام کو ترجیحی بنیادوں پر بحال کیا جائے۔

    وزیراعظم نے کہا کہ وفاقی، صوبائی حکومتیں اور تمام متعلقہ ادارے مکمل تعاون سے کام جاری رکھیں، ادارے متاثرین کی امداد، محفوظ مقامات پرمنتقلی، انفرااسٹرکچر کی بحالی کیلئے تعاون جاری رکھیں۔

    یہ بھی پڑھیں: بھارت کی جانب سے ایک اور فلڈ وارننگ جاری

    دریں اثنا وزیراعظم شہباز شریف کی روسی صدر ولادیمیر پیوٹن سے ملاقات ہوئی ہے اس دوران دو طرفہ تعلقات پر تبادلہ خیال کیا گیا۔

    پاکستان کے وزیراعظم شہباز شریف اور روسی صدر پیوٹن نے گرمجوشی سے مصافحہ کیا، اس موقع پر روسی صدر نے کہا کہ دو طرفہ تعلقات کو مزید فروغ دینا چاہتے ہیں۔

    روسی صدر نے کہا کہ پاکستان کو قدرتی آفات کا سامنا ہے، پاکستان میں سیلاب سے نقصانات پر افسوس ہے، پیوٹن نے شہباز شریف کو ماسکو میں ہوننے والی ایس سی او سمٹ میں شرکت کی دعوت بھی دی۔

    https://urdu.arynews.tv/pm-shehbaz-meets-with-russian-president-putin/

  • بھارت کی جانب سے ایک اور فلڈ وارننگ جاری

    بھارت کی جانب سے ایک اور فلڈ وارننگ جاری

    بھارت کی جانب سے ایک اور فلڈ وارننگ جاری کردی گئی، بھارتی ہائی کمیشن نے جموں میں توی کے مقام پر ہائی فلڈ الرٹ جاری کیا۔

    پاکستان کو اس وقت شدید سیلابی صورتحال اور متواتر بارشوں کا سامانا ہے، ایسے میں بھارت نے ایک بار پھر سے فلڈ کا انتباہ جاری کیا، بھارت کی طرف سے ایک اور سیلابی ریلہ جلد پاکستان میں داخل ہونے کی توقع ہے۔

    اس بار بھارتی ہائی کمیشن کی جانب سے جموں میں توی کے مقام پر ہائی فلڈ الرٹ جاری کیا گیا ہے، وزارت آبی وسائل نے اعلامیہ میں بتایا کہ بھارتی ہائی کمیشن کی جانب سے 6 بجے آگاہ کیا گیا۔

    پانی کی بڑی مقدار میں آمد کے بعد دریائے چناب میں پانی کی سطح بڑھنے لگی ہے، دریائے چناب میں ہیڈ مرالہ کے مقام پر پانی کا بہاؤ ایک لاکھ 29 ہزار کیوسک ہوگیا ہے۔

    فلڈ فورکاسٹنگ نے بتایا کہ دریائے چناب میں ہیڈ مرالہ کے مقام پر نچلے درجے کا سیلاب ہے جبکہ این ڈی ایم اے کی جانب سے بھی دریاؤں میں سیلابی ریلوں اور بہاؤ کی رپورٹ پیش کی گئی ہے۔
    خیال رہے کہ اس سے قبل ڈائریکٹر جنرل پی ڈی ایم اے عرفان علی کاٹھیا نے اگلے 24 سے 48 گھنٹے ہمارے لئے بہت اہم قرار دیتے ہوئے کہا تھا کہ آج شام تک ہیڈ محمد والا پر سیلاب آنے کا خدشہ ہے۔

    عرفان علی کاٹھیا نے بتایا تھا کہ انڈیا کی طرف سے آنیوالے پانی کے ریلے کی اطلاع دی گئی ہے، ستلج میں مزید پانی چھوڑا گیا ہے،پانی کا فلو مسلسل بڑھ رہا ہے اور بارشوں کے باعث ریسکیو کام متاثر ہوا ہے۔

    انھوں نے بتایا کہ پنجاب کے مختلف ہیڈ ورکس پر پانی کی سطح تیزی سے بلند ہو رہی ہے اور کئی مقامات پر اونچے درجے کا سیلاب ریکارڈ کیا جا رہا ہے۔

    https://urdu.arynews.tv/kpk-nocs-hotels-along-river/

  • سعودی عرب اور عراق نے بھارت کو خام تیل کی فروخت بند کر دی

    سعودی عرب اور عراق نے بھارت کو خام تیل کی فروخت بند کر دی

    سفارتی تنہائی اور معاشی مشکلات میں مبتلا بھارت کو ایک اور بڑا دھچکا لگ گیا۔

    بین الاقوامی میڈیا رپورٹس کے مطابق سعودی عرب اور عراق نے بھارتی آئل ریفائنری کو خام تیل کی فروخت بند کر دی۔

    سعودی آرامکو نے بھارت کی نیارا انرجی کو تیل کی فراہمی روک دی ہے جب کہ عراقی کمپنی سومو نے بھی بھارت کی نیارا انرجی کو تیل دینا بند کر دیا ہے۔

    یورپ کی روسی حمایتی کمپنیوں پر پابندی کے بعد بھارت کو تیل فراہمی بند کی گئی ہے۔ بھارتی کمپنی نیارا اب صرف روس سے تیل خریداری پر انحصار کر رہی ہے۔

    روس سے تیل خریدنے پر امریکا نے سزا کے طور پر بھارت پر 50 فیصد ٹیرف عائد کیا ہے۔ امریکا کی جانب سے اضافی ٹیرف روس یوکرین جنگ میں بھارت کی جانب سے روس کی حمایت کے جواب میں لگایا گیا ہے۔

    امریکا کی جانب سے ٹیرف کے اطلاق کے بعد بھارتی اسٹاک مارکیٹوں میں بھونچال آگیا ہے اور بھارت کی کرنسی بھی گرگئی۔

    امریکی ہوم لینڈ سیکیورٹی کی جانب سے جاری نوٹیفکیشن کے مطابق بھارت سے درآمد ہونے والی یا کسٹم ویئر ہاؤس سے نکلنے والی تمام مصنوعات پر نیا ٹیرف لاگو ہوگیا ہے۔

    جون 2025 میں بھارت کی روسی تیل درآمدات میں 17.4 فیصد ماہانہ اضافہ ریکارڈ کیا گیا جس میں بھارت نے روس سے 20 لاکھ بیرل یومیہ تیل درآمد کیا۔

    2025کی پہلی ششماہی میں بھارت کی نجی ریفائنریز نے 60 فیصد روسی تیل خریدا ہے۔ بعض بھارتی نجی ریفائنریز نے روس کے ساتھ سالانہ معاہدے کر رکھے ہیں۔

    بھارت نے 3 سال میں روس سے 102 ارب ڈالر کا خام تیل خریدا اور پھر سستا تیل خرید کر 12 سے 15 ارب ڈالر کی بچت کی۔

    بھارت نے درآمدی روسی تیل سے عالمی منڈی میں مصنوعات برآمد کیں۔ بھارت نے روسی تیل کی مصنوعات سے 144 ارب ڈالر کا ریونیو حاصل کیا۔

    بھارت نے سستے روسی تیل اور ایکسپورٹ سے 52 ارب ڈالر کا خالص منافع حاصل کیا۔

  • بکی لینچ نے سی ایم پنک کو تھپڑ جڑ دیا، ویڈیو وائرل

    بکی لینچ نے سی ایم پنک کو تھپڑ جڑ دیا، ویڈیو وائرل

    ڈبلیو ڈبلیو ای کی ویمنز انٹرکانٹینینٹل چیمپئن بکی لینچ نے ریسلر سی ایم پنک کو تھپڑ جڑ دیا۔

    ڈبلیو ڈبلیو ای ’را‘ میں سابق ہیوی ویٹ چیمپئن سی ایم پنک کو خواتین کی انٹرکانٹینینٹل چیمپئن بکی لنچ نے تھپڑ مار دیے جس کی ویڈیو سوشل میڈیا پر وائرل ہوگئی۔

    بکی لنچ کے تھپڑ مارنے کے بعد سی ایم پنک اور سیٹھ رولنز کی دشمنی نئی سطح پر پہنچ گئی ہے۔

    یہ سیگمنٹ ورلڈ ہیوی ویٹ چیمپیئن شپ میچ کے متنازعہ اختتام کا براہ راست نتیجہ تھا جہاں لنچ کی نے مداخلت کی تھی۔

    سیگمنٹ کا آغاز پنک نے رولنز کو کال کرنے سے کیا۔ چیمپیئن کے بجائے یہ اس کی بیوی تھی، لنچ رولنز کے داخلے کے تھیم پر نمودار ہوئی۔ لنچ نے اعلان کیا کہ وہ، وہ شخص ہے جس سے پنک کو نمٹنا پڑے گا یہ کہتے ہوئے کہ اس مسئلے کا اس کے خاندان سے تعلق ہے۔

    پنک نے کوئی وقت ضائع نہیں کیا اور اشارہ کیا کہ اسے یقین ہے کہ اس کا شوہر بزدل ہے۔ لنچ نے جاری رکھتے ہوئے کہا کہ رولنز نے کاروبار کے لیے اس سے زیادہ قربانیاں دی ہیں جتنا کہ پنک سمجھ سکتا تھا۔

    اس موقع پر ورلڈ ہیوی ویٹ چیمپیئن سیٹھ رولنز داخلی اسٹیج پر نمودار ہوئے اور پنک کو طعنہ دیتے ہوئے کہا کہ وہ میرے چہرے پر جو کہنا ہے آکر کہہ دیں۔ جیسے ہی پنک نے اس کا سامنا کرنے کے لیے رنگ چھوڑنے کی کوشش کی، لنچ نے اس کا راستہ روک دیا۔

    جب پنک مڑا تو لنچ نے اس کے چہرے پر تھپڑ مارا۔ وہ اسے تھپڑ مارتی رہیں اور یہ پوچھتی رہی کہ وہ اس کے بارے میں کیا کرنے جا رہا ہے، جب بھیڑ نے "اے جے لی” کا نعرہ شروع کیا۔

    لنچ نے یہ کہتے ہوئے گانا بند کر دیا کہ وہ ڈبلیو ڈبلیو ای میں کام نہیں کرتی۔ پنک نے آخر میں لنچ کو ایک حتمی انتباہ دیا کہ مجھ پر ہاتھ اٹھانے پر تمہیں افسوس ہوگا۔