Author: ذولقرنین حیدر

اسلام آباد: نجی ہاؤسنگ سوسائٹی پر مسلم لیگ (ن) کے سینیٹر ناصر بٹ کے مبینہ قبضے کے خلاف درخواست پر سماعت اسلام آباد ہائی کورٹ کے جسٹس بابر ستار نے کی۔

نجی ہاؤسنگ سوسائٹی کی جانب سے بیرسٹر عمر اعجاز گیلانی عدالت پیش ہوئے جن کے اعتراضات پر عدالت نے جواب دیا کہ گیلانی صاحب رولز بڑے واضح ہیں اب اس حد تک تو میں مطمئن ہوں۔

بیرسٹر عمر اعجاز گیلانی نے کہا کہ ہمیں جبری طور پر اپنے ہی پراپرٹی سے بے دخل کیا جا رہا ہے، ان کے آرڈر کے خلاف سیشن کورٹ نے ہمیں سٹے دیا ہے، عدالتی سٹے کے باجود پولیس کے ذریعے ہمیں نکالنے کی کوشش کی گئی۔

انہوں نے کہا کہ عدالت نے بیلف مقرر کیا تھا جس کی رپورٹ بھی عدالت کے سامنے ہیں، ہمیں ٹرانسفر درخواست پر فیصلہ کرنے پر کوئی اعتراض نہیں۔

عدالت نے صدر ڈسٹرکٹ بار سے مکالمہ کرتے ہوئے کہا کہ گجر صاحب جب آپ کسی عہدے پر منتخب ہو تو پھر آپ کو زیادہ احتیاط ضروری ہے، آپ جس پوزیشن پر ہیں وہ بار کی بات ہے آپ کی ذات کی نہیں، جب تک آپ بار کے عہدے پر ہیں یا اپنا کوئی دوسرا وکیل پیش کریں اور یا عہدہ چھوڑ دیں۔

وکیل نجی ہاؤسنگ سوسائٹی نے کہا کہ ہم اس معاملے کو خوش اسلوبی سے حل کرنا چاہتے ہیں، حکومت کو ہم اس وقت بھی تقریباً ڈیڑھ ارب روپے دینے کیلیے تیار ہیں۔

اسلام آباد ہائیکورٹ نے کیس کی سماعت کل تک ملتوی کر دی۔

اسلام آباد: وفاقی تحقیقاتی ایجنسی (ایف آئی اے) سائبر کرائم نے دارالحکومت کے علاقے ایف الیون میں کال سینٹر پر چھاپہ مار کارروائی کی۔

ذرائع نے اے آر وائی نیوز کو بتایا کہ کال سینٹر سے 24 سے زائد افراد کو حراست میں لیا گیا، حراست میں لیے جانے والوں میں متعدد غیر ملکی شامل ہیں۔

یہ بھی پڑھیں: کال سینٹرز پر چھاپے، سوشل میڈیا کے ذریعے امریکی شہریوں کا ڈیٹا خریدنے والے گرفتار

ذرائع نے مزید بتایا کہ کال سینٹر پر انٹرنیشنل فراڈ میں ملوث ہونے کا خدشہ ظاہر کیا گیا ہے، فراڈ کی ایک کال ایف الیون سینٹر سے بھی کی گئی ہے، حراست میں لیے گئے افراد کو ایف آئی اے آفس منتقل کیا جا رہا ہے۔

ایف آئی اے سائبر کرائم ونگ نے رواں سال جنوری میں کراچی کے علاقے پی ای سی ایچ ایس میں غیر قانونی سرگرمیوں میں ملوث کال سینٹر پر چھاپہ مار کر مالک سمیت 6 ملزمان کو گرفتار کیا تھا۔

ملزمان غیر ملکی بینکوں کے نمائندے بن کر شہریوں سے رقم بٹورتے تھے، ملزمان میں مالک کاشف، عمیر، حیدر، نوشاد، عبید اور مہتاب شامل تھے۔

ملزمان غیر ملکیوں کے ڈیبٹ اور کریڈٹ کارڈز کی ڈیٹا چوری میں بھی ملوث ہیں، ملزمان بیلنس ٹرانسفر کیلیے امریکی اور کینیڈین شہریوں کو بینک نمائندے بن کر کال کرتے تھے۔

ایف آئی آے حکام کا کہنا تھا کہ کارروائی کے دوران فراڈ کیلیے استعمال ہونے والے الیکٹرانک آلات اور گیجٹس بھی ضبط کیے گئے۔