اسلام آباد : پاکستان تحریک انصاف (پی ٹی آئی) کی آج احتجاج کی کال کے پیش نظر اسلام آباد کو سیل کردیا گیا ہے جبکہ موٹروے اور جی ٹی روڈ بھی بند کردیا گیا ہے۔
تفصیلات کے مطابق اسلام آباد میں تحریک انصاف (پی ٹی آئی) آج احتجاج کرنے جارہی ہے ، حکومت نے مظاہرین کو روکنے کے لیے کڑے انتظامات کرلئے ہیں۔
وفاقی دارالحکومت کے بیشتر راستے بند ہے اور دفعہ 144 نافذ ہے جبکہ ریڈ زون کی سیکیورٹی رینجرز کے حوالے کردی گئی ہے۔
اسلام آباد اور راولپنڈی کو ملانے والے راستوں پر کنٹینررکھ دیے گئے اور فیض آباد کو سیل کر دیا گیا ہے جبکہ موٹر وے ایم ون 4 پوائنٹس پر اور جی ٹی روڈ اٹک خورد اورحسن ابدال چسکا پوائنٹ پر سیل کردیا گیا ہے۔
ضلعی انتظامیہ اور پولیس حکام نے رستوں کی بندش کی تفصیل جاری کردی ہے، وفاقی حکومت نے 24 پوائنٹس مکمل بند کرنے کا فیصلہ کیا ہے۔
یومارگلہ روڈ،سنگجانی ٹول پلازہ اورواٹرٹینکی مارگلہ روڈبند،نیومارگلہ لوپ،ایف ٹین،26 نمبرچونگی ،زیرو پوائنٹ، خیابان چوک، فیصل چوک اور بری امام ٹی کراس بھی بند رہے گا۔
ایکسپریس چوک،سریناچوک،روات ٹی کراس، کھنہ پل، لہتراڑروڈ،مری روڈنزدٹریفک آفس، نائتھ ایونیو،گولڑہ موڑ،اولڈٹول پلازہ،ترنول چوک،چوہڑچوک اورپشاورموٹروےفلائی اووربھی بند رہے گا۔
مری روڈ کے مختلف مقامات پر ہیوی مشینری کی مدد سے کنٹینرز رکھ دئیے گئے، جس کے باعث اسلام آباد سے مری روڈ آنے والے مسافر رُل گئے۔
راولپنڈی میں میٹروبس سروس بھی تاحکم ثانی معطل کردی گئی جبکہ پنڈی میں سیکیورٹی کیلئے 4 ہزار اہلکار تعینات کردیئے گیے ہیں۔
اٹک میں بھی کے پی سے آنے والے تمام راستوں پر کنٹینرز لگا دیئے گئے، اٹک کے چھچھ انٹر چینج پر واٹر کینن، ریسکیو گاڑیاں اور پولیس کی بھاری پہنچا دی گئی۔
جہلم میں بھی جی ٹی روڈبند کرنے کے انتظامات مکمل ہے ، جی ٹی روڈ کو دریا کے تینوں پلوں سے مکمل طور پر بند کیا جائے گا۔
