صحافی ارشد شریف قتل کیس میں اسپیشل جے آئی ٹی نے مقتول کی والدہ اور بیوہ کا بیان ریکارڈ کرنے کا فیصلہ کرلیا۔
اسپیشل جے آئی ٹی کی پہلی میٹنگ ڈی آئی جی ہیڈکوارٹر میں ہوئی جس میں فیصلہ کیا گیا کہ جے آئی ٹی اپنے ٹی او آرز بنائے گی۔
جے آئی ٹی سب سے پہلے مقتول کی والدہ اور بیوہ کا بیان ریکارڈ کرے گی جبکہ بیان ریکارڈ کے لیے تمام متعلقہ افراد سے بھی رابطہ کیا جائے گا۔
اسپیشل جے آئی ٹی کے ترجمان نے بتایا کہ کینیا جانے کے لیے تمام سفری دستاویزات کی فوری تیاری شروع کر دی ہے۔
یہ بھی پڑھیں: جے آئی ٹی کو ہر 2 ہفتے بعد پیشرفت رپورٹ جمع کرانے کا حکم
یاد رہے کہ صحافی ارشد شریف قتل کیس میں حکومت نے اسپیشل جے آئی ٹی قائم کی ہے جس میں اسلام آباد پولیس، آئی ایس آئی، آئی بی اور ایف آئی اے کے نمائندے شامل ہیں۔
اس حوالے سے اسلام آباد پولیس نے رپورٹ سپریم کورٹ میں پیش کر دی جس میں بتایا گیا کہ ارشد شریف کی والدہ کا بیان ریکارڈ کرنے کے لیے گزشتہ روز رابطہ کیا لیکن مقتول کی والدہ نے طبیعت ناسازی کے سبب بیان ریکارڈ نہیں کرایا۔
