قومی ٹیم کے کپتان بابر اعظم اور وکٹ کیپر بیٹر محمد رضوان کی تصویر سوشل میڈیا پر وائرل ہوگئی۔
سماجی رابطے کی ویب سائٹ ٹوئٹر پر قومی ٹیم کے کپتان بابر اعظم نے محمد رضوان کے ساتھ تصویر شیئر کی اور کیپشن میں لکھا کہ ’یہ کیا ہورہا ہے؟‘
تصویر میں بابر اعظم کو صوفے پر بیٹھے کچھ پڑھتے دیکھا جاسکتا ہے جبکہ محمد رضوان بھی پڑھائی میں مصروف ہیں۔
بابر اعظم نے چند گھنٹوں قبل یہ تصویر شیئر کی جس پر صارفین کی جانب سے دلچسپ تبصرے کیے جارہے ہیں۔
ایک صارف نے لکھا کہ ’امتحان دینے سے ایک دن قبل پڑھائی کرتے ہوئے۔‘
Ye kya ho raha hai? 🤫🤔🫣 pic.twitter.com/Lxob4hJALk
— Babar Azam (@babarazam258) May 30, 2023
دوسرے صارف نے لکھا کہ ’کنگ نفرت انگیز خطوط کو دیکھ رہے ہیں اور کہہ رہے ہیں کہ انہیں کوئی پرواہ نہیں ہے۔
واضح رہے کہ کپتان بابر اعظم اور محمد رضوان امریکی یونیورسٹی میں بزنس آف انٹرٹینمنٹ، میڈیا اور اسپورٹس کے پروگرام کا حصہ بنیں گے۔
بابر اعظم اور رضوان پاکستان سے امریکا جائیں گےاور اکتیس مئی سے تین جون تک کلاسز لیں گے۔
بابراعظم کا کہنا تھا کہ میں ہمیشہ سیکھنے کی کوشش کرتا ہوں اور ہارورڈ میں بہت کچھ نیا سیکھنےکوملے گا۔
قومی کرکٹر کا کہنا تھا کہ مجھے یقین ہے کہ دنیا کے کونے کونے سے آنے والے مختلف شعبہ جات کے لوگوں سے مجھے بہت کچھ سیکھنے کو ملےگا۔
دوسری جانب رضوان نے کہا تھا کہ ایسے باوقارعالمی اسٹیج پر پاکستان کی نمائندگی کرنا ایک بہت بڑا اعزاز ہے۔