Author: زاہد نور

برمنگھم: پاکستان نے کامن ویلتھ گیمز میں پہلا گولڈ میڈل جیت لیا ہے۔

برطانیہ کے شہر برمنگھم میں جاری کامن ویلتھ گیمز کے ویٹ لفٹنگ ٹورنامنٹ میں پاکستانی ویٹ لفٹر محمد نوح دستگیربٹ نے سونے کا تمغہ جیت لیا ہے، محمد نوح دستگیر بٹ نے اسنیچ میں 173 کلو گرام وزن اٹھایا، جبکہ کلین اینڈ جرک میں 232 کلو گرام وزن اٹھایا۔

نوح دستگیر بٹ نے مجموعی طور پر 405 کلو وزن اٹھا کر گولڈمیڈل جیتا۔

خیال رہے کہ کامن ویلتھ گیمز میں پاکستان کے میڈلز کی تعداد دو ہوگئی ہے۔ اس سے قبل شاہ حسین شاہ نے نوے کلو گرام کیٹیگری کے جوڈو مقابلوں میں برانز میڈل جیتا ہے، شاہ حسین شاہ نے جنوبی افریقی جوڈوکا کو ہرا کر برانز میڈل جیتا۔

واضح رہے کہ آسٹریلیا نے کامن ویلتھ کے مختلف ایونٹ میں اپنی میڈلز کی سنچری مکمل کرلی ہے آسٹریلوی ایتھلیٹس اب تک 42 گولڈ، 32 سلور اور 32 برانز میڈل لے کر مجموعی طور پر 106 تمغے اپنے نام کر چکے ہیں۔

انگلینڈ 31 گولڈ سمیت 86 میڈلز حاصل کرکے دوسرے جبکہ نیوزی لینڈ مجموعی طور پر 26 میڈلز کے ساتھ تیسری پوزیشن پر ہے۔ اس کے علاوہ کینیڈا کا چوتھا، جنوبی افریقا کا پانچواں اور بھارت کا چھٹا نمبر ہے۔

برمنگھم: کامن ویلتھ گیمز میں پاکستان نے جوڈو مقابلوں میں پہلا میڈل جیت لیا۔

اے آر وائی نیوز کے مطابق پاکستان کے شاہ حسین شاہ نے نوے کلو گرام کیٹیگری کے جوڈو مقابلوں میں کانسی کا تمغہ اپنے نام کیا۔

شاہ حسین نے جنوبی افریقی حریف کو شکست دے کر میڈل اپنے نام کیا۔

شاہ حسین شاہ نے دوسری مرتبہ کامن ویلتھ گیمز میں میڈل جیتا ہے اس سے قبل وہ 2014 کے مقابلوں میں سلور میڈل جیت چکے ہیں۔

Alhamdulila 1st medal 🏅 for 🇵🇰 #Congratulations Pakistan’s Judoka Shah Hussain Shah who won Bronze Medal🥉 in Commonwealth Games by beating his opponent just in 1:30sec. @birminghamcg22 @NOCPakistan @SportsBoardPak pic.twitter.com/RwrKJt1rCd

— Inam Butt (@InamTheWrestler) August 3, 2022

مزید پڑھیں: کامن ویلتھ گیمز: قومی ویمنزکرکٹ ٹیم آسٹریلیا سے بھی ہار گئی

نوجوان جوڈوکا اولمپک میڈلسٹ باکسر حسین شاہ کے بیٹے ہیں۔ شاہ حسین شاہ نے پہلی مرتبہ 90 کے جی باؤٹ میں شرکت کی تھی۔

اس سے قبل کامن ویلتھ گیمز میں قومی ویمنز کرکٹ ٹیم مسلسم تیسرا میچ بھی ہار گئی تھی، آسٹریلیا نے پاکستان کو 44 رنز سے شکست دی تھی۔

واضح رہے کہ آسٹریلیا نے کامن ویلتھ کے مختلف ایونٹ میں اپنی میڈلز کی سنچری مکمل کرلی ہے آسٹریلوی ایتھلیٹس اب تک 42 گولڈ، 32 سلور اور 32 برانز میڈل لے کر مجموعی طور پر 106 تمغے اپنے نام کر چکے ہیں۔

لندن:انگلینڈ نے جنوبی افریقہ کیخلاف سیریز کے پہلے 2 ٹیسٹ کیلئے اسکواڈ کا اعلان کردیا ہے۔

انگلینڈ نے جنوبی افریقہ کیخلاف تین ٹیسٹ میچوں کی سیریز کے پہلے دو ٹیسٹ میچوں کیلئے 14 رکنی اسکواڈ کا اعلان کردیا ہے، ٹیم کی قیادت بین اسٹوکس کریں گے۔

انگلینڈ کے ٹیسٹ اسکواڈ میں وکٹ کیپر بین فوکس اور فاسٹ بولر اولی روبنسن کی واپسی ہے جبکہ ہیری بروک کو پہلی بار ٹیسٹ اسکواڈ میں شامل کیا گیا ہے۔

اسکواڈ میں کپتان بین اسٹوکس، زیک کرولی، میتھیو پوٹس، جوئے روٹ، جیمز اینڈرسن، بین فوکس، اولی پاپ، جونی بیئرسٹو، جیل لیچ، اولی رابنسن، اسٹورٹ براڈ، الیکس لیز، ہیری بروک اور کریگ اوورٹن شامل ہیں۔

خیال رہے کہ انگلینڈ اور جنوبی افریقہ کے درمیان ٹیسٹ سیریز 17 اگست سے کھیلی جائے گی۔

برمنگھم: کامن ویلتھ گیمز میں پاکستان کے باکسر الیاس حسین نے لیسوگو کے موکھو ٹو مورون کو شکست دے دی۔

رپورٹ کے مطابق الیاس نے فیدر ویٹ میں لیسوٹو کے باکسر موروکی موکھوٹو کو ناک آؤٹ کردیا، الیاس حسین نے 57 کلو گرام کیٹیگری فائٹ میں فتح سمیٹی ہے۔

ریفری نے 2 منٹ 55 سیکنڈز میں فائٹ روک کر الیاس کو فاتح قرار دیا۔

اسکواش

دوسری جانب اسکواش میں آمنہ فیاض کو ملائشیا کی رچی آرنلڈ نے شکست دیدی ہے، رچی آرنلڈ نے آمنہ فیاض کو 0-3 سے آؤٹ کلاس کیا، رچی نے آمنہ کو 3-11، 2-11 اور 5-11 سے زیر کیا۔

اسکواش میں مردوں کے دوسرے راؤنڈ میں دونوں پاکستانی کھلاڑی آمنے سامنے آئے، جس میں ناصر اقبال نے طیب اسلم کو شکست دے کر پری کوارٹر فائنل میں پہنچ گئے۔

ناصر اقبال نے 5-11 اور 3-9 سے میدان مارا، تیسرے راؤنڈ میں طیب اسلم ریٹائرڈ ہوگئے۔

بیڈمنٹن

کامن ویلتھ گیمز میں بیڈمنٹن مقابلوں میں بھی پاکستان کو شکست ہوئی، آسٹریلیا نے پاکستان کو 2-3 سے ہرادیا۔ پاکستان اپنا اگلا میچ سری لنکا سے کھیلے گا۔