آزاد کشمیر : علاقہ مکینوں پر حملے کرنے والے خونخوار تیندوے کو مار دیا گیا

مظفرآباد : آزاد کشمیر  میں لائن آف کنٹرول (ایل او سی) کے قریب واقع گاؤں میں علاقہ مکینوں پر حملے کرنے والے تیندوے کو مار دیا گیا۔

تفصیلات کے مطابق مظفرآباد میں لائن آف کنٹرول (ایل او سی) کے قریب واقع گاؤں پنڈو میں علاقہ مکینوں پر حملے کرنے والے تیندوے کو مار دیا گیا۔

ایس پی جہلم ویلی مرزا زاہد حسین نے بتایا کہ 2روز قبل خونخوار تیندوا 8 سالہ بچی کو گھر کے صحن سے اٹھا کر لیا گیا تھا اور بچی کی لاش کھیتوں سے ملی تھی۔

مرزا زاہد حسین کا کہنا تھا کہ گزشتہ روز بھی تیندوے کے حملےمیں نوجوان زخمی ہواتھا ، آج بھی خونخوارتیندواآبادی میں گھس آیا تھا۔

مزید پڑھیں : آزاد کشمیر: خونخوار تیندوا 8 سالہ بچی کو گھر سے اٹھا لے گیا

یاد رہے آزاد کشمیر کے ضلع ہٹیاں بالا میں لائن آف کنٹرول کے قریب افسوسناک واقعہ پیش آیا تھا ، پائل کے علاقے میں ایک تیندوا اچانک آبادی میں داخل ہوکر بچی کو اٹھالے گیا تھا۔

ایس ایس پی مرزا کا کہنا تھا کہ گھر والے کھیتوں اور جنگل میں بچی کو ڈھونڈتے رہے لیکن بچی کا کوئی سراغ نہ ملا بعدازاں 8 سالہ بچی تین گھنٹے کے بعد جھاڑیوں سے مردہ حالت میں ملی ، بچی کی گردن پر گہرے زخم اور خون چوسنے کے واضح نشانات تھے۔