Author: زاہد مشوانی

الیکشن کمیشن نے وفاقی دارالحکومت اسلام آباد میں بلدیاتی انتخابات ملتوی کر دیئے۔

تفصیلات کے مطابق الیکشن کمیشن نے اسلام آباد میں بلدیاتی الیکشن کا شیڈول معطل کرنے کانوٹیفکیشن جاری کر دیا ہے۔ اسلام آباد میں بلدیاتی انتخابات 9اکتوبر کو ہونا تھے۔

نوٹیفکیشن میں کہا گیا ہے کہ پارلیمنٹ میں نئی قانون سازی کے باعث بلدیاتی الیکشن ملتوی کئےجاتے ہیں اسلام آباد بلدیاتی قانون میں تبدیلی کے بعد انتخابات روکے گئے ہیں۔

الیکشن کمیشن نے 29 ستمبر کو اسلام آبادمیں بلدیاتی الیکشن کرانے کی یقین دہانی کروائی تھی جس پر اسلام آبادہائیکورٹ نے بلدیاتی الیکشن سے متعلق کیس کی سماعت 15 اکتوبر تک ملتوی کردی تھی۔

اسلام آباد: وزیر اعظم شہباز شریف اور چیئرمین پاکستان پیپلز پارٹی بلاول بھٹو کے درمیان ہونے والی اہم بیٹھک کا اندرونی احوال سامنے آگیا۔

وزیر اعظم ہاؤس میں شہباز شریف اور بلاول بھٹو کے درمیان ملاقات ہوئی جس میں تحفظات دور کرنے کی یقین دہانی کے بدلے پیپلز پارٹی نے بجٹ منظوری میں تعاون کی یقین دہانی کروا دی۔

پیپلز پارٹی کے وفد نے وزیر اعظم کو بجٹ پر اپنے مؤقف سے آگاہ کیا جبکہ شہباز شریف ان کے تحفظات دور کروانے کا وعدہ کیا۔ تحفظات کے خاتمے پر پیپلز پارٹی نے بجٹ منظوری کیلیے حمایت کی یقین دہانی کروائی۔

ذرائع نے اے آر وائی نیوز کو بتایا کہ سابق وزیر خارجہ بلاول بھٹو نے بجٹ پر اعتماد میں نہ لینے کا معاملہ وزیر اعظم کے سامنے رکھ دیا اور بجٹ پر اعتماد میں نہ لینے پر سخت برہمی کا اظہار کیا۔

ذرائع کے مطابق بلاول بھٹو نے شہباز شریف سے مکالمے میں کہا کہ حکومت نے طے شدہ معاہدے پر عمل درآمد نہیں کیا، پنجاب حکومت پیپلز پارٹی کا راستہ روک رہی ہے۔

اس پر وزیر اعظم نے چیئرمین پیپلز پارٹی کے بیشتر نکات سے اتفاق کیا۔ ملاقات میں حکومت اور پیپلز پارٹی میں معاملات کے حل کیلیے کمیٹیاں تشکیل دیں جن کے درمیان کل ملاقات ہوگی۔

ذرائع نے بتایا کہ کمیٹیاں وزیر اعظم اور بلاول بھٹو سے ملاقات کی روشنی میں معاملات آگے بڑھائیں گی۔