Author: ذولقرنین حیدر

اسلام آباد کے علاقے نائنتھ ایونیو پر پولیس اہلکار آپس میں لڑ پڑے۔

اے آر وائی نیوز کے مطابق اسلام آباد کے علاقے نائنتھ ایونیو پر پولیس اہلکاروں کے درمیان لڑائی کا ڈی آئی جی اسلام آباد سید علی رضا نے نوٹس لے لیا۔

ترجمان اسلام آباد پولیس کا کہنا ہے کہ ایس پی انڈسٹریل ایریا نے اے ایس آئی کو معطل کردیا۔

ڈی آئی جی اسلام آباد نے ایس پی انڈسٹریل ایریا کو معاملے کی انکوائری کا حکم بھی دے دیا ہے۔

ایس پی کا کہنا ہے کہ محکمے کی بدنامی کا باعث بننے والے اہلکاروں کی پولیس میں کوئی جگہ نہیں، انکوائری میں جو قصور وار پایا گیا اس کے خلاف محکمانہ کارروائی ہوگی۔

  واضح رہے کہ دو روز قبل کراچی کے علاقے بلدیہ ٹاؤن مواچھ موڑ پیٹرول پمپ کے قریب مدد گار15 پولیس کے اہلکار آپس میں تلاخ کلامی کے بعد لڑ پڑے تھے، ایک پولیس اہلکار کی فائرنگ سے دوسرا پولیس اہلکار زخمی ہو گیا تھا۔

زخمی پولیس اہلکار کی شناخت 29 سالہ رب نواز ولد شاکر کے نام سے ہوئی تھی۔ ایس پی مدد گار 15 پولیس نے واقعے کی انکوائری شروع کردی تھی۔

وفاقی دارلحکومت میں خواتین کو زدوکوب کرنے والے منظم جتھے کا ایس پی  پر حملہ، ایس پی  سٹی خان زیب حملے کے دوران زخمی ہو گئے جس کے بعد انہیں اسپتال منتقل کردیا گیا۔ 

اسلام آباد پولیس کے مطابق شہریوں نے ون فائیو پر کال کی کہ منظم جتھے نے ایک ریسٹورنٹ پر خواتین کو زدوکوب کیا۔ شہریوں کے 15 پر کال کرنے کے ردعمل میں ایس پی سٹی خان زیب موقع پر پہنچےجس پر شر پسندوں نے ایس ایس پی حملہ کیا جس کے دوران وہ زخمی ہوگئے جبکہ شرپسندوں نے ایک پولیس ملازم کو بھی یرغمال بنانے کی کوشش کی۔

منظم جتھے نے ایک ریسٹورنٹ پر خواتین کو زدوکوب کیا۔ آئی جی اسلام آباد سید علی ناصر رضوی اور ڈی آئی جی اسلام آباد سید علی رضا نے اسپتال میں زخمی ایس پی سٹی کی عیادت کی ۔

دوسری جانب ڈی آئی جی آپریشن علی رضا  نے بتایا کہ پولیس افسر پر حملہ کرنے والوں کی شناخت ہوگئی۔ ملزمان کا تعلق جمعیت طلبا اسلام سے ہے ،آٹھ ملزمان کو گرفتار کر لیا گیا ہے۔ ملزمان کے خلاف قانون کارروائی عمل میں لائی جارہی ہے۔ ملزمان خواتین کو ریسٹورنٹ میں ہراساں کر رہے تھے۔

پبلک ٹرانسپورٹ میں سفر کرنے والوں کیلیے اچھی خبر ہے کہ اسلام آباد میں الیکٹرک بسیں آج سے پہچنا شروع ہو گئیں۔ 160 میں سے 30 الیکٹرک بسیں پاکستان پہنچ چکی ہیں۔

 الیکٹرک بسیں پاکستان پہنچنے کے بعد شہریوں کو جدید اور معیاری سفری سہولیات فراہم ہوسکیں گی۔ کراچی سے 8 بسیں اسلام آباد، جناح کنونشن سینٹر، چارجنگ پوائنٹ پر پہنچ چکی ہیں۔

22 بسیں کل تک اسلام آباد پہنچ جائیں گی۔ ابتدائی طور پر 30 بسیں دو روٹس پر چلائی جائیں گی۔ ایک روٹ نسٹ، اورنج لائن ڈپو، G-11 تا سے پمز ہسپتال تک ہوگا۔

پہلے روٹ میں بس G-11 مرکز، G-10 مرکز، G-9 مرکز اور G-8 سے ہوتی ہوئی پمز تک پہنچے گی۔ پہلا روٹ 13 سٹاپس پر مشتمل ہوگا اور ہر دس منٹ بعد سٹاپ پر بس پہنچا کرے گی۔

دوسرا روٹ پمز سے شروع ہوکر بری امام تک ہوگا۔ دوسرے روٹ میں یہ سروس G-7، G-6، میلوڈی، آبپارہ، اتاترک روڈ، سرینہ ہوٹل، فارن آفس، ریڈیو پاکستان، ڈپلومیٹک انکلیو سے بری امام تک جائے گی۔

یہ سروس صبح 6 بجے تا رات 10 بجے تک استعمال کی جاسکے گی۔ چیئرمین سی ڈی اے کی ہدایت پر مستحق طبقات بشمول معزور افراد، طلباء و دیگر کو سبسڈی دینے کے لئے بھی طریقہ کار وضع کیا جائے گا۔

اسلام آباد میں غیرملکی سفارتخانے کی خاتون اہلکار نے پولیس کانسٹیبل پر گاڑی چڑھا دی۔

اے آر وائی نیوز کے مطابق حادثہ اسلام آباد کی شاہراہ دستور پر پیش آیا جہاں غیرملکی سفارتخانے کی خاتون اہلکار نے سگنل توڑ کر گاڑی کانسٹیبل عامر کاکڑ پر چڑھائی جس کے نتیجے میں وہ شدید زخمی ہوگیا۔

ترجمان پولیس کا کہنا ہے کہ زخمی کانسٹیبل کو اسپتال منتقل کردیا گیا ہے۔

پولیس کا کہنا ہے کہ آئی جی اسلام آباد نے زخمی اہلکار کے بہترین علاج کے لیے احکامات جاری کردیے ہیں۔

ترجمان کا بتانا ہے کہ حادثے سے متعلق ضابطے کی کارروائی شروع کردی گئی ہے۔

واضح رہے کہ گزشتہ ہفتے ملتان میانوالی روڈ پر ٹرک اور وین میں ہونے والے خوفناک تصادم کے نتیجے میں 11 افراد جاں بحق ہوئے تھے۔

ٹریفک حادثہ مخالف سمت سے آنے والے ٹرک اور وین کے درمیان پیش آیا تھا، جاں بحق ہونے والوں میں 5 مرد، 3 خواتین، 2 بچے اور 1 بچی شامل تھی جبکہ 15 سے زائد افراد زخمی بھی ہوئے۔

پولیس نے بتایا تھا کہ ٹرک لیہ سے ملتان جبکہ وین ملتان سے لیہ کی طرف جا رہی تھی۔