Author: زاہد مشوانی

الیکشن کمیشن نے ق لیگ کی صدارت سے چوہدری شجاعت کو ہٹانے اور انٹرا پارٹی الیکشن کرانے کیخلاف دائر درخواست پر فیصلہ محفوظ کرلیا ہے۔

الیکشن کمیشن میں ق لیگ کی صدارت سے ہٹانے اور انٹرا پارٹی الیکشن کرانے کے فیصلے کے خلاف چوہدری شجاعت حسین کی دائر درخواست کی سماعت ہوئی۔ چیف الیکشن کمشنر سکندر سلطان راجا کی سربراہی میں 5 رکنی کمیشن نے سماعت کی۔

اے آروائی نیوز براہِ راست دیکھیں live.arynews.tv پر

سماعت کے موقع پر وزیراعلیٰ پنجاب اور ق لیگ کے رہنما چوہدری پرویز الہٰی کے وکیل نے دلائل دیتے ہوئے کہا کہ الیکشن کمیشن نے ہمیں انٹرا پارٹی انتخابات سے روکا لیکن انتخابات پارٹی کا اندرونی معاملہ ہے اس کے باوجود ہم نے الیکشن کمیشن کے حکم کی تعمیل کی۔

چیف الیکشن کمیشن سکندر سلطان راجا نے کہا کہ آپ کمیشن کی بات نہ مانتے اور کروا لیتے انتخابات۔

وکیل پرویز الہٰی نے کہا کہ ہماری کیا جرات کہ کمیشن کی بات ماننے سے انکار کرتے، ہماری استدعا ہے کہ الیکشن کمیشن چوہدری شجاعت کی درخواست مسترد کرے۔

ان کا مزید کہنا تھا کہ درخواست گزار کو ایسے فورم پر جانا چاہیے جہاں شواہد ریکارڈ کیے جا سکیں۔ پارٹی آئین کے مطابق سینٹرل ورکنگ کمیٹی 200 ارکان پر مشتمل ہوتی ہے۔ 5 رکنی پارٹی الیکشن کمیشن بنانے کا اختیار سی ڈبلیو سی کا ہے۔ پارٹی عہدیدار ہٹانے یا الیکشن کے فیصلے کے خلاف پارٹی کونسل سے رجوع کرنا چاہیے تھا۔

اس سے قبل چوہدری شجاعت کے وکیل عمر اسلم کے درخواست قابل سماعت ہونے پر دلائل دیتے ہوئے کہا کہ پارٹی کی صدارت صرف استعفیٰ یا موت کی صورت میں چھوڑی جا سکتی ہے۔ پارٹی صدارت سے متعلق کیس الیکشن کمیشن کے دائرہ اختیار میں آتا ہے جب کہ صرف سینٹرل ورکنگ کمیٹی کو عہدیدار کیخلاف تادیبی کارروائی کا حق حاصل ہے۔

عمر اسلم ایڈووکیٹ نے مزید کہا کہ اس معاملے پر سینٹرل ورکنگ کمیٹی تشکیل ہی نہیں دی گئی۔ انہوں نے وکیل نے الیکشن کمیشن میں کیس قابل سماعت ہونے سے متعلق بعض عدالتی فیصلوں کا حوالہ بھی دیا۔

توشہ خانہ تحائف اسکینڈل پر پاکستان تحریک انصاف کے چیئرمین اور سابق وزیراعظم عمران خان کی نااہلی ریفرنس پر سماعت 22 اگست تک ملتوی کردی گئی ہے۔

اے آر وائی نیوز کے مطابق چیف الیکشن کمشنر کی سربراہی میں 5 رکنی کمیشن نے ریفرنس کی سماعت کی۔ درخواست گزار محسن شاہنواز رانجھا اور حکومتی اتحاد کے وکیل خالد اسحاق ایڈووکیٹ الیکشن کمیشن میں پیش ہوئے۔

معاون وکیل نے کہا کہ بیرسٹر علی ظفر مصروفیت کے باعث نہیں آ سکے ہیں اس لیے سماعت ملتوی کی جائے۔ ان کا یہ بھی کہنا تھا کہ عمران خان اب رکن قومی اسمبلی نہیں رہے ہیں۔

چیف الیکشن کمشنر نے کہا کہ الیکشن کمیشن کی نظر میں عمران خان تاحال ایم این اے ہیں کیونکہ قومی اسمبلی سیکریٹریٹ نے کمیشن کو استعفیٰ منظور کرکے نہیں بھجوایا۔ آپ اپنی مرضی کی تشریح نہ کریں۔ جب تک اسپیکر استعفے منظور کر کے نہ بھیجے رکن ڈی نوٹی فائی نہیں ہو سکتا۔

چیف الیکشن کمشنر نے تحریک انصاف کے وکیل کو دستاویزات فراہم کرنے کا حکم دیتے ہوئے سماعت 22 اگست تک ملتوی  کردی۔

واضح رہے کہ توشہ خانہ کیس میں عمران خان کی نااہلی کا ریفرنس پاکستان مسلم لیگ ن کے رہنما بیرسٹر محسن شاہنواز رانجھا سمیت 5 حکومتی اراکین قومی اسمبلی نے آرٹیکل 63 کے تحت دائر کیا ہے۔

بیرسٹر محسن رانجھا کا کہنا ہے کہ وقت آگیا ہے ماضی کے گناہوں کو ٹھیک کیا جائے۔ توشہ خانہ سے تحائف لئے اور انہیں ظاہر نہیں کیا گیا۔ عمران خان کو سارے جواب دینے پڑیں گے، وہ بتائیں 10 کروڑ کی گھڑی سستی کیوں خریدی؟

محسن رانجھا نے مزید کہا کہ جب قانون کے آگے سب برابر ہیں تو آئیں الیکشن کمیشن میں پیش ہوں۔ نواز شریف جے آئی ٹی میں بار بار پیش ہوسکتے ہیں تو عمران خان کو بھی ہونا ہوگا۔ عمران نیازی قانون کے احترام کی بات کرتے ہیں تو پیش بھی ہوں۔

چیف الیکشن کمشنر کے خلاف احتجاج کے لیے پی ٹی آئی کے اراکین اور سینیٹرز الیکشن کمیشن کے مرکزی دفتر کے سامنے پہنچ گئے ہیں۔

اے آر وائی نیوز کے مطابق تحریک انصاف کے سربراہ عمران خان کے چیف الیکشن کمشنر کے خلاف اعلان کردہ احتجاج کے لیے پی ٹی آئی کے اراکین اور سینیٹرز الیکشن کمیشن کے مرکزی دفتر کے سامنے پہنچ گئے ہیں۔

رپورٹ کے مطابق پی ٹی آئی رہنما اسد عمر، فواد چوہدری، شبلی فراز، اعظم سواتی، فیصل جاوید اور دیگر کے علاوہ سربراہ عوامی مسلم لیگ شیخ‌رشید بھی اس وقت الیکشن کمیشن آفس کے باہر موجود ہیں۔ پولیس کی پی ٹی آئی اراکین کو الیکشن کمیشن کے دفترجانے سے روکنے کی کوشش ہے جب کہ شاہراہ دستور پر الیکشن کمیشن کے سامنے خاردار تاریں اور رکاوٹیں کھڑی کرکے راستے کو پہلے ہی بند کیا ہوا ہے۔

واضح رہے کہ چیئرمین پی ٹی آئی اور سابق وزیراعظم نے آج کے دن الیکشن کمیشن کے دفتر کے باہر احتجاج کرنے کا اعلان کر رکھا ہے جب کہ حکومت نے اس احتجاج سے نمٹنے کی بھرپور تیاریاں کی ہوئی ہیں۔

یہ بھی پڑھیں: تحریک انصاف کا احتجاج: پولیس کو ریڈ زون میں داخلے پرمظاہرین سے سختی سے نمٹنے کا حکم

حکومت نے تحریک انصاف کے احتجاج کے پیش نظر ریڈ زون مکمل سیل کردیا ہےاور پولیس کو ریڈ زون میں داخلے پر مظاہرین سے سختی سے نمٹنے کا حکم دے دیا گیا ہے۔

اسلام آباد: وفاقی حکومت نے پاکستان تحریک انصاف کے خلاف ممنوعہ فنڈنگ کیس کا فیصلہ آنے کے بعد تین اہم آپشنز پر غور شروع کر دیا ہے۔

ذرائع کے مطابق پی ٹی آئی ممنوعہ فنڈنگ کیس پر الیکشن کمیشن کا فیصلہ وفاقی حکومت کو موصول ہوگیا، فیصلہ وزارت داخلہ اور وزارت قانون کو بھجوایا گیا ہے جبکہ حکومت نے فیصلے پر عمل درآمد کے لیے مشاورت بھی شروع کر دی ہے۔

ذرائع کا کہنا ہے کہ وفاقی وزرا نے آئینی اور قانونی ماہرین سے مشورے شروع کر دیے، وزرا نے مشاورت میں تین آپشنز پر غور شروع کیا ہے۔

آپشنز میں آرٹیکل (3) 17 کے تحت ریفرنس سپریم کو بھجوانے، تحریک انصاف کے خلاف فارن فنڈڈ سیاسی جماعت قرار دے معاملہ بڑھانے اور بیان حلفی پر کارروائی کے لیے سپریم کورٹ سے رجوع کرنا ہے۔

ذرائع کے مطابق الیکشن کمیشن کے فیصلے کی بنیاد پر ہی سپریم جورٹ سے رجوع کیا جائے گا، اور سپریم کورٹ سے فل کورٹ تشکیل دینے کی درخواست کی جائے گی۔