سابق بھارتی بیٹر چیتشور پجارا نے ویرات کوہلی اور روہت شرما کے ون ڈے کرکٹ میں مستقبل پر خاموشی توڑ دی۔
بھارتی میڈیا سے گفتگو کرتے ہوئے سابق کرکٹر چتشور پجارا نے کہا کہ ویرات اور روہت کے پاس بیرونی مشورے کے بغیر اپنے مستقبل کا فیصلہ کرنے کا تجربہ اور قد موجود ہے۔
انہوں نے کہا کہ مجھے انہیں کوئی مشورہ دینے کی ضرورت نہیں ہے کیونکہ وہ وائٹ بال کرکٹ کے بہترین کھلاڑیوں میں سے ہیں یہاں تک کہ اگر وہ کسی ایک فارمیٹ پر توجہ مرکوز کررہے ہیں تو وہ جانتے ہیں کہ ان سے کیا توقع کی جاتی ہے۔
پجارا نے کہا کہ کوہلی اور روہت اپنی شرائط پر کھیل سے الگ ہوجائیں گے جب انہیں لگتا ہے کہ وہ اب پر تعاون نہیں کرسکتے ہیں۔
سابق کرکٹر نے کہا کہ ویرات اور روہت کے ریکارڈ کو دیکھیں، وہ یہ بھی جانتے ہیں کہ ان کے لیے کرکٹ چھوڑنے کا صحیح وقت کب ہے۔ وہ مطلوبہ عزم کی سطح کو سمجھتے ہیں، اور اگر وہ فٹ ہیں تو وہ طویل عرصے تک کھیلنا جاری رکھ سکتے ہیں۔
یہ پڑھیں: ’ویرات کوہلی کا ون ڈے کیریئر ختم ہوگیا‘
واضح رہے کہ 2024 ٹی 20 ورلڈ کپ جیتنے کے بعد ویرات کوہلی اور روہت شرما نے ریٹائرمنٹ لے لی تھی اور مئی 2025 کے شروع میں دونوں نے ٹیسٹ کرکٹ کو بھی خیرباد کہہ دیا تھا۔
اگرچہ رپورٹس بتاتی ہیں کہ کوہلی اور روہت 2027 کے ون ڈے ورلڈ کپ تک جاری رکھنے کے خواہاں ہیں، لیکن یہ واضح نہیں ہے کہ آیا وہ انتظامیہ کے طویل مدتی منصوبوں میں جگہ رکھتے ہیں یا نہیں۔
دونوں آخری مرتبہ مارچ 2025 میں ہندوستان کی چیمپئنز ٹرافی کی فتح کے دوران ون ڈے میں شامل ہوئے تھے، جہاں ان کی قیادت اور تجربے نے اہم کردار ادا کیا تھا۔
رپورٹ کے مطابق توقع ہے کہ دونوں کھلاڑی کیریئر میں آخری بار آسٹریلیا کے خلاف اکتوبر 2025 میں شیڈول ون ڈے سیریز میں دکھائی دیں گے۔
