Author: ذولقرنین حیدر

اسلام آباد: وفاقی دارالحکومت میں قائم اسلامی یونیورسٹی سے سے نوجوان کی لاش ملی ہے۔

پولیس کے مطابق لاش تین سے چار روز پرانی ہے، مرنے والے کی شناخت عباس کے نام سے ہوئی ہے، مقتول کی عمر 22 سے پچیس سال کے درمیان ہے۔

پولیس کے مطابق لاش کو تحویل میں لیکر ضابطے کی کارروائی کے لئے اسپتال منتقل کردیا گیا ہے۔

پولیس کا کہنا ہے کہ مقتول کے لواحقین کو تلاش کیا جارہا ہے، لواحقین سامنے آنے کے بعد مزید کارروائی عمل میں لائی جائے گی۔

واضح رہے کہ اسلامی یونیورسٹی میں گذشتہ ماہ طلبا کے دو گروہوں کے درمیان تصادم بھی ہوا تھا جس کے نتیجے میں متعدد طلبا زخمی ہوگئے تھے۔

اسلام آباد کے سیکٹر آئی 10 میں آج صبح ہونے والے خودکش دھماکے کی سیکیورٹی اداروں نے ابتدائی تحقیقات مکمل کر لی ہیں۔

اے آر وائی نیوز کے مطابق آج صبح اسلام آباد کے سیکٹر آئی 10 میں خودکش دھماکے میں ایک پولیس اہلکار شہید اور 5 اہلکاروں سمیت 10 افراد زخمی ہوئے تھے۔

پولیس ذرائع کا کہنا ہے کہ سیکیورٹی اداروں نے خودکش دھماکے کی ابتدائی تحقیقات مکمل کرلی ہیں۔

ذرائع کے مطابق آئی ٹین فور میں ہونے والا دھماکا خودکش تھا تاہم بارودی مواد گاڑی میں موجود نہیں تھا بلکہ یہ دھماکا حملہ آور نے خودکش جیکٹ سے کیا گیا۔

ذرائع کا کہنا ہے کہ خودکش جیکٹ میں تقریباً 20 کلو گرام بارودی مواد موجود تھا اور خودکش حملہ آور نے ٹیکسی ہائر کی تھی۔

ذرائع کے مطابق ابتدائی تحقیقات میں خودکش دھماکے میں استعمال ہونے والی گاڑی سے متعلق تفصیلات بھی معلوم ہوئی ہیں جس کے مطابق گاڑی کا نمبر ایل ای آئی 7793 ہے اور یہ لاہور میں سید سجاد حیدر کے نام پر رجسٹر ہے۔ گاڑی کے مالک کا تعلق چکوال سے ہے اور گاڑی کی آخری ٹوکن ٹیکس ادائیگی جولائی 2021 میں کی گئی تھی۔

یہ بھی پڑھیں: وفاقی دارالحکومت اسلام آباد میں خود کش دھماکا، پولیس اہلکار شہید

گاڑی لاہور میں رجسٹرڈ تھی۔ گاڑی کا نمبر ایل ای آئی 7793 تھا اور یہ سید سجاد حیدر کے نام پر رجسٹر ہے۔ گاڑی کے مالک کا تعلق چکوال سے ہے۔ گاڑی کی آخری ٹیکس ٹوکن ادائیگی جولائی 2021 میں کی گئی تھی۔

وفاقی دارالحکومت اسلام آباد میں 7 سال بعد 31 دسمبر کو بلدیاتی انتخابات ہو رہے ہیں تاہم اس موقع پر دنگے اور فسادات کا خدشہ ظاہر کیا گیا ہے۔

اے آر وائی نیوز کے مطابق وفاقی دارالحکومت اسلام آباد میں 7 سال بعد 31 دسمبر کو بلدیاتی انتخابات ہونے جا رہے ہیں اور 101 یونین کونسلز میں اپنے امیدواروں کے انتخاب کے لیے 9 لاکھ 84 ہزار 477 ووٹرز اپنا حق رائے دہی استعمال کریں گے تاہم الیکشن کے موقع پر شہر اقتدار میں فسادات کا خدشہ بھی ظاہر کیا گیا ہے۔

ذرائع نے بتایا ہے کہ اسلام آباد میں بلدیاتی انتخابات کے موقع پر فسادات اور دنگے ہوسکتے ہیں جب کہ جرائم پیشہ افراد اور غنڈوں کی مداختل کا بھی امکان ہے۔ ان اطلاعات کے بعد پورے دارالحکومت کو حساس قرار دے دیا گیا ہے اور وفاقی پولیس نے امن وامان یقینی بنانے کے لیے قواعد تشکیل دے دیے ہیں۔

ذرائع کے مطابق یہ قواعد و ضوابط آئی جی اسلام آباد کی زیر صدارت اہم اجلاس میں طے کیے گئے ہیں جن کے مطابق اسلحہ کی نمائش اور ساتھ لے کر چلنے پر پابندی عائد کرنے کا فیصلہ کیا گیا ہے۔

ذرائع کا کہنا ہے کہ اجلاس میں شرکا نے بریفنگ دیتے ہوئے بتایا کہ بلدیاتی انتخابات کے دوران امیدوار غنڈوں کا استعمال کرسکتے ہیں۔ جس کے بعد پورے شہر کی مانیٹرنگ سیف سٹی کیمروں کی مدد سے کرنے کا فیصلہ کیا گیا اور پولنگ سے قبل تمام کیمروں کو فعال بنانے کی ہدایت کی گئی۔

ذرائع کا کہنا ہے کہ انتخابی مہم، جلسہ یا ریلی متعلقہ تھانے کی اجازت سے مشروط ہوگی اور کوئی امیدوار متعلقہ تھانے کے ایس ایچ او کی اجازت کے بغیر جلسہ نہیں کرے گا۔

بلدیاتی انتخابات کے لیے پولیس افسران کو بھی خصوصی ہدایات جاری کردی گئی ہیں اور تمام تھانیداروں کو حساس مقامات کی نشاندہی کرنے کی ہدایت کی گئی ہے۔

اسلام آباد: شہید صحافی ارشد شریف قتل کیس میں جے آئی ٹی نے خاندان کے علاوہ دیگر شہادتیں ریکارڈ کرانے والوں کی فہرست بنانے کا فیصلہ کرلیا ہے۔

اے آر وائی نیوز کے مطابق شہید صحافی ارشد شریف کیس سے متعلق جے آئی ٹی کی دوسری میٹنگ سی پی او ہیڈ کوارٹر کے دفتر میں ہوئی جس میں ایس پی صدر کو فوری طور پر ان کے لواحقین سے رابطہ کرنے کی ہدایت کی گئی۔

میٹنگ میں ایس پی صدر کو رابطہ کرکے جے آئی ٹی کی ملاقات کرانے کی ہدایت بھی کی گئی اور ارشد شریف کے خاندان کے علاوہ دیگر شہادتیں ریکارڈ کرانے والوں کی فہرست بنانے کا فیصلہ کیا گیا ہے۔

علاوہ ازیں جے آئی ٹی کیس کے حوالے سے روزانہ میٹنگ کرے گی جس میں کیس سے متعلق کارکردگی کا جائزہ لیا جائے گا۔