Author: ذولقرنین حیدر

حکومت نے پی ٹی آئی کے لانگ مارچ کو دارالحکومت اسلام آباد میں کسی بھی صورت میں داخل نہ ہونے دینے کا فیصلہ کیا ہے۔

ذرائع کے مطابق دارالحکومت اسلام آباد میں پی ٹی آئی کی ممکنہ لانگ مارچ روکنے کے حوالے سے حکمت عملی کوحتمی شکل دینے کیلئے وزارت داخلہ میں اہم اجلاس ہوا جس میں وفاقی وزیر داخلہ رانا ثناءاللہ نے اجلاس کی صدارت کی اور شرکاء کو ہدایات جاری کیں۔

ذرائع کا کہنا ہے کہ پی ٹی آئی کے ممکنہ لانگ مارچ اور دھرنے کو روکنے سے متعلق حکمت عملی کو حتمی شکل دے دی گئی ہے۔ وزیر داخلہ رانا ثناءاللہ کی ہدایت پر اجلاس کی کارروائی کو ان کیمرا رکھا گیا۔

سکیورٹی ایجنسیز نے وزیر داخلہ رانا ثناءاللہ کو پی ٹی آئی کے ممکنہ لانگ مارچ کے حوالے سے بریفنگ دی۔ پی ٹی آئی لانگ مارچ شرکاء کی تعداد 15سے 20 ہزار کے درمیان ہونے کا امکان ہے۔

مارچ کے دوران امن وامان یقینی بنانے کیلئےاسلام آباد پولیس سمیت سندھ پولیس، رینجر،اور ایف سی کی خدمات لینے کا فیصلہ کیا گیا ہے۔ امن وامان کیلئے اسلام آباد پولیس سمیت، سندھ پولیس، ایف سی اور رینجرز کی تیس ہزار نفری کا بندوبست کیا جائے گا۔

ممکنہ لانگ مارچ کے دوران ریڈ زون میں واقع سرکاری عمارتوں اور ڈپلومیٹک انکلیو کی سکیورٹی پاک فوج کے حوالے کرنے کا فیصلہ کیا گیا ہے۔ پی ٹی آئی ممکنہ مارچ کی صورت میں پاک فوج، دارلحکومت اسلام آباد میں آئین پاکستان کے آرٹیکل 245 کے تحت تعینات ہوگی۔ ذرائع

پی ٹی آئی کے لانگ مارچ کو لاجسٹک اور مالی معاونت فراہم کرنے والے افراد اور تنظیموں کے خلاف ایکشم کی منظوری دی گئی ہے۔

دارالحکومت اسلام آباد میں پی ٹی آئی کے لانگ مارچ کی صورت میں آتشیں اسلحہ ساتھ رکھنے پرمکمل پابندی لگانے عائد ہو گی۔ وفاق پر پی ٹی آئی جلوس کے ساتھ چڑھائی کرنے اور معاونت فراہم کرنے والے وفاقی ملازمین کی مکمل شناخت اور Estacodeکے تحت کاروائی کرنے کا بھی فیصلہ ہوا ہے۔

وزیراعظم شہباز شریف آج اقوام متحدہ کی جنرل اسمبلی سے خطاب کریں گے وہ دوران خطاب مسئلہ کشمیر سمیت دیگر موضوعات پر بات کریں گے۔

اے آر وائی نیوز کے مطابق وزیراعظم شہباز شریف آج اقوام متحدہ کی جنرل اسمبلی کے 77 ویں اجلاس سے خطاب کریں گے وہ اپنے خطاب میں مسئلہ کشمیر کا بھی احاطہ کریں گے جبکہ دیگر موضوعات پر بھی بات کریں گے۔

واضح رہے کہ وزیراعظم شہباز شریف یو این جنرل اسمبلی اجلاس میں شرکت کے لیے 20 ستمبر کو نیویارک پہنچے تھے اور گزشتہ دو روز کے دوران انہوں نے سائیڈ لائن مختلف عالمی رہنماؤں سے ملاقاتیں کی ہیں۔

وزیراعظم اور امریکی صدر ڈونلڈ ٹرمپ میں مختصر ملاقات بھی ہوئی ہے اور اس حوالے سے وزیر مملکت برائے امور خارجہ حنا ربانی کھر کا کہنا ہے کہ یہ ملاقات مفید رہی ہے اور پاک امریکا تعلقات گرمجوشی کے ساتھ آگے بڑھ رہے ہیں۔

شہباز شریف نے امریکا کے وزیر خارجہ بلنکن، وزیر ماحولیات جان کیری اور امریکی انڈر سیکریٹری ڈونلڈ لو، فرانسیسی صدر ایمانوئل میکخواں، ایران اور اسپین کے صدور، آسٹریا کے چانسلر، نیوزی لینڈ کی وزیراعظم جیسنڈا آرڈن، آئی ایم ایف کی منیجنگ ڈائریکٹر مکرسٹالینا جارجیوا، سیکریٹری جنرل اقوام متحدہ انتونیو گویتریس، بل گیٹس ودیگر سے ملاقاتیں کیں اور انہیں پاکستان میں حالیہ سیلاب سے ہونے والی تباہ کاریوں سے آگاہ کیا۔

یہ بھی پڑھیں: شہباز شریف اور جو بائیڈن کے مابین مختصر ملاقات

اسی تناظر میں حریت رہنما عبدالحمید لون کی جانب سے بیان بھی سامنے آیا ہے جس میں انہوں نے کہا ہے کہ وزیراعظم شہباز شریف اقوام متحدہ میں اپنے خطاب کے دوران مسئلہ کشمیر کو اجاگر کریں اور مقبوضہ کشمیر کی صورتحال پر اقوام عالم سے مداخلت کی اپیل کریں۔

وزیراعظم شہباز شریف اور امریکی صدر جوبائیڈن کے درمیان مختصر ملاقات ہوئی ہے وزیر مملکت امور خارجہ حنا ربانی کھر نے ملاقات کو مفید قرار دیا ہے۔

اے آر وائی نیوز کے مطابق وزیراعظم شہباز شریف کی نیویارک میں امریکی صدر جوبائیڈن سے مختصر ملاقات ہوئی ہے، ملاقات کے حوالے سے وزیر مملکت برائے امور خارجہ حنا ربانی کھر کا کہنا ہے کہ یہ ملاقات مفید رہی ہے اور پاک امریکا تعلقات گرمجوشی کے ساتھ آگے بڑھ رہے ہیں۔

حنا ربانی کھر نے مزید کہا کہ تعلقات کی بنیاد آزادانہ ہے اور انکا کسی دوسرے ملک سے کوئی تعلق نہیں، مستقبل میں پاک امریکا تعلقات میں مزید بہتری ہوگی، خطے اور عالمی سطح پر رونما تبدیلیوں کا پاک امریکا تعلقات پر اثر نہیں پڑے گا۔

وزیر مملکت کا مزید کہنا تھا کہ یہ مضبوط بنیادوں پر تعلقات کا آغاز ہے، اس میں مزید کوئی عجلت نہیں چاہتے ہیں۔

واضح رہے کہ وزیراعظم شہباز شریف اقوام متحدہ کے اجلاس میں شرکت کے لیے نیویارک میں ہیں وہ آج یو این کی جنرل اسمبلی اجلاس سے خطاب کریں گے۔