کراچی: سندھ میں 90 روز کیلئے اسلحے کی نمائش پر پابندی عائد کر دی گئی۔
محکمہ داخلہ سندھ نے 90 روز کے لیے اسلحے کی نمائش پر پابندی کا باقاعدہ نوٹیفکیشن جاری کر دیا ہے جس کا اطلاق فوری ہوگا۔
محکمہ داخلہ کا کہنا ہے کہ قانون نافذ کرنے والے ادارے پابندی سے مستثنیٰ ہوں گے البتہ رجسٹرڈسیکیورٹی کمپنیوں کے گارڈ ڈیوٹی کے اوقات میں ہتھیار رکھ سکیں گے۔
نوٹیفکیشن کے مطابق نقل و حرکت کے دوران ہتھیاروں کی نمائش کی اجازت نہیں ہوگی اور ہتھیاروں کو گاڑیوں کے اندر رکھا جائے گا۔
گارڈز گشت کے دوران یا کھلی جگہوں پر ہتھیاروں کی نمائش نہیں کریں گے اور غیرضروری طور پر اسلحے کی نمائش نہیں کی جائے گی۔
محکمہ داخلہ نے ہدایت کی ہے کہ نوٹیفکیشن کی خلاف ورزی پرتھانوں کے ایس ایچ اوز کو مقدمہ درج کا اختیار ہو گا ڈی آئی جی اپنی حدود میں حکم کی خلاف ورزی پر15روزمیں رپورٹ بھیجیں گے۔