Author: ذولقرنین حیدر

پاکستان تحریک انصاف کے چیئرمین عمران خان کی عدالت میں پیشی کے دوران ہجوم میں ایک مشکوک شخص کی نشاندہی کی گئی ہے۔

ترجمان پولیس کا کہنا ہے کہ پاکستان تحریک انصاف کے چیئرمین عمران خان کی عدالت میں پیشی کے دوران ہجوم میں ایک مشکوک شخص کی نشاندہی کی گئی ہے۔

ترجمان پولیس کے مطابق مشکوک شخص نے کیمو فلاج جیکٹ پہنی ہوئی ہے اور وہ عمران خان کی گاڑی کے قریب ہی ہے۔

پولیس نے عوام کو تنبیہہ کی ہے کہ وہ ہجوم مت بنائیں بصورت دیگر ان کے خلاف آنسو گیس استعمال کی جا سکتی ہے۔

دوسری جانب عمران خان کی پیشی سے قبل سیکیورٹی ہائی الرٹ کر دی گئی ہے۔ کچہری کے مختلف راستوں کو خار دار تار لگا کر بند کر دیا گیا ہے جب کہ کچہری میں داخلے سے قبل شہریوں  کے شناختی کارڈ بھی چیک کیے جا رہے ہیں اور ایف ایٹ کچہری کے اندر غیر متعلقہ افراد کے داخلے پر پابندی عائد کردی گئی ہے۔

یہ بھی پڑھیں: عمران خان کے ناقابل ضمانت وارنٹ گرفتاری جاری

قیدی وین اور بکتر بند گاڑی بھی ایف ایٹ کچہری پہنچا دی گئی ہے جب کہ پولیس کی بھاری نفری ایف ایٹ کچہری کے اندر اور باہر موجود ہے۔

وفاقی وزیر داخلہ رانا ثناءاللہ کے حکم پر انسداد دہشتگردی یونٹ اسلام آباد کی تنظیم نو کا فیصلہ کیا گیا ہے۔

پاکستان میں اپنی نوعیت کے پہلے انسداد انتہا پسندی یونٹ کا قیام عمل میں آیا ہے۔ یونٹ سوشل میڈیا اور ویب سائٹس پر سیاسی، مسلکی، لسانی اور مذہبی انتہا پسندی مواد کا جائزہ لے گا۔

نیا یونٹ آپریشنز اور انٹیلیجنس کے علاوہ قائم کیا گیا ہے۔ یونٹ کا انچارج ایس پی لیول کا افسر ہوگا جو کہ ایس ایس پی سی ٹی ڈی کے ماتحت کام کرے گا۔

انتہا پسندی کے تدارک کے لئے اسلام آباد کیپیٹل پولیس کی ٹیمیں تعلیمی اداروں، مدارس میں جائیں گی۔ مساجد میں خطبوں کی نگرانی کی جائے گی۔

یونٹ کے لئے لسانی ماہرین کی خدمات لی جائیں گی۔ اس حوالے سے قانون سازی کے لیے سفارشات بھی مرتب کی جائیں گی۔ قومی بیانیے کے مطابق نوجوان نسل کی ذہن سازی کی جائے گی۔

سی ٹی ڈی کو جدید ہتھیاروں سے لیس کرنے اور فوری ردعمل کو بہتر بنانے کے لئے وزارت داخلہ کو سفارشات بھیجی جارہی ہیں۔ جوائنٹ ایکشن ٹیمیں اور جدید تکنیکی مرکز کا قیام بھی عمل میں لایا جارہا ہے۔

سی ٹی ڈی کی تنظیم نو سے مجموعی کارکردگی، شہر کی سکیورٹی کوموثر بنانے، انسداد دہشتگردی اور انتہا پسندی کے تدارک میں اہم کردار ادا کرے گی۔

ترجمان اسلام آباد پولیس کا کہنا ہے کہ اسلام آباد کیپیٹل پولیس شہر کی سکیورٹی کو موثر بنانے کے لئے متعدد اقدامات کررہی ہے۔

اسلام آباد کی نجی ہاؤسنگ سوسائٹی میں موجود تیندوے کو وائلد لائف حکام اور ریسکیو اہلکاروں نے پکڑ لیا۔

اے آر وائی نیوز کے مطابق وائلد لائف حکام اور ریسکیو اہلکاروں نے تیندوے کو باحفاظت ریسکیو کرلیا، تیندوے کو ریسکیو کرنے کے لیے ٹریپر، جال اور ڈاٹ گن کا استعمال کیا گیا۔

وائلڈ لائف حکام کا بتانا ہے کہ ایک اہلکار کو دوران آپریشن معمولی زخم آئے ہیں۔

ریسکیو حکام کا کہنا ہے کہ تیندوے کو بطی معائنے کے بعد مسکن میں آزاد کردیا جائے گا جبکہ اس کی سوسائٹی میں موجودگی پر تحقیقات کی جائیں گی۔

Islamabad Wildlife rescued the leopard safely.Trapper, net and dort gun were used to rescue the leopard safely.
Wildlife officials also suffered crippling injuries during the rescue.The leopard will be released into the habitat after medical examination. pic.twitter.com/OCetIzvSws

— Islamabad Wildlife Management Board (IWMB) (@WildlifeBoard) February 16, 2023

واضح رہے کہ سوسائٹی میں تیندوے کے حملے کی ویڈیو سوشل میڈیا پر وائرل ہوگئی تھی اور شام سے تیندوے کو ریسکیو کرنے کے لیے آپریشن جاری تھا۔

رہائشی سوسائٹی میں موجود تیندوے کے حملے میں ایک شخص زخمی ہوگیا تھا جسے طبی امداد کے لیے اسپتال منتقل کردیا گیا تھا۔

اسلام آباد کی نجی سوسائٹی میں تیندوے کو پکڑنے کے لیے محکمہ وائلڈ لائف حکام کی کوششیں جاری ہیں۔

اے آر وائی نیوز کے مطابق اسلام آباد کی نجی سوسائٹی میں تیندوے نے شہری پر حملہ کردیا جس کے بعد اہلکاروں کی جانب سے تیندوے پر فائرنگ کی گئی۔

ویڈیو میں دیکھا جاسکتا ہے کہ اہلکاروں کی جانب سے تیندوے کو پکڑنے کی کوشش جاری ہے۔

اسلام آباد: نجی ہاؤسنگ سوسائٹی میں تیندوے کو پکڑنے کی کوشش، تیندوے نے شہری پر حملہ کردیا، اہلکاروں کی جانب سے تیندوے پر فائرنگ#ARYNews #Islamabad pic.twitter.com/G46R8ADYLP

— ARY NEWS (@ARYNEWSOFFICIAL) February 16, 2023

آئی ڈبلیو ایم بی کا کہنا ہے کہ وائلڈ لائف کے ہمراہ پنجاب وائلڈ لائف سمیت ریسکیو کے اہلکار بھی موقع پر موجود ہیں۔

*اسلام آباد کی نجی ہاؤسنگ سوسائٹی میں تیندوے کی موجودگی کا معاملہ*

اسلام آباد وائلڈ لائف کی ٹیم موقع پر موجود ۔ آئی ڈبلیو ایم بی

اسلام آباد وائلڈ لائف کے ہمراہ پنجاب وائلڈ لائف سمیت ریسکیو کے اہلکار بھی موجود۔ آئی ڈبلیو ایم بی pic.twitter.com/N4cK0v18ju

— Islamabad Wildlife Management Board (IWMB) (@WildlifeBoard) February 16, 2023

اس سے قبل حکام کا کہنا تھا کہ تیندوا مختلف گھروں سے چھلانگیں لگا کر ایک گھنٹے سے زیر تعمیر گھر میں چھپا ہوا ہے جسے نکالنے کی کوششیں جاری ہیں۔

یاد رہے کہ گزشتہ سال نومبر میں بھی اسلام آباد میں چیتے گھس آئے تھے جس کی وجہ سے لوگوں میں خوف و ہراس پھیل گیا تھا۔

اسلام آباد کی نجی ہاؤسنگ سوسائٹی میں چیتے کے حملے میں ایک شخص زخمی ہوگیا۔

اے آر وائی نیوز کے مطابق اسلام آباد کی نجی ہاؤسنگ سوسائٹی میں چیتا ایک شخص کو زخمی کرکے ایک گھر میں گھس گیا پولیس اور انتظامیہ چیتے کو نکالنے کی کوشش میں مصروف ہے۔

انتظامیہ کا کہنا ہے کہ قریب موجود پارک اور عوامی مقامات کو بند کردیا گیا ہے۔

اسسٹنٹ کمشنر کا کہنا ہے کہ تمام لوگ اپنے گھروں کے اندر ہی رہیں۔

محکمہ وائلڈ لائف حکام بھی موقع پر پہنچ گئے ہیں ان کا کہنا ہے کہ تیندوا مختلف گھروں سے چھلانگیں لگا کر ایک گھنٹے سے زیر تعمیر گھر میں چھپا ہوا ہے جسے نکالنے کی کوششیں جاری ہیں۔

یاد رہے کہ گزشتہ سال نومبر میں بھی اسلام آباد میں چیتے گھس آئے تھے جس کی وجہ سے لوگوں میں خوف و ہراس پھیل گیا تھا۔