Author: ضیاء الحق

پشاور: وزیر اعلیٰ خیبر پختونخوا علی امین گنڈاپور نے واضح کیا ہے کہ مذاکرات بانی چیئرمین پاکستان تحریک انصاف (پی ٹی آئی) کی رہائی سے شروع ہوں گے اور آگے بڑھیں گے۔

اڈیالہ جیل میں بانی پی ٹی آئی سے ملاقات کے بعد علی امین گنڈاپور نے اے آر وائی نیوز سے گفتگو میں کہا کہ بانی کو رہا کروانے سمیت تمام مطالبات منوا کر ہی دم لیں گے۔

علی امین گنڈاپور نے کہا کہ پی ٹی آئی کا نعرہ ’اب نہیں تو کب ہم نہیں تو کون‘ کو ثابت کرنے کا وقت آ چکا ہے، قوم نے فیصلہ کرنا ہے کہ ظلم کے نظام کا مقابلہ کریں گے یا انصاف لیں گے۔

یہ بھی پڑھیں: عطا اللہ تارڑ کا عمران خان کی رہائی کے حوالے سے اہم بیان

انہوں نے کہا کہ بانی ہماری اور ہماری نسلوں کی جنگ لڑ رہے ہیں، ہم ان کو مایوس نہیں کریں گے، پی ٹی آئی کا نظریہ ہمارا جنون ہے اور جنون مرتا نہیں بڑھتا ہے۔

دوسری جانب، سینئر پی ٹی آئی رہنما علی محمد خان نے اپنے ایک بیان میں کہا کہ آج اسلام آباد ہائیکورٹ سے بڑا فیصلہ آیا ہے لہٰذا امید ہے اب جلد بانی پی ٹی آئی کی رہائی ہو جائے گی۔

علی محمد خان نے کہا کہ آج کے فیصلے سے جھوٹ کا پلندہ نیست و نابود ہوگیا ہے، گزشتہ ہفتے توشہ خانہ کیس کا ٹرائل مکمل ہوا تھا، آج بانی کو ضمانت پر رہا کرنے کے فیصلے کا خیر مقدم کرتے ہیں۔

انہوں نے کہا کہ توشہ خانہ کیس سب سے بڑا تھا جس میں بانی پی ٹی آئی گرفتار تھے، کیس میں رہائی ملنا بہت بڑی کامیابی ہے لیگل ٹیم کو مبارکباد دیتے ہیں، حکومت ہوش کے ناخن لے اور مسائل کو حل کرے۔

خیبرپختونخوا حکومت نے پی آئی  اے کی نجکاری کی بولی میں شرکت پر دلچسپی کا اظہار کر دیا۔

بلیو ورلڈ کنسورشیم کی بولی سےپی آئی اے کی نجکاری کا معاملہ لٹک گیا ہے، حکومت تو پرامید تھی کہ کئی گروپس بولی میں حصہ لیں گے، جن میں غیرملکی گروپ میں شامل ہوں گے، لیکن بولی کا عمل ایک طرح سے مذاق بن گیا۔

گزشتہ روز بولی کیلئے چھ گروپوں میں سے صرف بلیو ورلڈ کنسورشیم نے کاغذات جمع کرائے۔ حکومت نے مزید تیس منٹ کی مہلت بھی دی لیکن بلیو ورلڈ کنسورشیم نے بولی کیلئے دس ارب روپے سے زیادہ کا ریٹ نہیں دیا۔

صرف ایک بولی لگائے جانے کے بعد خیبرپختونخوا حکومت نے پی آئی  اے کی نجکاری کی بولی میں شرکت پر دلچسپی کا اظہار کیا ہے۔ اس سلسلے میں خیبرپختونخوا نجکاری بورڈ کی جانب سے وفاقی وزیر نجکاری کو خط لکھا گیا ہے۔

خط کے متن میں کہا گیا ہے کہ پی آئی اے قومی ایئرلائن ہے اثاثے قوم کیلئے اہمیت رکھتے ہیں، پی آئی اےکی اہمیت کو مدنظر رکھتے ہوئے وزیراعلیٰ کی ہدایت پر خط تحریر کیا گیا۔

خط کے مطابق خیبرپختونخوا حکومت بلیو ورلڈسٹی کنسورشیم کی بولی سے زیادہ پیشکش کیلئے تیار ہے۔

کابینہ کی نجکاری کمیٹی کو سارے عمل سے آگاہ کردیا گیا ہے، اب نجکاری کمیٹی ہی بلیو ورلڈ کنسورشیم کی بولی مسترد یا منظور کرنے کا حتمی فیصلہ کرے گی۔

پی آئی اے کی خریداری کیلئے کسی ایئرلائن گروپ یا کمپنی نے دلچسپی ظاہر نہیں کی، ہاؤسنگ سوسائٹی نے بولی میں حصہ لیا۔

وزیرنجکاری علیم خان اور نجکاری کمیٹی کے سربراہ اسحاق ڈار بھی بولی کے وقت موجود نہیں تھے۔

یاد رہے پی آئی اے کی نجکاری کیلئے بولی جمع کرانے والی کمپنی بلیو ورلڈ سٹی کیساتھ معاہدے کے اہم خدوخال سامنے آئے تھے۔

ذرائع نجکاری کمیشن نے بتایا تھا کہ پی آئی اے کےملازمین کو18 ماہ تک ملازمت پر رکھا جائےگا اور 18 ماہ بعد تقریبا 70 فیصد تک ملازمین کو ازسر نو جاب لیٹر آفر ہوں گے۔۔

معاہدے کے تحت سرمایہ کاری کمپنی 5 سالوں میں 30 کروڑ ڈالر کی سرمایہ کاری کرےگی اور پی آئی اے کے فلیٹس کی تعداد 45 تک بڑھائی جائے گی جبکہ ایئرلائن اپنےتمام روٹس پر سروسزکوبحال کرے گی۔

خیال رہے قومی ایئرلائن کے کل 152 ارب روپے کے اثاثہ جات ہیں، اثاثہ جات میں جہاز،سلاٹ،روٹس و دیگر شامل ہیں۔

قومی ایئرلائن کی مجموعی رائلٹی 202ارب روپے ہے، جس میں سی اے اےاورپی ایس اوشامل ہیں جبکہ ملازمین کی تعداد7ہزار 100 ہے جبکہ 2400 سے زائد تعداد یومیہ اجرت پر کام کرنے والوں کی ہے۔

پشاور: خیبر پختونخوا حکومت نے سیاحت کو فروغ دینے اور سیاحوں کی آسانی کیلیے ایک اہم منصوبے کی منظوری دی ہے جو ابھی مکمل ہونا باقی ہے۔

وزیر اعلیٰ خیبر پختونخوا علی امین گنڈاپور کی زیرِ صدارت محکمہ سیاحت کا اجلاس ہوا جس میں ’میزبان‘ کے نام سے ہوم اسٹے ٹوارزم منصوبے کو حتمی شکل دے دی گئی، منصوبے کے باضابطہ اجرا کیلیے رواں سال 15 دسمبر کی ڈیڈ لائن مقرر کی گئی۔

اجلاس میں فیصلہ کیا گیا کہ گھروں میں سیاحوں کو معیاری رہائشی سہولتوں کیلیے 30 لاکھ تک بلا سود قرضہ دیا جائے گا، ابتدائی طور پر منصوبہ 395 ملین روپے کی لاگت سے شروع کیا جائے گا، سیاحتی اضلاع میں 2 کمرے تعمیر یا پہلے سے قائم کمروں کی تزئین و آرائش کر سکتے ہیں۔

فیصلہ کیا گیا کہ اپر اور لوئر چترال، اپر اور لوئر دیر، ایبٹ آباد، مانسہرہ اور سوات میں ابتدائی طور پر منصوبہ شروع ہوگا، قرضوں کی واپسی کی مدت 5 سال ہوگی جبکہ واپسی کا عمل قرضے لینے کے دوسرے سال سے شروع ہوگا۔

اجلاس میں علی امین گنڈاپور نے کہا کہ خیبر پختونخوا میں سیاحت کے فروغ کے بے پناہ مواقع ہیں جبکہ آمدن اور روزگار پیدا کر سکتے ہیں۔ انہوں نے ہدایت کی کہ سیاحتی علاقوں میں قائم ٹورسٹ فیسیلی ٹیشن سینٹرز کی تعداد میں اضافہ کیا جائے۔