نیدرلینڈز کے خلاف پہلے ون ڈے میں سنچری بنانے پر مین آف دی میچ قرار دیے گئے فخر زمان نے کپتان بابراعظم کے ساتھ بنایا گیم پلان بتا دیا۔
میچ کے بعد گفتگو کرتے ہوئے فخرزمان نے کہا کہ شروع میں کافی مشکل تھی بال سیم بھی ہو رہا تھا اور سپنر بھی تھے بابر کے ساتھ یہی پلان تھا کہ ہم وکٹ ناں دیں چاہے رنز جتنے بھی کم ہوں، پلان یہ تھا کہ ہم رنز کی کمی کو پچیس اوورز کے بعد پورا کر سکتے ہیں۔
انہوں نے کہا کہ پہلا میچ تھا جو ہم جیتے ہیں انٹرنیشنل میچ جیتنے سے اعتماد بہتر ہوتا ہے ہم اس سے اچھا کھیل سکتے تھے شروع میں جس طرح سیمنگ وکٹ تھی یا جس طرح نیڈرلینڈ کے بالرز بال کر رہے تھے اُن کو بھی کریڈٹ جاتا ہے۔
اوپنر بلے باز کا کہنا تھا کہ انٹرنیشنل لیول پہ ہر میچ اہم ہوتا ہے ہمیں کسی بھی وقت یہ نہیں لگا کہ میچ ہمارے ہاتھ سی نکل رہا ہے کرکٹ ہے اس میں آخری بال تک ریلکس نہیں ہو سکتے، نیدر لینڈز اچھا کھیلی مگر میچ ہمارے ہاتھ میں ہی تھا۔
فخر زمان نے کہا کہ کوئی ٹیم بھی ہلکی نہیں ہوتی، اُن کے تین کھلاڑی جلدی آؤٹ ہوئے مگر پارٹنر شپ اچھی لگی ہمیں ابھی دو ہی دن ہوئے ہیں کنڈیشن کا بہت زیادہ فرق ہوتا ہے یہ وکٹ ہماری کنڈیشن کے بالکل مختلف تھی۔
