کوئٹہ: بلوچستان کے مختلف علاقوں میں مختلف حادثات و واقعات میں دو بچوں سمیت 4 افراد ہلاک اور چار زخمی ہوگئے۔
تفصیلات کے مطابق گزشتہ روز کوئٹہ کے علاقے سریاب میں مکان کی چھت کے اوپر سے گزرنے والی بجلی کی تار سے کرنٹ لگنے سے چھت پر کھیلنے والا محصوم زین زندگی کی بازی ہار گی۔
حب کے علاقے گوٹھ دودا میں بجلی کا کرنٹ لگنے سے چار سالہ بچی ہلاک ہوگئی اسی طرح پشین خلیل اڈہ کے چوکیدار کو نامعلوم افراد نے فائرنگ کرکے قتل کردی جس کی شناخت گل محمد کے نام سے کی گئی۔
اسی طرح لورالائی میں ڈیرہ روڈ پر کلی لاہور کے قریب 2 ٹرکوں میں تصادم کے نتیجے میں ایک شخص شربت خان ہلاک عبدالقیوم، محمد اکبر، عبدالقدوس اور کلیم اللہ زخمی ہوگئے۔
چمن اور خانیوال میں ٹریفک حادثات، 10 افراد جاں بحق
نعشوں اور زخمیوں کو اسپتال منتقل کردیا گیا نعشیں ضروری کارروائی کے بعد ورثاء کے حوالے کردی گئی مزید کارروائی پولیس کررہی ہے۔
خیال رہے کہ گذشتہ ماہ بلوچستان کے شہر چمن اور پنجاب کے شہر خانیوال میں مختلف ٹریفک حادثات میں ایک خاتون سمیت 10 افراد زندگی سے ہاتھ دھو بیٹھے تھے۔