ممبئی (2 ستمبر 2025): نوجوان بالی وڈ اداکارہ جھانوی کپور آنجہانی والدہ سری دیوی کی مشہور زمانہ فلم کے ریمیک میں جلوہ گر ہونے والی ہیں۔
انڈین میڈیا کے مطابق جھانوی کپور اس وقت اپنی حال ہی میں ریلیز ہونے والی فلم ’پرم سندری‘ کی باکس آفس پر کارکردگی کا مشاہدہ کر رہی ہیں۔
جھانوی کپور مبینہ طور پر مشہور فلم ’چال باز‘ کے ریمیک میں کام کرنے والی ہیں جس میں آنجہانی اداکارہ سری دیوی نے ڈبل رول ادا کیا تھا۔
فلم چال باز کے ریمیک کا اعلان اس سے قبل شردھا کپور کے ساتھ مرکزی کردار میں کیا گیا تھا لیکن فلم پر کام کبھی شروع نہیں ہو سکا۔
یہ بھی پڑھیں: فلم ڈائریکٹر کا سری دیوی کی خوبصورتی سے متعلق حیران کن انکشاف
اب رپورٹس میں دعویٰ کیا جا رہا ہے کہ جھانوی کپور اس فلم میں کام کریں گی۔
پیشرفت سے منسلک ذرائع نے بتایا کہ جھانوی کپور کیلیے چال باز صرف ایک فلم نہٰں بلکہ اس سے بڑھ کر جذبات ہیں، وہ اس میں مرکزی کردار ادا کرنے کیلیے اپنا ذہن بنا چکی ہیں لیکن انتہائی احتیاط کے ساتھ قد اٹھا رہی ہیں۔
ذرائع نے بتایا کہ بالی وڈ کی نوجوان اداکارہ فلم چال باز کے ریمیک کیلیے اپنے اردگرد کے لوگوں سے مشورہ کر رہی ہیں کیونکہ وہ پُرجوش ہیں، توقع ہے وہ ستمبر کے آخر تک ریمیک کے بارے میں باضابطہ بات کریں گی۔
فلم پرم سندری کے بعد ان کی نظر اپنی اگلی فلم کی ریلیز پر ہے جس میں ورون دھون، سانیا ملہوترا اور روہت صراف شامل ہیں۔
وہ اور ورون دھون کی فلم کا ٹیزر حال ہی میں ڈراپ کیا گیا اور اسے ناظرین کی جانب سے اچھا ردعمل مل رہا ہے۔ ان کی رام چرن کے ساتھ بھی ایک فلم آنے والی ہے۔
