Author: ذولقرنین حیدر

اسلام آباد: سابق وزیر اعظم عمران خان کے اُس وقت کے مشیر برائے احتساب شہزاد اکبر، اداکارہ صوفیہ مرزا اور سابق ڈی جی ایف آئی اے ثنا اللہ عباسی کے خلاف مقدمہ درج کرلیا گیا۔

اے آر وائی نیوز کے مطابق شہزاد اکبر، صوفیہ اور ثنا اللہ عباسی کے خلاف مقدمہ تھانہ سیکرٹریٹ میں اداکارہ کے سابق شوہر کی مدعیت میں درج کیا گیا۔

مقدمہ فراڈ، ریکارڈ ٹمپرنگ ود یگر دفعات پر درج کیا گیا ہے۔ مقدمے کے متن کے مطابق شہزاد اکبر اور سابق ڈی جی ایف آئی اےثنا اللہ عباسی نے جعلی وارنٹس تیار کرائے، صوفیہ مرزا، شہزاد اکبر اور ثنا اللہ عباسی نے جھوٹے اور بوگس مقدمے درج کرائے۔

مقدمے میں مزید کہا گیا کہ ملزمان نے بوگس عدالتی دستاویزات تیار کیں، ملزمان نے غیر قانونی طور پر عدالتی ریکارڈ تیار کیا اور اسے استعمال کیا۔

مقدمہ مدعی عمر فاروق ظہور نے میاں علی اشفاق کو اپنا وکیل مقرر کرلیا جو ان کے تمام کیسز کی پیعوی کریں گے۔

پاکستان تحریک انصاف کے رہنما اور رکن قومی اسمبلی صالح محمد خان کے ساتھ اسلام آباد پولیس نے تضحیک آمیز رویہ اختیار کرلیا۔

عوامی نمائندے صالح محمد خان کے گلے میں تختی ڈال کر تصویر کھینچی گئی۔ ڈی آئی جی آپریشن سہیل ظفر چٹھہ نے کہا تھا کہ صالح محمد خان کو گرفتار نہیں کیا گیا۔

ڈی آئی جی آپریشن نے یہ بھی کہا تھا کہ ایم این اے کو حفاظتی تحویل میں لیا گیا ہے۔ مریم نواز، حمزہ اور شہباز شریف کو گرفتاری میں بھی مکمل پروٹوکول دیا جاتا رہا لیکن صالح محمد خان کے ساتھ موجودہ حکومت نے تضحیک آمیز رویہ اختیار کیا۔

ذرائع کا کہنا ہے کہ ڈی آئی جی آپریشن سہیل ظفر چٹھہ کو وزیر اعظم کا آشیرباد حاصل ہے۔

رہنما تحریک انصاف علی محمد خان نے اے آر وائی نیوز سے خصوصی گفتگو میں کہا کہ عوامی نمائندے کے ساتھ تضحیک آمیز رویہ رکھا گیا،  صالح محمد خان کیا دہشت گرد تھے جو ایسا رویہ رکھا؟ حکومت میں مافیا بیٹھا ہے جو مخالفین کے خلاف ہر حد تک جاسکتا ہے۔

علی محمد خان نے کہا کہ صالح محمد کے ساتھ پیش آئے واقعے کو ہر فورم پر اٹھائیں گے، بلاول بھٹو رکن اسمبلی کے ساتھ اس رویے پر کیا کہیں گے، عوامی نمائندے کی تضحیک کا بدلہ عوام لیں گے، پیپلز پارٹی جمہوریت کی چیمپئن بنتی ہے وہ کیوں خاموش ہے۔

اسلام آباد: سی ٹی ڈی نے کامیاب کارروائی کرتے ہوئے وفاقی دارالحکومت کو بڑی تباہی سے بچالیا۔

ذرائع سی ٹی ڈی کے مطابق سی ٹی ڈی اسلام آباد نے کامیاب کارروائی کرتے ہوئے دو دہشت گردوں کو گرفتار کرلیا ہے، گرفتار دہشت گردوں کا تعلق کالعدم تحریک طالبان سے بتایا جاتا ہے، ملزمان شیرعالم اور حمزہ عرف غازی الرحمان سےڈیٹونیٹر،بیٹریاں،بارودی مواد برآمد کی گئیں ہیں۔

سی ٹی ڈی ذرائع کے مطابق دہشت گردوں نے دوران تفتیش سیاسی شخصیات اور سرکاری اداروں پر حملوں کی منصوبہ بندی کا انکشاف کیا ہے۔

یہ بھی پڑھیں: کوئٹہ میں سی ٹی ڈی کی کارروائی میں 5 دہشت گرد ہلاک

ذرائع سی ٹی ڈی کے مطابق دہشت گردوں نے ملانبی گروپ سے ملٹری ٹریننگ حاصل کی،دہشتگردوں نےافغانستان تورابورا میں بھی 40دن تک ٹریننگ لے رکھی ہے یہ اپنے ناپاک عزائم کی تکمیل کے لئے اسلام آباد کی سیکیورٹی کمپنی میں بطور گارڈ تھے۔

سی ٹی ڈی ذرائع نے بتایا کہ دہشتگردچیک پوسٹ ہمزونی پر حملے اور فائرنگ کیس میں بھی ملوث تھے۔

اسلام آباد: پاکستان میں ترکیہ کے سفیر مہمت پاچاجی نے کہا ہے کہ پاکستان کو تاریخ کی بدترین اور بڑی آفت کا سامنا ہے ترکیہ حکومت اور عوام نے پاکستانیوں کی مدد میں دیر نہیں لگائی۔

اسلام آباد میں پریس کانفرنس کرتے ہوئے سفیر نے کہا کہ ترکیہ کا ادارہ "آفاد” اور ترکیہ ہلال احمر فوراً پاکستان پہنچا پاکستان اور ترکیہ کے عوام میں دل اور روح کا رشتہ ہے پاکستان میں قدرتی آفت میں ترکیہ نے ہمیشہ بڑھ چڑھ کر مدد کی۔

اندار بوسکوٹ نائب صدر ترکیہ افاد آرگنائزیشن نے گفتگو کرتے ہوئے کہا کہ پاکستان میں انسانی زندگی بچانا سب سے بڑا ٹاسک رہا انسانی امداد کے لئے ترکیہ کے صدر رجب اردگان نے خصوصی ہدایات دیں تھیں ہم پاکستان میں سیلاب زدگان کے لئے ایک ترکیہ کے نام سے گاؤں آباد کرنے جارہے ہیں۔

انہوں نے بتایا کہ ترکیہ سے سیلاب زدگان کی امداد کے لئے 15 طیارے اور 13 مال بردار ٹرینز کے ذریعے سامان کی ترسیل کی گئی، پاکستان کے سیلاب زدگان کے لئے 35 ہزار سے ذائد خیمے دیئے جاچکے ہیں ۔

ان کا کہنا تھا کہ ترکیہ کی جانب سے اب تک سیلاب متاثرین کے لئے 28 لاکھ سے ذائد میڈیکل یونٹ بھیجے گئے اب تک سیلاب متاثرین کو 54 ہزار گرم کمبل تکیئے اور چٹائیاں بھیجی گئیں ہیں ترکیہ نے 12 سو سیلاب متاثرین کے لئے 2 سو خیموں پر مشتمل خیمہ بستی بنائی ان بستیوں میں سیلاب زدگان کو تمام سہولیات دی جارہی ہیں۔