نیوزی لینڈ کے خلاف تیسرے ٹی 20 میں قومی ٹیم کے سابق کپتان بابر اعظم کے چھکے پر گیند ایک تماشائی کے سر پر جا لگی۔
پاکستان اور نیوزی لینڈ کی ٹیمیں 5 میچز پر مشتمل ٹی 20 سیریز کے تیسرے میچ میں مدمقابل تھیں جہاں میزبان ٹیم نے مہمان ٹیم کو 45 رنز سے شکست دے کر سیریز میں 0-3 کی واضح برتری حاصل کی۔
بابر اعظم نے منفرد ریکارڈ اپنے نام کرلیا
نیوزی لینڈ نے پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 224 رنز بنائے جبکہ پاکستان ٹیم نے مقررہ اوورز میں 7 وکٹوں کے نقصان پر 179 رنز پر ڈھیر ہوگئی۔
Babar Azam is such a character as after hitting a six he's so concerned about that spectators. #NZvPAK pic.twitter.com/iaC5FXjwZV
— In your heart (@Residing_in_hea) January 17, 2024
پاکستان کی جانب سے سابق کپتان بابر اعظم نے 58 رنز کی شاندار اننگز کھیلی جس میں 8 چوکے اور ایک چھکا شامل ہے، بابر اعظم نے جب چھکا مارا تو گیند باؤنڈری لائن کے پار اسٹینڈ میں ایک تماشائی کے سر پر لگی جس کے بعد وہ زمین پر گرگیا۔
اس واقعہ پر بابر اعظم نے بھی افسوس کا اظہار کیا انہوں نے منظر دیکھنے کے بعد فوراً سر پر رکھ لیا، بابر اعظم کی جانب سے مارا گیا چھکا 69 میٹر کا تھا۔
دوسری جانب یہ ویڈیو سوشل میڈیا پر بھی وائرل ہو رہی ہے اور مداحوں کی جانب سے بابر اعظم کے رد عمل پر دلچسپ تبصروں کا سلسلہ جاری ہے۔