Author: زاہد مشوانی

اسلام آباد : الیکشن کمیشن نے ایک بار پھر اعلان کیا ہے کہ کراچی اور حیدرآباد میں بلدیاتی الیکشن کل ہی ہوں گے۔

تفصیلات کے مطابق سندھ بلدیاتی انتخابات کے حوالے سے الیکشن کمیشن میں چیف الیکشن کمشنرسکندرسلطان راجہ کی زیرصدارت اہم مشاورتی اجلاس ہوا۔

اجلاس میں ممبر پنجاب، کے پی اور ایڈیشنل سیکرٹری شریک ہوئے جبکہ ممبر سندھ نثار درانی اور سیکرٹری الیکشن کمیشن نے کراچی سے ویڈیولنک کےذریعے شرکت کی۔

اجلاس میں سندھ حکومت کی جانب سے لکھے گئے خط اور سیکشن 34 کا تفصیلی جائزہ لیا گیا، اجلاس ایک گھنٹے سے جاری رہا۔

الیکشن کمیشن نے سندھ حکومت کی بلدیاتی انتخابات ملتوی کرنے کی استدعا مسترد کرتے ہوئے فیصلہ کیا کہ کراچی اور حیدر آباد میں بلدیاتی انتخابات کل ہی ہوں گے۔

الیکشن کمیشن نے کہا کہ کل کے بلدیاتی انتخابات کیلئے تمام تیاریاں مکمل ہیں۔

یاد رہے سندھ حکومت کی طرف سے الیکشن کمیشن کو خط لکھا گیا تھا ، جس میں بلدیاتی انتخابات ملتوی کرنے کی درخواست کی گئی تھی۔

ذرائع کا کہنا تھا کہ خط میں کہا تھا کہ اسٹیٹک ڈیوٹی کے لئے فوج اور ریجرز بھی دستیاب نہیں، سندھ آئی جی پولیس نے بھی ملتوی کرنے کی تجویز دی۔

اسلام آباد : الیکشن کمیشن نے سندھ بلدیاتی انتخابات کے حوالے سے اہم اجلاس طلب کرلیا ، جس میں کراچی میں بلدیاتی انتخابات کا حتمی فیصلہ کیا جائے گا۔

تفصیلات کے مطابق سندھ بلدیاتی انتخابات کے دوسرا مرحلے کے حوالے سے چیف الیکشن کمشنر کی سربراہی میں الیکشن کمیشن کا اہم اجلاس طلب کرلیا گیا ہے۔

اجلاس میں سندھ حکومت کے تحفظات کا جائزہ لیا جائے گا، سندھ حکومت کی طرف سے الیکشن کمیشن کو ایک اور خط لکھا گیا ہے جس میں بلدیاتی انتخابات ملتوی کرنے کی درخواست کی گئی ہے۔

ذرائع کا کہنا ہے کہ خط میں کہا ہے کہ اسٹیٹک ڈیوٹی کے لئے فوج اور ریجرز بھی دستیاب نہیں، سندھ آئی جی پولیس نے بھی ملتوی کرنے کی تجویز دی۔

سیکرٹری الیکشن کمیشن نے کراچی اجلاس کی تفصیلات کمیشن کو بھجوا دی ہیں، اجلاس میں تمام سٹیک ہولڈرز کی آرا جا جائزہ لیا جائے گا.

خیال رہے کراچی اور حیدرآباد بلدیاتی الیکشن پر سندھ حکومت الیکشن کمیشن کو 2 خط لکھ چکی ہے ، جس میں کہا گیا تھا کہ قانون نافذ کرنے والے اداروں کی رپورٹ کو سنجیدگی سے لیاجائے۔

خط میں درخواست کی گئی ہے کہ الیکشن کمیشن صوبائی حکومت اور اداروں کی رپورٹ پر فیصلہ کرے اور الیکشن کا فیصلہ کرتے وقت عوام کے جان و مال کی حفاظت کو ترجیح دی جائے، بلدیاتی الیکشن کےدوران گلی گلی میں امن و امان کا مسئلہ رہتا ہے۔

گذشتہ روز الیکشن کمیشن نے سندھ حکومت کی درخواست مسترد کرتے ہوئے کہا تھا کہ بلدیاتی انتخابات15جنوری کوہی ہوں گے۔

اسلام آباد : پاکستان کا سیاسی منظر نامہ یکسر تبدیلی کی طرف گامزن ہے، الیکشن کمیشن عام انتخابات کیلئے تیار ہے ، اسمبلیاں قبل از وقت تحلیل ہو گی تو 90 روز میں انتخابات ہوں گے۔

تفصیلات کے مطابق اسمبلیوں کی تحلیل کے معاملے پر الیکشن کمیشن عام انتخابات کیلئے تیار ہے۔

ذرائع الیکشن کمیشن نے بتایا ہے کہ اسمبلی اپنی آئینی مدت پوری ہونے پر تحلیل ہو تو 60 روز میں انتخابات ہوں گے اور اگر اسمبلیاں قبل از وقت تحلیل ہو گی تو 90 روز میں انتخابات ہوں گے۔

ذرائع کا کہنا ہے کہ اگر گورنر چیف منسٹر کی سمری پر دستخط نہیں کرتے تو 48 گھنٹے کے اندر اسمبلی خود بخود تحلیل ہو جائے گی۔

الیکشن کمیشن نے کہا کہ وزیر اعلی نگران حکومت کے لۓ کیلئے قائد حزب اختلاف کو خط لکھے گا، دونوں طرف سے نگران وزیر اعلیٰ کیلئے دو دو نام بھیجے جائیں گے اور تین دن کے اندر نگران وزیر اعلیٰ پر اتفاق نہ ہوا تو معاملہ پارلیمانی کمیٹی کے پاس جائے گا۔

ذرائع الیکشن کمیشن نے بتایا کہ پارلیمانی کمیٹی میں مساوی نمائندگی ہو گی، پارلیمانی کمیٹی کے پاس بھی تین دن کی مہلت ہو گی ، اگر پارلیمانی کمیٹی میں اتفاق نہ ہوا تو معاملہ الیکشن کمیشن کے پاس آئے گا۔

ذرائع کے مطابق چیف الیکشن کمشنر دو دن کے اندر نگران حکومت کا فیصلہ کریں گے، پیش نظر صورتحال میں پنجاب میں اتفاق رائےنظر نہیں آ رہا، حتمی فیصلہ الیکشن کمیشن کو ہی کرنا پڑے گا ، کیونکہ مسلم لیگ (ن) اور پی ٹی آئی میں بات چیت مشکل ہے۔