ARYNews.tv | Urdu – Har Lamha Bakhabar

بی بی سی نیوز اینکر نے لائیو پروگرام ایسا کیا کیا کہ معافی مانگنی پڑی، ویڈیو

Written by

ویب ڈیسک

in

,

براہ راست ٹی وی نشریات میں بعض اوقات مضحکہ خیز حرکات ہو جاتی ہیں لیکن برطانوی نشریاتی ادارے کی نیوز اینکر کو تو اپنی حرکت پر معافی مانگنی پڑ گئی۔

غیر ملکی میڈیا کے مطابق برطانوی نشریاتی ادارے بی بی سی کے نیوز بلیٹن پڑھنے کے لیے معروف اینکر کو اس وقت شدید دھچکا پہنچا جب وہ اچانک لائیو اسکرین پر آ گئیں اور ان کی ایک نا زیبا حرکت نے انہیں اتنا شرمندہ کیا کہ انہیں معافی مانگنا پڑ گئی۔

رپورٹ کے مطابق بی بی سی کا نیوز بلیٹن جیسے ہی آن ایئر ہوا تو براہ راست نشریات میں لاکھوں ناظرین نے خاتون نیوز اینکر کو درمیانی انگلی کے اشارے سے نا زیبا اشارہ کرتے پایا۔

یہ سب کچھ اتنا اچانک اور آناً فاناً ہوا کہ خاتون اینکر آگاہ بھی نہیں کیا جا سکا کہ وہ براہ راست اسکرین پر آ چکی ہیں جس کے باعث انہیں سنبھلنے کا موقع نہیں مل سکا۔

تاہم مذکورہ خاتون اینکر نے کچھ لمحے توقف کے بعد خود کو جلد ہی نارمل کرلیا اور خبریں پڑھنا شروع کردیں۔ بعد ازاں یہ ویڈیو سوشل میڈیا پر وائرل ہوئی تو صارفین نے اس فاش غلطی پر آڑے ہاتھوں لے لیا۔

 

صارفین کی تنقید کے بعد خاتون نیوز اینکر نے اپنی اس غلطی پر معذرت کرتے ہوئے وضاحت کی کہ میں دراصل گنتی ون ٹو تھری کے کاؤنٹ ڈاؤن کا اشارہ کر رہی تھی اور یہ ایک نجی نوعیت مذاق تھا جو وہ قریبی اسٹاف ممبر سے کر رہی تھیں۔

نیوز اینکر نے کہا کہ مجھے بہت افسوس ہے کہ یہ آن ائیر ہو گیا! یہ میرا ارادہ نہیں تھا بلکہ ایک احمقانہ مذاق تھا جو میرے چند ساتھیوں کے لیے تھا۔

More posts