ARYNews.tv | Urdu – Har Lamha Bakhabar

Author: ذولقرنین حیدر

  • اسلام آباد میں تیزدھار آلے کے وار سے باپ جاں بحق، بیٹا زخمی

    اسلام آباد میں تیزدھار آلے کے وار سے باپ جاں بحق، بیٹا زخمی

    اسلام آباد: وفاقی دارلحکومت میں نامعلوم شخص نے گھر میں تیز دھار آلے سے وار کرکے ایک شخص کو قتل کردیا جبکہ بیٹا زخمی ہوا.

    تفصیلات کے مطابق اسلام آبادکے تھانہ بارہ کہو کے ایریا میں قتل کی واردات ہوئی، جہاں تشدد کے دوران نامعلوم شخص نے تیز دھار آلے سے ایک شخص کو قتل کر دیا۔

    پولیس نے بتایا کہ گھر میں گھسنے والے نامعلوم شخص کو اہلخانہ نے پکڑ لیا تھا تاہم مقتول کے دو بیٹے میں واقعہ میں زخمی ہوئے ہیں۔

    مقتول کا بیٹا مدثر شدید زخمی اور دوسرا بیٹا عثمان بھی زخمی ہے، مقامی پولیس موقع پر موجود ہ اور یں شواہد اکٹھے کر رہی ہے۔

    ایس ایچ او بھارہ کہو ،ایس پی ڈالفن اور اے ایس پی علی رضا ایس ڈی پی او مارگلہ سرکل بھی موقعہ پر موجود ہیں۔

  • ان 16 ممالک کا سفر کرنے والے مسافروں کی اب کڑی نگرانی ہوگی، ایڈوائزری جاری

    ان 16 ممالک کا سفر کرنے والے مسافروں کی اب کڑی نگرانی ہوگی، ایڈوائزری جاری

    اسلام آباد: ایف آئی اے ہیڈکوارٹرز نے انسانی اسمگلنگ روکنے کے لیے ایڈوائزی جاری کی ہے، جس میں ایئر پورٹس پر 9 شہروں سے آنے والے مسافروں کی کڑی نگرانی کرنے کی ہدایت کی گئی ہے۔

    ایڈوائزری میں سختی سے ہدایت کی گئی ہے کہ پہلی بار سفر کرنے والے 15 سے 40 سال کے مسافروں کی نگرانی کی جائے، سرکلر میں 2 غیر ملکی نجی ایئر لائنز کے نوجوان مسافروں کی سخت چیکنگ کی ہدایت کی گئی ہے۔

    ایف آئی اے نے کہا ہے کہ 16 ممالک کا سفر کرنے والے مسافروں کی پروفائلنگ کا بہتر نظام بنایا جائے، ایف آئی اے کے ریڈار پر جو ممالک ہیں ان میں آذربائیجان ایتھوپیا، سینیگال، کینیا، روس، سعودی عرب، مصر، لیبیا، ایران، موریطانیہ، عراق، ترکی، قطر، کویت اور کرغزستان جانے والے شامل ہوں گے۔

    ایف آئی اے نے 9 اضلاع سے تعلق رکھنے والے مسافروں کی کڑی نگرانی کی بھی ہدایت کی ہے۔ ان میں منڈی بہاء الدین، گجرات، سیالکوٹ، گوجرانوالہ، بھمبر، جہلم، ٹوبہ ٹیک سنگھ، حافظ آباد اور شیخوپورہ شامل ہیں۔

    ’مراکش کشتی حادثہ نہیں قتل عام تھا‘ زندہ بچ جانیوالے پاکستانیوں کا دل دہلا دینے والا ابتدائی بیان

    مسافروں کی تمام دستاویزات بشمول واپسی کے ٹکٹ، ہوٹل بکنگ کی اچھی طرح جانچ کی جائے گی، جاری حکم نامہ کے مطابق وزٹ یا سیاحتی ویزوں پر جانے والوں کی توجہ کے ساتھ تمام دستاویزات چیک کی جائیں گی۔

    سفری مقصد اور مالی انتظامات کا پتہ لگانے کے لیے مشکوک مسافروں کے سخت انٹرویوز کے احکامات جاری کیے گئے ہیں۔ امیگریشن افسران کیسز کا تفصیلی ریکارڈ رکھیں گے، اور مشکوک معاملے کی فوری اطلاع دیں گے۔

  • ون ویلنگ کرنے والے ہوشیار، ایف آئی آر کا اندراج کیا جائے گا

    ون ویلنگ کرنے والے ہوشیار، ایف آئی آر کا اندراج کیا جائے گا

    اسلام آباد: ون ویلنگ کرنے والے ہوشیار ہو جائیں، اب ان کے خلاف ایف آئی آر کا اندراج کیا جائے گا۔

    ترجمان اسلام آباد پولیس کے مطابق چیف ٹریفک آفیسر محمد سرفراز ورک کی زیر صدارت اجلاس منعقد ہوا، جس میں ایس پی ٹریفک، تمام ڈی ایس پیز اور محرران اور بیٹ انسپکٹرز نے شرکت کی۔

    اجلاس میں چیف ٹریفک آفیسر نے ہدایت کی کہ ٹریفک قوانین کی خلاف ورزی کرنے والوں کے خلاف سخت قانونی کارروائی عمل میں لائی جائے، اور ون ویلنگ، ریسنگ کرنے والوں کے خلاف ایف آئی آر کا اندراج کیا جائے۔

    انھوں نے یہ ہدایت بھی کی کہ سنگین ٹریفک قوانین کی خلاف ورزی کرنے والوں کے خلاف سخت قانونی کارروائی کرتے ہوئے آگاہی کلاسز کا اہتمام کیا جائے۔

    چیف ٹریفک آفیسر محمد سرفراز ورک نے ناقص کارکردگی کے حامل بیٹ افسران کی سرزنش کی، اور اچھی کارکردگی کا مظاہرہ کرنے والوں کو شاباش دی، انھوں نے ٹریفک پولیس اہلکاروں کو ہدایت کی کہ ٹریفک کی بلا تعطل روانی کو یقینی بنایا جائے۔

  • پاسپورٹ بنوانے والوں کے لئے بڑی خوشخبری آگئی

    پاسپورٹ بنوانے والوں کے لئے بڑی خوشخبری آگئی

    اسلام آباد : پاسپورٹ بنوانے والوں کے لئے فاسٹ ٹریک کیٹیگری سہولت کے حوالے سے بڑی خوشخبری آگئی۔

    تفصیلات کے مطابق شہریوں کو بروقت پاسپورٹ فراہمی کیلئے ڈی جی پاسپورٹس کا اہم اقدام سامنے آیا، فاسٹ ٹریک کیٹیگری سہولت کا دائرہ کار مزید 26 شہروں تک بڑھا دیا گیا۔

    اس حوالے سے ڈائریکٹوریٹ آف امیگریشن اینڈ پاسپورٹس کی جانب سے نوٹیفکیشن جاری کردیا گیا ہے ، جس میں کہا ہے کہ اب شہری 47شہروں سےفاسٹ ٹریک کیٹیگری پاسپورٹس بنواسکیں گے۔

    اٹک، چکوال، سرگودھا، حافظ آباد، میانوالی اور بھکر ،کوہاٹ، صوابی، سوات، ڈی آئی خان، بنوں، ہنگو، ایبٹ آباد اور ہری پور میں سہولت میسر ہوگی جبکہ مظفرآباد، میرپور، باغ، کوٹلی، راولا کوٹ بھی فاسٹ ٹریک کیٹیگری کا حصہ بن گئے۔

    نوٹیفکیشن میں کہنا تھا کہ اسلام آباد، کراچی، لاہور، پشاور ،کوئٹہ میں سہولت پہلے سے ہی میسر ہے۔

    دوسری جانب کراچی کے بعد لاہور کے بھی 3 نادرا میگا سینٹرز میں پاسپورٹ کاؤنٹرز قائم کردیئے ہیں، شہری کاؤنٹرز سے پورا ہفتہ 24 گھنٹے پاسپورٹ سروسز حاصل کرسکیں گے

    ڈی جی امیگریشن کا کہنا ہے کہ پاسپورٹ سروسزکی فراہمی کادائرہ کارملک بھرمیں بڑھایا جائے گا۔

  • ناقص پولیسنگ پر اسلام آباد پولیس کے افسران زیر عتاب آ گئے

    ناقص پولیسنگ پر اسلام آباد پولیس کے افسران زیر عتاب آ گئے

    اسلام آباد: ناقص پولیسنگ پر اسلام آباد پولیس کے افسران زیر عتاب آ گئے، جرائم پر قابو پانے میں ناکامی اور بد انتظامی پر آئی جی نے سخت ایکشن لے لیا ہے۔

    آئی جی اسلام آباد نے ناقص پرفارمنس پر ڈی ایس پی سبزی منڈی کو عہدے سے ہٹا دیا، اور ان کے خلاف چارج شیٹ بھی جاری کر دی، ڈی ایس پی رمنا کو بری ترین پرفارمنس پر معطل کر کے چارج شیٹ کیا گیا ہے۔

    ایس ایچ او آبپارہ کو ناقص پرفارمنس پر کلوز لائن کر کے شوکاز نوٹس جاری کیا گیا، ایس ایچ او شہزاد ٹاؤن کو بھی کلوز لائن ہیڈ کوارٹر کر دیا گیا، انویسٹی گیشن آفیسر شہزاد ٹاؤن کو بھی عہدے سے ہٹا دیا گیا۔

    دوسری جانب ایس ایچ او سنبل اور انچارج انوسٹی گیشن سنبل کو بہترین پرفارمنس پر ایک ایک لاکھ روپے انعام اور کلاس ون سرٹیفکیٹ سے نوازا گیا ہے۔

    پاکستان: سائبر کرائم کی 6 لاکھ سے زائد شکایات پر سزا صرف 222 کو ملی، وجہ کیا؟

    آئی جی اسلام آباد سید علی ناصر رضوی نے افسران کو واضح پیغام دے دیا ہے کہ پبلک ڈیلنگ اور کرائم فائٹنگ میں ناقص کارکردگی پر افسران کے خلاف سخت کارروائی ہوگی، انھوں نے خبردار کیا ہے کہ پٹرولنگ نہ کرنے، اشتہاریوں کو نہ پکڑنے، کیسز ٹریس نہ کرنے اور پروفیشنل پولیسنگ کے تقاضے پورے نہ کرنے پر کارروائی ہوگی۔

    آئی جی کا یہ بھی کہنا تھا کہ جو افسران اچھی کارکردگی کا مظاہرہ کریں گے ان کو انعامات دیے جائیں گے، انھوں نے کہا غفلت اور لاپرواہی کرنے والے افسران کے خلاف سخت احتساب کا عمل جاری رہے گا۔

  • خیبرپختونخوا سے بھاری اسلحہ اسلام آباد منتقلی کے دوران پکڑا گیا

    خیبرپختونخوا سے بھاری اسلحہ اسلام آباد منتقلی کے دوران پکڑا گیا

    اسلام آباد: خیبرپختونخوا سے بھاری اسلحہ اسلام آباد منتقلی کے دوران پکڑا گیا ہے۔

    تفصیلات کے مطابق ایس ایس پی آپریشنز و انوسٹیگیشن ارسلان شاہزیب نے تھانہ ترنول میں پریس کانفرنس میں بتایا کہ اسلام آباد پولیس نے اسلحے کی ایک بہت بڑی کھیپ پکڑی ہے۔

    ان کا کہنا تھا کہ بھاری اسلحہ خیبر پختونخوا سے اسلام آباد منتقل کیا جا رہا تھا، لیکن یہ کوشش ناکام بنا دی گئی، اور اسلحہ لانے والے ایک ملزم کو گرفتار کر لیا گیا ہے۔

    خیبرپختونخوا

    ایس ایس پی آپریشنز کے مطابق ملزم سے 272 مختلف بور کے پستول، 20 جدید خودکار بندوقیں مع میگزنیز اور 23 ہزار سے زائد راؤنڈز برآمد ہوئے ہیں، اس کے علاوہ اس کے قبضے سے 150 گرام آئس اور 4.450 کلو گرام ہیروئن بھی برآمد ہوئی۔

    پولیس افسر ارسلان شاہزیب کے مطابق ملزم سابقہ ریکارڈ یافتہ اور پنجاب کے مختلف اضلاع میں 8 مقدمات میں ملوث نکلا ہے، اس کے خلاف تھانہ ترنول میں مقدمہ درج کر کے مزید تفتیش شروع کر دی گئی ہے۔

    انھوں نے اپنا عزم دہراتے ہوئے کہا کہ اسلام آباد پولیس شرپسند عناصر کے خلاف ہمہ وقت تیار ہے، اور شہریوں کے جان و مال کا تحفظ اسلام آباد پولیس کی اولین ترجیح ہے۔

  • اسلام آباد : ایک اور تاجر لاکھوں روپے سے محروم، فوٹیج منظرعام پر

    اسلام آباد : ایک اور تاجر لاکھوں روپے سے محروم، فوٹیج منظرعام پر

    اسلام آباد : تھانہ کوہسار کی حدود میں ڈاکو شہری سے 85 لاکھ سے زائد رقم لوٹ کر فرار ہوگئے، واقعے کی سی سی ٹی وی فوٹیج سامنے آگئی۔

    اے آر وائی نیوز کی رپورٹ کے مطابق اپنی لاکھوں روپے کی رقم سے محروم ہونے والے تاجر نے واقعے کے خلاف تھانہ کوہسار میں درخوست جمع کروا دی، تاجر سے ڈکیتی کی سی سی ٹی وی فوٹیج بھی منظرعام پر آگئی۔

    سی سی ٹی وی فوٹیج میں موٹر سائیکل سوار دو مسلح افراد کو تاجر سے رقم چھین کر فرار ہوتے دیکھا جاسکتا ہے۔

    درخواست گزار تاجر نے پولیس کو بتایا کہ میں مختلف بینکوں سے کیش نکلوا کر ناظم الدین روڈ پہنچا تھا، ڈاکوؤں نے85لاکھ 90ہزار روپے چھینے جو ایک پارٹی کو دینے تھے۔

    درخواست گزار نے مؤقف اختیار کیا کہ واقعے کا مقدمہ درج کرکے ڈاکوؤں کو گرفتار کیا جائے۔

    مزید پڑھیں : ڈاکو تاجر کے ڈرائیور سے پونے پانچ کروڑ روپے لوٹ کر فرار

    اس سے قبل راولپنڈی میں نامعلوم مسلح افراد نے بینک سے رقم لے کر نکلنے والے تاجر کے ڈرائیور سے پونے پانچ کروڑ روپے لوٹ لیے اور فرار ہو گئے، پولیس کا کہنا ہے کہ واردات کی تمام پہلوؤں سےچھان بین کررہے ہیں۔

  • ماتحت خاتون سے نکاح و طلاق، ڈائریکٹر سی ٹی ڈی وِنگ ہمایوں سندھو عہدے سے فارغ

    ماتحت خاتون سے نکاح و طلاق، ڈائریکٹر سی ٹی ڈی وِنگ ہمایوں سندھو عہدے سے فارغ

    اسلام آباد: اختیارات کا ناجائز استعمال اور خاتون کو ہراساں کرنے کے الزام میں ڈائریکٹر کاؤنٹر ٹیرارزم وِنگ اسلام آباد ہمایوں سندھو کو عہدے سے ہٹا دیا گیا۔

    ڈائریکٹر انٹر پول سکندر حیات کو کاؤنٹر ٹیرارزم ونگ کا اضافی چارج دے دیا گیا ہے، ڈی جی ایف آئی اے نے باقاعدہ نوٹیفکیشن جاری کر دیا۔

    ہمایوں سندھو پر خاتون سے زیادتی کا بھی الزام ہے، خاتون نے داد رسی کے لیے وفاقی محتسب میں شکایت کر دی تھی، اور کہا تھا کہ ڈائریکٹر سی ٹی ڈبلیو مختلف اوقات میں جسمانی خواہش پورے کرتے رہے۔

    متاثرہ خاتون نے کہا ’’ہمایوں سندھو غیر اخلاقی ویڈیوز میرے واٹس ایپ نمبر پر شئیر کرتے رہے، ماتحت ہونے کی وجہ سے میں پریشر میں تھی، میں نے کئی بار ملزم کو ان حرکات سے منع کیا لیکن وہ باز نہ آیا۔‘‘

    خاتون کا کہنا تھا کہ ’’ڈائریکٹر سی ٹی ڈبلیو نے مجھے زبردستی اپنی گاڑی میں بٹھایا اور اپنے گھر لے گئے، ان کا کہنا تھا کہ مجھے کوئی چیک نہیں کر سکتا کیوں کہ میں اعلیٰ پوسٹ پر ہوں۔‘‘

    متاثرہ خاتون نے انکشاف کیا ’’ملزم نے اپنی ساتھی ڈاکٹر کی مدد سے مجھ سے مشروط نکاح بھی کیا، ملزم نے مجھے طلاق بھی دے دی لیکن آج تک نکاح نامے کی کاپی نہیں دی گئی، ملزم نکاح کے بعد کئی بار تشدد کا نشانہ بھی بناتا رہا۔‘‘

    ایف آئی اے کے مطابق ملزم ہمایوں سندھو نے اپنے ذاتی مفادات کے لیے اختیارات کا ناجائز استعمال کیا، جس پر اسے عہدے سے ہٹا دیا گیا ہے۔

  • غیر قانونی سرگرمیوں میں ملوث انٹرنیشنل این جی اوز کے خلاف ایکشن کا فیصلہ

    غیر قانونی سرگرمیوں میں ملوث انٹرنیشنل این جی اوز کے خلاف ایکشن کا فیصلہ

    اسلام آباد : حکومت نے 2 انٹرنیشنل این جی اوز کی سرگرمیاں روکنے کا فیصلہ کرلیا اور کام سے روکنے کے احکامات جاری کردیئے گئے۔

    تفصیلات کے مطابق غیر قانونی سرگرمیوں میں ملوث انٹرنیشنل این جی اوز کے خلاف ایکشن کا فیصلہ کرلیا گیا۔

    حکومت نے دو انٹرنیشنل این جی اوز کی سرگرمیاں روکنے کا فیصلہ کیا ہے ، ذرائع نے بتایا کہ ٹوبیکو فری کڈز، وائٹل سٹریٹجی کو بند کرنے کا فیصلہ ہوا ہے اور دونوں انٹرنیشنل این جی اوز کو کام سے روکنے کے احکامات جاری کردیئے گئے ہیں۔

    وزارت داخلہ نے آزاد کشمیر، جی بی اور صوبوں کو مراسلہ بھجوا دیا اور اسٹیٹ بینک کو آئی این جی اوز بارے مراسلہ ارسال بھجوایا گیا ہے۔

    مراسلے میں کہا ہے کہ ٹوبیکو فری کڈز، وائٹل سٹریٹجی کے خلاف قواعد کے تحت کارروائی کی جائے اور صوبے ٹوبیکو فری کڈز، وائٹل سٹریٹجی کی بندش کیلئے اقدامات کریں۔

    زرائع کا کہنا تھا کہ وائٹل سٹریٹجی، ٹوبیکو فری کڈز کے بینک اکاونٹس منجمد کئے جائیں گے اور ملک بھر میں ٹوبیکو فری کڈز، وائٹل سٹریٹجی کے دفاتر بند کئے جائیں گے۔

    مراسلے میں کہا گیا ہے کہ ٹوبیکو فری کڈز اور وائٹل سٹریٹجی بغیر حکومتی اجازت اور غیر قانونی طور کام کر رہی تھیں۔

    زرائع نے بتایا کہ ٹوبیکو فری کڈز، وائٹل سٹریٹجی بغیر رجسٹریشن کام کر رہی تھیں اور وزارت داخلہ ، اقتصادی امور ڈویژن، ایس ای سی پی میں رجسٹرڈ نہیں ہیں۔

    زرائع کے مطابق ٹوبیکو فری کڈز، وائٹل سٹریٹجی سالوں سے پاکستان میں وزارت صحت کے ساتھ کام کر رہی ہیں۔

  • ایڈیشنل سیکرٹری وزارت داخلہ ایوب چوہدری کو عہدے سے ہٹا دیا گیا

    ایڈیشنل سیکرٹری وزارت داخلہ ایوب چوہدری کو عہدے سے ہٹا دیا گیا

    اسلام آباد: ایڈیشنل سیکرٹری وزارت داخلہ ایوب چوہدری کو عہدے سے ہٹا دیا گیا۔

    تفصیلات کے مطابق عہدے سے ہٹائے جانے کے بعد ایوب چوہدری کو فوری طور پر اسٹیبلشمنٹ ڈویژن رپورٹ کرنے کی ہدایت کر دی گئی۔

    اس حوالے سے جاری نوٹیفکیشن میں کہا گیا ہے کہ پولیس گروپ کےدو افسران کی خدمات وزارت داخلہ کےسپرد کر دی گئی ہیں۔

    گریڈ 21 کے سہیل تاجک کو ایڈیشنل سیکرٹری داخلہ تعینات کیا گیا ہے جب کہ گریڈ 21 کے سلمان چوہدری کو ایڈیشنل سیکرٹری تعینات مقرر کیا گیا ہے۔

    دونوں افسران کی تعیناتی ڈیپوٹیشن پر ہو گی۔ اس متعلق اسٹیبلشمنٹ ڈویژن نے نوٹیفکیشن جاری کر دیا ہے۔