ARYNews.tv | Urdu – Har Lamha Bakhabar

’جرسیاں لینے کا یہ ٹھیک دن نہیں تھا‘

Written by

ویب ڈیسک

in

پاکستانی کپتان بابر اعظم کو بھارتی بلے باز  ویرات کوہلی نے اپنی انڈین جرسیاں تحفے میں دیں جس کی ویڈیو سامنے آنے کے بعد سوئنگ کے سلطان وسیم اکرم نے اپنی تاثرات کا اظہار کیا ہے۔

گزشتہ روز آئی سی سی ورلڈکپ میں پاکستان اور بھارت کے درمیان ہونے والے میچ میں بھارتی کرکٹ ٹیم نے پاکستان کو یکطرفہ مقابلے کے بعد 7 وکٹوں سے شکست دی۔

میچ کے بعد گراؤنڈ میں ویرات کوہلی کی جانب سے بابر اعظم کو اپنی دو جرسیاں تحفے میں دی گئیں جس کی ویڈیو انٹرنیشنل کرکٹ کونسل نے شیئر کی تو وہ سوشل میڈیا پر خاصی وائرل ہوئی۔

اے اسپورٹس کے پروگرام ’ دی پویلین‘ کے شو میں گفتگو کرتے ہوئے وسیم اکرم نے کہا ’جب میں نے تصویر دیکھی تو میں افسردہ ہوگیا، کیونکہ آج یہ دن نہیں تھا جب آپ (بابر) کوہلی کی جرسیاں لیتے‘۔

انہوں نے مزید مسکراتے ہوئے کہا کہ ’اگر کرنا ہی ہے "چاچا کے پتر”نے کہہ دیا ہے کہ کوہلی کی ٹی شرٹ چاہیے تو میچ کے بعد ڈریسنگ روم میں دی جا سکتی تھی‘۔

More posts