کراچی میں دستی بموں اور گولیوں سے بھرا بیگ پولیس نے برآمد کر لیا۔
تفصیلات کے مطابق کورنگی میں ندی کےقریب سے مشکوک بیگ سے گولیاں، دستی بم اور اسلحہ برآمد کر لیا گیا۔
ایس ایس پی کورنگی طارق نواز کا کہنا ہے کہ 7 دستی بم، 30 بور پستول، ریوالور، گولیاں برآمد ہوئی ہیں، بم ڈسپوزل اسکواڈ کو جائے وقوع طلب کر لیا گیا۔
ایس ایس پی کا کہنا ہے کہ مختلف اقسام کے دستی بم، چھوٹے بڑے ہتھیاروں کی گولیاں ملی ہیں، لگتا ہے کسی نے اسلحے سے بھرا بیگ ندی میں پھینکا جو کنارے پر آگیا۔
ان کا کہنا تھا کہ بند بنانے کے دوران ملیر ندی سے بیگ ملا، پولیس نےبارش کے دوران بند بنانے کیلئے ہیوی مشینیں لگائی تھیں۔