Author: زاہد نور

برمنگھم میں جاری کامن ویلتھ گیمز میں قومی ریسلر محمد طاہر شریف فائنل میں پہنچ گئے۔

اے آر وائی نیوز کے مطابق ریسلنگ مقابلے میں پاکستان کے محمد طاہر شریف نے 74 کلو گرام کیٹیگری میں نیوزی لینڈ کے کول ہاکنز کو ہرا کر فائنل میں رسائی حاصل کی۔

دوسری جانب پاکستان کے طیب رضا 97 کلو گرام کیٹیگری کا سیمی فائنل ہار گئے انہیں کینیڈا کے نیشان رندھاوا نے شکست دی۔

مزید پڑھیں: کامن ویلتھ گیمز: ایک اور پاکستانی ریسلر کی کوارٹر فائنل میں رسائی

پاکستان کے علی اسد کو بھی 54 کلو گرام کیٹیگری کے سیمی فائنل میں شکست ہوئی، قومی ریسلر علی اسد کو بھارت کے روی کمار نے شکست دی۔

واضح رہے کہ پاکستان اب تک ایک گولڈ ، 2 سلور اور دو برانز میڈل جیت چکا ہے۔

اس سے قبل نوح بٹ نے ویٹ لفٹنگ میں پاکستان کے لیے گولڈ میڈل جیتا ، انعام بٹ نے ریسلنگ میں سلور جبکہ شاہ حسین نے جوڈو میں اور عنایت اللہ نے ریسلنگ میں کانسی کا تمغہ حاصل کیا۔

برمنگھم میں جاری کامن ویلتھ گیمز میں قومی ریسلر انعام بٹ نے سلور میڈل جیت لیا جس کے بعد پاکستان کے میڈل کی تعداد چار ہوگئی۔

اے آر وائی نیوز کے مطابق قومی ریسلر انعام بٹ کو 86 کلو گرام کیٹیگری کے فائنل مقابلے میں بھارتی ریسلر دیپک پونیا نے 3-0 سے شکست دی تاہم رنر اپ رہنے پر انہیں سلور میڈل دیا گیا۔

انعام بٹ نے سیمی فائنل میں جنوبی افریقی ریسلر ایڈورڈ لیسنگ کو 5-3 سے شکست دی تھی جبکہ کوارٹر فائنل میں انہوں ںے اسکاٹ لینڈ کو ریسلر کو 11-0 سے ہرایا تھا۔

مزید پڑھیں: پاکستان نے کامن ویلتھ گیمز نے ایک اور میڈل جیت لیا

واضح رہے کہ اس سے قبل قومی ریسلر عنایت اللہ نے 65 کلو گرام کیٹیگری میں اسکاٹش پلیئر کو ہرا کر برونز میڈل اپنے نام کیا تھا۔

کوارٹر فائنل میں عنایت اللہ نے نائیجیریا کے اماس ڈینئل 4-0 سے شکست دی تھی جبکہ انہیں سیمی فائنل میں شکست ہوئی تھی۔

یاد رہے کہ کامن ویلتھ گیمز میں پاکستان کے مجموعی میڈلز کی تعداد چار ہوگئی ہے پاکستان اب تک ایک گولڈ، ایک سلور اور دو کانسی کے تمغے جیت چکا ہے۔

برمنگھم میں جاری کامن ویلتھ گیمز میں قومی ریسلر انعام بٹ کوارٹر فائنل میں پہنچ گئے۔

اے آر وائی نیوز کے مطابق کامن ویلتھ گیمز کے ریسلنگ مقابلے میں انعام بٹ پہلا راؤنڈ جیت کر کوارٹر فائنل میں پہنچ گئے۔

انعام بٹ نے اسکاٹ لینڈ کے ریسلر کو گیارہ صفر سے شکست دی۔

دوسری جانب ریسلنگ کی 65 کلو گرام کیٹگری میں پاکستان کے عنایت اللہ سیمی فائنل میں پہنچ گئے۔

کوارٹر فائنل میں عنایت اللہ نے نائیجیریا کے اماس ڈینئل 4-0 سے شکست دی۔

واضح رہے کہ ریسلرعنایت اللہ مالٹا کےایڈم ویلا کو شکست دے کر کوارٹر فائنل میں پہنچے تھے۔

یاد رہے کہ کامن ویلتھ گیمز کے ہاکی ایونٹ میں پاکستان کو آخری گروپ میچ میں آسٹریلیا نے شکست دی تھی۔

گرین شرٹس کو کینگروز کے ہاتھوں میچ میں 0-7 سے شکست ہوئی۔

پاکستان ہاکی ٹیم 4 میں سے صرف ایک میچ جیت سکی ہے، گروپ میں پاکستان ٹیم کا چوتھا نمبر ہے جبکہ پورے ایونٹ میں ساتویں پوزیشن کے لیے میچ کھیلے گی۔

برمنگھم میں جاری کامن ویلتھ گیمز میں پاکستانی اسپرنٹر شجر عباس نے دو سو میٹر ریس کے سیمی فائنل کے لیے کوالیفائی کرلیا۔

اے آر وائی نیوز کے مطابق پاکستان کے شجرعباس نے ریس کے دوران چھ حریفوں کو پیچھے چھوڑ دیا، قومی ایتھلیٹ نے مقررہ فاصلہ اکیس اعشاریہ ایک دو سیکنڈ میں طے کیا۔

اس کامیابی کے بعد شجر 30 سال بعد سیمی فائنل کے لیے کوالیفائی کرنے والے پہلے پاکستانی کھلاڑی بن گئے ہیں۔

مزید پڑھیں: کامن ویلتھ گیمز، پاکستان کو میڈل جتوانے والے ایتھلیٹس کے لئے بڑی خوشخبری

شجر کے سیمی فائنل میں پہنچنے سے پاکستان کے لیے اب تک تیسرے میڈل کی امید کی کرن روشن ہو گئی ہے۔

واضح رہے کہ گزشتہ روز کامن ویلتھ گیمز کے ویٹ لفٹنگ مقابلے میں نوح دستیگر بٹ نے سونے کا تمغہ جیتا تھا۔

اس سے قبل شاہ حسین شاہ نے نوے کلو گرام کیٹیگری کے جوڈو مقابلوں میں برانز میڈل جیتا تھا، شاہ حسین شاہ نے جنوبی افریقی جوڈوکا کو شکست دی تھی۔

برمنگھم میں جاری کامن ویلتھ گیمز میں سری لنکن دستے کا تیسرا کھلاڑی مبینہ طور پر غائب ہوگیا۔

اے آر وائی نیوز کے مطابق سری لنکا کے ڈپٹی چیف ڈی مشن کا کہنا ہے کہ سری لنکا ریسلنگ ٹیم کا رکن مبینہ طور پر غائب ہے۔

انہوں نے بتایا کہ غائب ہونے والے سری لنکن ریسلر کا 6 اگست کو فرسٹ راؤنڈ میں مقابلہ ہے۔

میڈیا رپورٹس کے مطابق کورونا ٹیسٹ مثبت آنے پر سری لنکن ریسلر کو میڈیکل سینٹر بھیجا گیا تھا جب ٹیسٹ منفی آنے پر ریسلر کو کلیئر کیا گیا تو وہ غائب ہوگیا۔

واضح رہے کہ سری لنکن ریسلر سے قبل ایک جوڈوکا اور جوڈو ٹیم کے آفیشل بھی غائب ہو چکے ہیں۔