بنگلہ دیش نیشنلسٹ پارٹی نے بھارت کو مداخلت نہ کرنےوارننگ دے دی، سربراہان کا کہنا تھا کہ ،بی جےپی بنگلہ دیشی سیاست میں مداخلت سےباز آجائے۔
تفصیلات کے مطابق بھارت کی انتہا پسندحکو مت علاقائی امن کے لئے خطرہ بنتی جا رہی ہے ، مودی سرکار خطے میں افراتفری پھیلا کر اپنے مذموم مقاصد کے حصول میں مصروف ہیں۔
بنگلہ دیش میں شیخ حسینہ واجد کی حکومت کے خاتمے کے بعد مودی سرکار شدید بوکھلاہٹ کا شکار ہے کیونکہ شیخ حسینہ واجد بنگلہ دیش میں بھارتی کٹھ پتلی وزیرِاعظم کی حیثیت سے کام کر رہی تھیں۔
بنگلہ دیش کو سیاسی بحران کے بعد اس وقت بھارت کی طرف سے مداخلت کا سامنا ہے، حال ہی میں بنگالی میڈیا کے مطابق بنگلہ دیش نیشنلسٹ پارٹی اور طلبہ تحریک کے سربراہان نے بی جے پی کو بنگلہ دیش میں مداخلت نہ کرنے کی وارننگ جاری کی ہے۔
بنگلہ دیش نیشنلسٹ پارٹی کے عہدیداران کا کہنا تھا کہ بھارت بوکھلاہٹ کا شکار ہے اور بنگلہ دیش میں امن امان کی صورتِ حال خراب کرنا چاہتا ہے۔
عہدیداران نے مزید کہا کہ بی جے پی بنگلہ دیشی سیاست میں بڑے پیمانے پر مداخلت کر رہی ہے جس پہ خطے میں تشویش کی لہر ہے، مودی سرکار اپنے اوچھے ہتھکنڈوں سے خطے کاامن تباہ کرنا چاہتی ہے ، آخر کب تک مودی سرکار انتہا پسندی کی سیاست کو فروغ دیتی رہے گی۔