ARYNews.tv | Urdu – Har Lamha Bakhabar

‘بابر اعظم انگلینڈ میں ‘سپر کلاسی’ نظر آئے’

Written by

ویب ڈیسک

in

انگلینڈ کی سابق کرکٹر اور 2009 ویمنز ورلڈکپ کی فاتح ایشا گوہا نے بابر اعظم کی تعریف کرتے ہوئے کہا ہے کہ انگلینڈ کے خلاف ٹیسٹ سیریز میں نوجوان بیٹسمین ‘سپر کلاسی’ نظر آئے۔

ٹیسٹ سیریز پر ردعمل دیتے ہوئے ایشا گوہا نے کہا کہ تیسرے ٹیسٹ میچ میں اظہر علی کی عمدہ بلے بازی اور اس سیریز میں بابراعظم کی کلاس، محمد رضوان کی کیپنگ گلووز اور بیٹ سے شاندار کارکردگی بھی پاکستان کے مثبت پہلو تھے۔

ایشا گوہا نے کہا کہ سیریز کے پہلے ٹیسٹ میں پاکستان نے شاندار کھیل کا مظاہرہ کیا، یہاں تک کہ پاکستان کی فتح یقینی تھی مگر کرس ووکس اور جوز بٹلر کی شاندار اننگز نے اس میچ کا پانسہ پلٹ دیا۔

انہوں نے کہا کہ دوسرے میچ میں بارش اور خراب موسم کے باوجود پاکستان کے باؤلرز نے متاثرکن کھیل پیش کیا، تجربہ کار فاسٹ باؤلر محمد عباس، نوجوان فاسٹ باؤلر شاہین شاہ آفریدی، نسیم شاہ اورلیگ اسپنر یاسر شاہ نے بہت اچھا کھیل پیش کیا۔

More posts