پاکستانی کھلاڑیوں کی خراب کارکردگی یا کچھ اور، انگلینڈ کرکٹ بورڈ کے دی ہنڈرڈ 2025 ٹورنامنٹ کے لیے کوئی بھی پاکستانی کھلاڑی اپنی جگہ نہ بنا سکا۔
تفصیلات کے مطابق دی ہنڈریڈ سیزن 2025 میں کوئی پاکستانی کھلاڑی اپنی جگہ نہیں بنا سکا ہے، 45 پاکستانی کھلاڑی ڈرافٹ میں رجسٹرڈ ہوئے تھے، مگر 8 فرنچائزوں میں سے کسی نے بھی اُن میں دل چسپی ظاہر نہیں کی۔
نسیم شاہ پاکستان کھلاڑیوں میں سب سے مہنگے ترین ریزرو ایک لاکھ 20 ہزار پاؤنڈز کے ساتھ ڈرافٹ میں شامل ہوئے تھے، عماد وسیم اور صائم ایوب نے اپنی ریزرو قیمت 75 ہزار پاؤنڈز رکھی تھی۔
شاداب خان، حسن علی اور حسنین علی 63 ہزار جب کہ محمد عامر اور اعظم خان کی ریزرو قیمت 52 ہزار تھی، اس کے علاوہ ڈیوڈ وارنر، جارجیا وول اور جیمی اوورٹن دی ہنڈریڈ 2025 ڈرافٹ میں منتخب کیے جانے والے 3 بڑے نام تھے۔
آئی سی سی چیئرمین جے شاہ شکریہ ادا کرنے میں پاکستان کا نام بھول گئے یا ۔۔۔۔؟
واضح رہے کہ یہ اس ٹورنامنٹ کا پانچواں سیزن ہوگا، جس میں مردوں اور خواتین کی 8 ٹیمیں شامل ہیں، مجموعی طور پر 270 ڈومیسٹک اور 350 غیر ملکی کرکٹرز نے مینز ہنڈریڈ ڈرافٹ کے لیے رجسٹریشن کرائی ہے، اور ان آٹھ ٹیموں کو مئی کے وائلڈ کارڈ ڈرافٹ میں، 5 اگست کو ٹورنامنٹ کے آغاز سے قبل، اپنے اسکواڈ میں مزید 2 کھلاڑیوں کو شامل کرنا ہے۔
افغانستان کے اسپنر نور احمد کو مانچسٹر اوریجنلز نے 2 لاکھ پاؤنڈ پر منتخب کیا۔
