Author: زاہد مشوانی

الیکشن کمیشن نے این اے ون سے پی ٹی آئی رکن قومی اسمبلی عبداللطیف چترالی کو نااہل قرار دے دیا۔

الیکشن کمیشن نے پی ٹی آئی ایم این اے عبداللطیف چترالی کو نااہل قرار دینے کے بعد این اے ون کی نشست خالی قرار دے دی۔

الیکشن کمیشن نے عبداللطیف چترالی کی نااہلی پر فیصلہ محفوظ کیا تھا۔

واضح رہے کہ گزشتہ روز الیکشن کمیشن نے کہا تھا کہ عبدالطیف چترالی کا کیس دیگر سے مختلف ہے چترالی کے شریک ملزمان نے اسلام آباد ہائیکورٹ سے رجوع کیا تھا اور ہائیکورٹ نے شریک ملزمان کی سزاختم کر کے رہائی کا حکم دیا۔

یہ پڑھیں: چیئرمین پی ٹی آئی بیرسٹرگوہر کے بیان پر الیکشن کمیشن کا ردعمل

بیان میں واضح کیا گیا تھا کہ عبدالطیف چترالی اس اپیل میں شامل نہیں ہوئے انہیں نوٹس جاری کیا گیا ہے، عبدالطیف چترالی وضاحت دیں کہ ہائیکورٹ کا فیصلہ ان پر لاگو ہوتا ہے یا نہیں۔

یاد رہے کہ الیکشن کمیشن نے سینیٹر اعجاز چوہدری، اپوزیشن لیڈر پنجاب اسمبلی ملک احمد بھچر اور احمد چٹھہ کی نااہلی کا نوٹیفکیشن جاری کر دیا تھا۔

نوٹیفکیشن کے مطابق 9 مئی کیس میں اےٹی سی نے تینوں ارکان کو سزا سنائی تھی۔

چیئرمین پی ٹی آئی بیرسٹر گوہر کا کہنا تھا کہ 9 مئی مقدمات میں 39 ارکان پارلیمنٹ کی نااہلی کا خطرہ ہے۔

الیکشن کمیشن نے 9  مئی کیس قید کی سزا پانے والے تحریک انصاف کے سینیٹر اور دو ارکان اسمبلی کی نااہلی کا نوٹیفکیشن جاری کر دیا۔

الیکشن کمیشن نے سینیٹر اعجاز چوہدری، اپوزیشن لیڈر پنجاب اسمبلی ملک احمد بھچر اور احمد چٹھہ کی نااہلی کا نوٹیفکیشن جاری کر دیا۔

نوٹیفکیشن کے مطابق 9 مئی کیس میں اےٹی سی نے تینوں ارکان کو سزا سنائی تھی۔

چیئرمین پی ٹی آئی بیرسٹر گوہر کا کہنا ہے کہ 9 مئی مقدمات میں 39 ارکان پارلیمنٹ کی نااہلی کا خطرہ ہے۔

چیئرمین پی ٹی آئی بیرسٹر گوہر نے کہا کہ 9 مئی مقدمات میں پنجاب اسمبلی کے 25 ارکان، 11 ایم این اے اور تین سینیٹرز کی نااہلی کا خطرہ ہے۔

انہوں نے کہا کہ خیبرپختونخوا اسمبلی میں بھی پی ٹی آئی کے تمام ارکان پر مقدمات ہیں، مجھ سمیت کوئی ایسا پارلیمنٹیرین نہیں جس پر کوئی مقدمہ نہ ہو۔

بیرسٹر گوہر نے کہا کہ میرے خلاف بھی 6 مقدمات درج ہیں، آج بھی کیسز مین لوگوں کو چھ، چھ ماہ کی سزائیں دی گئیں، ہمیں کہا گیا ڈی چوک پر جلسہ نہیں کرسکتے، کہا گیا جلسہ کرنا ہے تو سنجانی کے مقام پر کریں ، یہ اس قسم کے مقدمات ہیں۔

انسداد دہشتگردی عدالت نے 9 مئی جلاؤ گھیراؤ شیرپاؤ پل کیس میں پی ٹی آئی رہنما یاسمین راشد، میاں محمود الرشید، اعجاز چوہدری کو 10، 10 سال قید کی سزا سنائی جبکہ شاہ محمود قریشی، حمزہ عظیم سمیت دیگر پانچ ملزمان کو بری کرنے کا حکم جاری کیا۔

اس سے قبل انسداد دہشتگردی کی عدالت سرگودھا میں 9 مئی میانوالی ہنگامہ آرائی اور توڑ پھوڑ کیس کی سماعت ہوئی تھی۔ عدالت نے فریقین کے دلائل سننے کے بعد فیصلہ سنایا تھا۔

اے ٹی سی کے جج محمد نعیم شیخ نے پی ٹی آئی سے تعلق رکھنے والے پنجاب اسمبلی کے اپوزیشن لیڈر احمد خان بھچر کو 10 سال قید کی سزا سنائی تھی۔

اسلام آباد (20 جولائی 2025): الیکشن کمیشن کا کہنا ہے کہ گورنر خیبر پختونخوا کل صبح 9 بجے مخصوص نشستوں کے اراکین سے حلف لیں گے۔

الیکشن کمیشن کی جانب سے جاری اعلامیے میں کہا گیا کہ گورنر ہاؤس میں کل صبح 9 بجے حلف برداری کی تقریب ہوگی، سینٹ الیکشن کا عمل کل 11 بجے جرگہ ہال میں شروع ہوگا۔

اعلامیے میں کہا گیا کہ خیبر پختونخوا اسمبلی میں خواتین اور اقلیتی مخصوص نشستوں کے ارکان نے حلف نہیں لیا، چیف جسٹس ہائیکورٹ کو مراسلہ بھیجا اور حلف برداری کیلیے نامزدگی کی درخواست کی۔

یہ بھی پڑھیں: کسی بھی وقت مخصوص نشستوں کے ارکان سے حلف لے سکتا ہوں، گورنر کے پی

الیکشن کمیشن نے آئی جی، چیف سیکرٹری اور آئی جی ایف سی کو سکیورٹی کے انتظامات یقینی بنانے کی ہدایات جاری کر دی۔

قبل ازیں، چیف جسٹس پشاور ہائیکورٹ عتیق شاہ نے مخصوص نشستوں پر اراکین کا حلف لینے کیلیے گورنر فیصل کریم کنڈی کو نامزد کر دیا۔

الیکشن کمیشن نے چیف جسٹس ہائیکورٹ عتیق شاہ کو اراکین سے حلف لینے کیلیے کسی کو نامزد کرنے کا خط لکھا تھا۔ چیف جسٹس آرٹیکل 255 (2) کے تحت کسی بھی ممبران سے حلف لینے کیلیے نامزد کر سکتے ہیں۔

پشاور ہائیکورٹ کی جانب سے جاری اعلامیے میں بتایا گیا کہ جتنا جلد ممکن ہو گورنر خیبر پختونخوا فیصل کریم کنڈی اراکین سے حلف لیں۔

اسلام آباد: رہنما پاکستان تحریک انصاف (پی ٹی آئی) شبلی فراز کو دل کی تکلیف کے باعث اسپتال منتقل کر دیا گیا۔

ذرائع نے اے آر وائی نیوز کو بتایا کہ سینیٹ میں قائد حزب اختلاف کو سینے میں تکلیف ہوئی جس کے بعد انہیں اسپتال لے جایا گیا۔

اسپتال ذرائع کے مطابق شبلی فراز کو رات گئے پی آئی سی پشاور ہنگامی طور پر منتقل کیا گیا، ان کو دل کی تکلیف ہوئی جس کے بعد ابتدائی علاج کیا گیا۔

یہ بھی پڑھیں: شبلی فراز زخمی حالت میں اسپتال منتقل، طبیعت ناساز

مزید بتایا گیا کہ ڈاکٹرز نے پی ٹہ آئی رہنما کو آئندہ 24 گھنٹے نگرانی میں رکھنے کا فیصلہ کیا ہے، ڈاکٹرز آج ان کے آئندہ کے علاج سے متعلق مشاورت کریں گے۔

یاد رہے کہ مارچ 2023 میں پی ٹی آئی رہنما کو طبیعت ناسازی کے باعث اسپتال منتقل کیا گیا تھا۔ شبلی فراز توشہ خانہ کیس کی سماعت کے موقع پر اسلام آباد جوڈیشل کمپلیکس میں عمران خان کے ہمراہ تھے، بعد ازاں میڈیا پر ان کے اچانک غائب ہو جانے کی خبریں نشر ہوئی تھیں۔

بتایا گیا تھا کہ سابق وفاقی وزیر کو زخمی حالت میں اسپتال منتقل کیا گیا۔ ڈاکٹرز کا کہنا تھا کہ وہ تشدد سے زخمی ہوئے اور شیلنگ کے باعث پھیپھڑے متاثر ہوئے۔

پی ٹی آئی رہنماؤں عمر ایوب، اسد عمر اور سینیٹر فیصل سلیم نے شبلی فراز کی عیادت کی اور خیریت پوچھی تھی۔