قومی ٹیم کے کپتان بابراعظم نے نیوزی لینڈ کے خلاف میچ وننگ باری کھیلنے والے آصف علی کو فنشر قرار دے دیا۔
آصف علی نے صرف 12 گیندوں پر 27 رنز بنا کر نہ صرف ٹیم کو دباؤ سے نکالا بلکہ وننگ اسٹروک کھیل کر جیت دلوائی۔ انہوں نے جارحانہ بیٹنگ کرتے ہوئے برق رفتاری سے اسکور بھی اضافہ کیا۔
ان کی اننگز میں 3 شاندار چھکے اور ایک چوکا شامل تھا۔ آصف علی کے ساؤتھی کو لگاتا 2 چھکے میچ کا ٹرننگ پوائنٹ ثابت ہوئے۔
میچ کی اختتامی تقریب میں گفتگو کرتے ہوئے بابراعظم نے کہا کہ ہمارے فنیشرآصف علی نے لاجواب بلےبازی کی انہوں نے میچ فنش کیا۔
بابراعظم نے کہا کہ جیت سےہمیشہ اعتماد ملتاہے آج کی کامیابی سے بھی کھلاڑیوں کو بھرپور اعتماد ملا اور اس تسلسل کو برقرار رکھنا چاہتے ہیں۔
ان کا کہنا تھا کہ حارث رؤف نےزبردست بولنگ کی ہمارےفیلڈرز نے شاندارفیلڈنگ کی اور شعیب ملک نےآج اپنے تجربے کو منوایا۔