اسلام آباد : دوہری شہریت والے شخص کو جج تعینات کرنے پر پابندی کا بل قومی اسمبلی میں جمع کرادیا گیا، بل میں آئین کے آرٹیکل 177، 193 اور 208 میں ترامیم تجویز کی گئی ہیں۔
تفصیلات کے مطابق دہری شہریت رکھنے والے شخص کو جج تعینات کرنے پر پابندی عائد کرنے کا بل جمع قومی اسمبلی سیکرٹریٹ میں جمع کرادیا۔
بل جے یو آئی ایف کے رکن نور عالم خان کی جانب سے جمع کرایا گیا ہے، جس میں کہا ہے کہ دہری شہریت رکھنے والے شخص کو سپریم کورٹ یا ہائی کورٹ کا ججز تعینات کرنے پر پابندی عائد کی جائے۔
بل میں آئین کے آرٹیکل 177، 193 اور 208 میں ترامیم تجویز کی گئی ہیں اور کہا گیا ہے کہ کوئی بھی شخص سپریم کورٹ اور ہائی کورٹ کا جج تعینات نہیں ہوسکتا اگر وہ دوہری شہریت یا کسی اور ملک کی سٹیزن شپ رکھے ۔
بل کے مطابق عدالتوں کے افسران اور ملازمین اگر دوہری شہریت یا کسی اور ملک کی سٹیزن شپ رکھے تو وہ کسی عدالت میں افسر یا ملازم تعینات نہیں ہو سکتا،
بل میں کہا گیا کہسپریم کورٹ اور ہائی کورٹ کے ججز کے اس ملک میں دلچسپی ہونے چاہئے، جس میں وہ کسی اتھارٹی میں عہدہ رکھیں، جن ججز کی دوہری شہریت ہو وہ اپنے اصل ملک کے مفاد کو داو پر لگاتے ہیں ، آئین کے تحت ججز کی ریاست سے وفاداری کو یقینی بنانے کی ضرورت ہے۔