Author: ضیاء الحق

پشاور: پی ٹی آئی رہنما اسد قیصر اور پرویز خٹک کو حراست میں لینے کی اطلاع سامنے آئی ہے۔

اے آر وائی نیوز کے مطابق ذرائع کا کہنا ہے کہ پی ٹی آئی رہنما اسد قیصر اور پرویز خٹک کو اسلام آباد سے حراست میں لیا گیا ہے اور دونوں کو نامعلوم مقام پر منتقل کردیا گیا ہے۔

ذرائع کا بتانا ہے کہ دونوں رہنما کسی میٹنگ میں گئے تھے جہاں سے واپس نہیں آئے ہیں۔

ذرائع کا یہ بھی بتانا ہے کہ اسد قیصر اور پرویز خٹک کے اہلخانہ نے ان سے رابطہ کرنے کی کوشش کی تو ان کے نمبرز بھی بند آرہے ہیں۔

پی ٹی آئی رہنما اسد قیصر اور پرویز خٹک کو حراست میں لینے کی اطلاع، ذرائع#ARYNews pic.twitter.com/i59qu0tFZp

— ARY NEWS (@ARYNEWSOFFICIAL) June 1, 2023

یہ پڑھیں: چوہدری پرویزالٰہی کوگرفتار کرلیا گیا

واضح رہے کہ اب سے کچھ دیر قبل چوہدری پرویزالٰہی کو اینٹی کرپشن پنجاب اورپولیس نے ان کی رہائشگاہ سے گرفتار کیا گیا ، ان کی گرفتاری اس وقت عمل میں لائی گئی جب وہ گاڑی میں بیٹھ کر جارہے تھے۔

پرویزالٰہی پرمنڈی بہاوالدین اورگوجرانوالہ میں کرپشن کےمقدمات درج ہیں،ضمانت منسوخ ہونے پر پرویز الٰہی عدالت میں پیش نہیں ہورہےتھے۔

واضح رہے کہ گذشتہ ماہ کی 26 تاریخ کو لاہورکی اینٹی کرپشن کی عدالت نے سابق وزیر اعلیٰ پنجاب چوہردی پرویزالٰہی کے ناقابل ضمانت وارنٹ گرفتاری جاری کئے تھے۔

عدالت نے حکم دیا تھا کہ چوہدری پرویز الٰہی کو گرفتارکرکے2جون تک پیش کیا جائے۔

اسلام آباد: چیئرمین رویت ہلال کمیٹی مولانا عبداالخبیر آزاد کا کہنا ہے کہ ہم تو دال روٹی کھانے والے لوگ ہیں کبھی کوئی فرمائش نہیں کی۔

اے آر وائی نیوز سے خصوصی گفتگو کرتے ہوئے چیئرمین رویت ہلال کمیٹی مولانا عبدالخبیر آزاد نے کہا کہ خیبرپختونخوا کے لوگ ویسے ہی مہمان نواز ہیں ہر پرگرام کے بعد کھانے کا اہتمام ہوتا ہے۔

انہوں نے کہا کہ رمضان اور عید کے موقع پر لوگ زیادہ ہوتے ہیں تو وہ سمجھتے ہیں سب کو ضرور کھانا کھلائیں کبھی نہیں چاہیں گے کہ ہمارے کھانے کا کوئی بڑا ٹینڈر ہو۔

چیئرمین رویت ہلال کمیٹی نے کہا کہ کوشش ہے کہ اجلاس میں کفایت شعاری پر عمل کیا جائے اتنا بڑا کھانا نہیں کہ اس کے لیے ٹینڈر دیا جائے۔

انہوں نے کہا کہ ہماری کھانے کے حوالے سے کوئی فرمائش نہیں ہے ہمارے لیے لوگ ہی بہت تکریم دیتے ہیں۔

واضح رہے کہ خیبر پختونخوا کے ایڈمنسٹریٹر اوقاف نے بائیس مارچ کو رویت ہلال کمیٹی کی میٹنگ کیلئے سو افراد کے وائی آئی پی کھانوں کا ٹینڈر جاری کیا تھا۔

ٹینڈر میں سو وی آئی پیز کیلئے گیارہ ڈشیں اور سو عام افراد کیلئے چھ ڈشوں کی تیاری کا تخمینہ طلب کیا گیا۔

بائیس مارچ کو اوقاف کمپلیکس عیدگاہ چارسدہ روڈ آنے والے اکابرین کیلئے ہائی ٹی کا اہتمام بھی کیا جانا ہے جس میں چائے پیٹیس، پیسٹریاں، سینڈوچ اور بسکٹ رکھے جائینگے، بھاری بھرکم ہائی ٹی کےبعد ڈنر کا بھی اہتمام ہوگا جس میں دم پُخت، نارنجی بیف پلاؤ، مکس سبزی، چکن تکہ، بوٹی ۔سیخ کباب، نان، رشین سلاد، تازہ سلاد، حلوہ، منرل واٹر اور کولڈ ڈرنک شامل ہیں۔

بعدازاں نگراں وزیر مذہبی امور بیرسٹر فیروز جمال کاکا خیل نے نوٹس لیتے ہوئے ٹینڈر واپس کیا اور کفایت شاری سے کام لینے کی ہدایت کردی۔