لندن : برطانیہ میں صدی کے بدترین برفانی طوفان سے بڑی تباہی کا خطرہ ہے، برطانوی محکمہ موسمیات نے پانچ دن کیلئے ریڈ الرٹ جاری کردیا۔

تفصیلات کے مطابق برطانیہ میں آج سے آٹھ ریجن میں برفانی طوفان کی پیش گوئی کی گئی ہے، جس کے پیش نظر پانچ دن کیلئے ریڈ الرٹ جاری کردیا گیا۔

محکمہ موسمیات نے شدید موسمی حالات کے حوالے سے امبر وارننگ بھی جاری کی ہے، طوفان ’’ایووین‘‘ کے باعث تیز ہوائیں چلیں گی اور شدید بارش بھی متوقع ہیں۔

آئرلینڈ کے ساحلی علاقوں میں نوے میل فی گھنٹہ کی رفتارسے ہوائیں چلنے کی توقع ہے جبکہ برطانیہ کے مشرقی حصوں میں شدید بارش اور پہاڑوں برف باری بھی ہوسکتی ہے۔

میٹ آفس کا کہنا ہے برطانیہ کے چھہتر شہروں میں بجلی کی بندش اورموبائل فون کے سگنلزمتاثرہونے کا خدشہ ہے اور سروس معطل ہو سکتی ہے۔

ریل، ہوائی اور فیری سروسزبھی متاثر ہونے کا امکان ہے، سڑکیں اورپُل بند ہوسکتے ہیں۔

محکمہ موسمیات نے شہریوں کو خبردارکیا ہے کہ سترسے اسّی کلومیٹرفی گھنٹہ کی رفتارچلنے والی برفانی ہوائیں تباہی مچا سکتی ہیں۔ اسکاٹ لینڈ اورآئرلینڈ میں شہریوں کو ایمرجنسی الرٹ بھیجے گئے ہیں۔

برطانوی سیکیورٹی حکام کی جانب سے ایکس کے مالک ایلون مسک کی سوشل میڈیا پوسٹس کی مانٹیرنگ شروع کردی گئی ہے۔

دنیا کی امیر ترین شخصیت میں سے ایک ایلون مسک برطانوی سیکیورٹی حکام کی نظروں میں آگئے ہیں اور ان کی سوشل میڈیا پوسٹس پر کڑی نظر رکھی جارہی ہے، رپورٹ میں بتایا گیا ہے کہ ایلون مسک اور دیگر کی پوسٹس کو ممکنہ سیکیورٹی رسک کے طور پر دیکھا جارہا ہے۔

برطانوی میڈیا رپورٹ کے مطابق سوشل میڈیا پوسٹس کی نگرانی ہوم آفس کی ہوم لینڈ سیکیورٹی ٹیم کررہی ہے، جائزہ لیا جارہا ہے کہ سوشل میڈیا پوسٹس کی پہنچ کہاں تک ہے۔

ایلون مسک نے برطانوی حکومت کےخلاف ایکس پر پوسٹ کی تھی، ایلون مسک نے اپنی پوسٹ میں برطانوی منسٹر جیس فلپ پر بھی سخت تنقید کی تھی۔

ٹرمپ کے قریب سمجھے جانے والے ایلون مسک نے برطانوی وزیر کو ریپ اور نسل کشی کو معاف کرنے والے قرار دیا تھا، میڈیا رپور میں بتایا گیا ہے کہ جیس فلپ کے مطابق پوسٹ کے سبب انھیں دھمکیاں دی جارہی ہیں۔