قومی ٹیم کے کپتان بابراعظم نے کہا ہے کہ صائم ایوب جیسے نوجوان پلیئرز کسی بھی نمبر پر کھیلنے کو تیار ہیں۔
نیوزی لینڈ کے خلاف سیریز سے قبل پریس کانفرنس میں بابراعظم نے کہا کہ نوجوان پلیئرز کی اچھی بات یہ ہے کہ وہ کسی بھی نمبر پر کھیلنا چاہتے ہیں اور اپنا کردار نبھانا چاہتے ہیں۔
انہوں نے کہ نیوزی لینڈ کے خلاف میں اور رضوان اوپننگ کریں گے اور اہم بات یہ ہے کہ محمد حارث اور شان مسعود کو ایک پلاننگ کے تحت مڈل آرڈرز میں کھلایا، صائم ایوب سمیت دیگر نوجوان پلیئرز کسی بھی پوزیشن پر کھیلنے کو تیار ہیں اور اپنا کردار ادا کرنا چاہتے ہیں۔
Pakistan captain Babar Azam's press conference ahead of the T20I series against New Zealand #PAKvNZ | #CricketMubarak https://t.co/REYaiuYRf6
— Pakistan Cricket (@TheRealPCB) April 13, 2023
ان کا کہنا تھا کہ نوجوان پلیئرز کسی ایک نمبر کا نہیں سوچتے بلکہ ہر نمبر پر پرفارم کرنا چاہتے ہیں یہ پلس پوائنٹ ہے کہ وہ کہتے ہیں ہمیں پلان بتائیں ہم اس کے مطابق کھیلنے کو تیار ہیں۔
بابر اعظم نے کہا کہ اوپننگ جوڑی میں تبدیلی کا کوئی پلان نہیں ہے، میری اور رضوان کی اوپننگ جوڑی ہے اسے کے ساتھ میدان میں اتریں گے۔
انہوں نے کہا کہ پریکٹس کے بعد پہلے ٹی 20 کے لیے فائنل الیون کا اعلان کردیں گے۔