Author: زاہد نور

لندن: برطانوی فضائی کمپنی کے سربراہ مائیکل اولیری نے مسلمانوں کے خلاف کھل کر اپنا بغض ظاہر کردیا۔

لندن اور ڈبلن سے آپریٹ ہونے والی فضائی کمپنی رائن ایئر کے سربراہ مائیکل اولیری نے مسلمان مردوں کے لیے نفرت کا اظہار کرتے ہوئے کمپنی سے مطالبہ کیا کہ ہوائی اڈوں پر تنہا سفر کرنے والے مسلمان مرد مسافروں پر خاص نظر رکھی جائے اور اُن کا ڈیٹا جمع کیا جائے کیونکہ  عام طور پر مسلمان مرد دہشت گرد ہوتے ہیں۔

مائیکل اولیری نے سنڈے ٹائمز کو متنازع انٹرویو دیتے ہوئے کہا کہ تنہا سفر کرنے والے مسلمان مسافروں کی اضافی جانچ پڑتال کی جائے اور اُن کی مذہبی پروفائلنگ بھی ضرور کی جائے جبکہ اہل خانہ کے ہمراہ سفر کرنے والے مسلمان مسافروں کی چیکنگ کی جائے۔

مائیکل اولیری کے بیان پر انسانی حقوق اور مذہبی تنظیموں نے شدید رد عمل کا اظہار کیا جبکہ مسلم کونسل آف برطانیہ نے ائیرلائن کے سربراہ کے بیان کو نسل پرستانہ قرار دیتے ہوئے کہا کہ ’ایسے نسل پرستانہ اور امتیازی  بیان کا کھلم کھلا اظہار باعث تشویش ہے‘۔

دوسری جانب پاکستانی نژاد رُکن برطانوی پارلیمنٹ خالد محمود نے کہا ہے کہ  مائیکل اولیری نسل پرستی کو فروغ دے رہے ہیں کیونکہ دہشت گردی کے واقعات کسی ایک مذہب سے جڑے ہوئے نہیں اور نہ ہی دہشت گرد کسی مذہب سے تعلق رکھتے ہیں۔

اُن کا کہنا تھا کہ دہشت گردی کے واقعات میں صرف مسلمان ملوث نہیں بلکہ ایسے انسانیت دشمن عناصر ملوث ہوتے ہیں جن کا کوئی مذہب ہی نہیں ہوتا۔

یاد رہے کہ مائیکل اولیری اس سے قبل بھی ایسے متنازع بیان دیتے رہے ہیں جن پر اُنہیں شدید تنقید کا سامنا بھی رہا ہے۔

لندن: برطانوی رکن پارلیمنٹ ہیلری بین نے کہا ہے کہ بھارت نے ڈیبی ابراہمز کے ساتھ افسوسناک سلوک کیا، اس معاملے کو مودی سرکار کے سامنے اٹھایا جائے گا۔

لندن میں اے آر وائی نیوز کے نمائندے سے گفتگو کرتے ہوئے لیڈز سے منتخب ہونے والے برطانوی پارلیمنٹ کے رکن ہیلری بین نے کہا کہ ’ڈیبی ابراہمز کے ساتھ بھارت میں ہونے والا سلوک افسوسناک ہے‘۔

اُن کا کہنا تھا کہ رکن پارلیمنٹ ہونے کے باوجود بھارت نے ڈیبی کو اپنے عزیز و اقارب سے ملنے کی اجازت نہیں دی کیونکہ انہوں نے بطور چیئرمین پارلیمان مسئلہ کشمیر پر بہت کام کیا جس سے ہندوستان کو تکلیف پہنچی۔

مزید پڑھیں: کشمیر کی حمایت پر بھارت سے ڈی پورٹ شدہ برطانوی رکن پارلیمنٹ پاکستان پہنچ گئیں

رکن پارلیمنٹ کا کہنا تھا کہ ’ آئندہ ہفتے سے پارلیمنٹ دوبارہ کھلے گی جس کے بعد ڈیبی ابراہمز کے تحفظات پر غور کیا جائے گا اور اگر انہوں نے اپنے ساتھ پیش آنے والے واقعے کو پارلیمنٹ میں اُٹھایا تو حکومتی سطح پر بھارت کے ساتھ اس مسئلے پر بات اور احتجاج کیا جائے گا۔

ہیلری کا کہنا تھا کہ مسئلہ کشمیر بات چیت کے بغیر حل نہیں ہو سکتا اور اب اس مسئلے پر مذاکرات شروع ہونا بہت ضروری ہیں کیونکہ کشمیر میں صورت حال بہت خوفناک ہے اور وہاں انسانی حقوق کی پامالیاں جاری ہیں۔

اُن کا مزید کہنا تھا کہ اب وقت آ گیا ہے کہ کشمیر میں جاری انسانی حقوق کی پامالیوں کو روکنے کے لیے بات چیت شروع کی جائے اور مسئلہ کشمیر کے حل کے لیے پاک بھارت مذاکرات شروع ہوں جو وقت کی اہم ضرورت ہیں۔

یہ بھی پڑھیں: کشمیر کی حمایت پر بھارت سے ڈی پورٹ شدہ برطانوی رکن پارلیمنٹ پاکستان پہنچ گئیں

یاد رہے کہ گزشتہ دنوں برطانوی رکن پارلیمنٹ 9 رکنی وفد کے ہمراہ بھارت پہنچیں تھیں البتہ انہیں وہاں کی حکومت نے ائیرپورٹ سے باہر نکلنے کی اجازت نہیں دی تھی اور پھر ڈیبی کو ڈی پورٹ کردیا تھا۔

برطانوی رکن پارلیمنٹ 19 فروری کو اپنے وفد کے ہمراہ ڈی پورٹ ہونے کے بعد پاکستان پہنچیں تھیں۔