اوول میں بھارت کے خلاف پانچویں اور آخری ٹیسٹ سے انگلش کپتان بین اسٹوکس انجری کی وجہ سے باہر ہوگئے۔
بین اسٹوکس کی غیرموجودگی میں انگلش ٹیم کی قیادت اولی پوپ کریں گے جو ٹیسٹ میں ان کی پانچویں مرتبہ کپتانی ہوگی۔
مانچسٹر میں ڈرا ٹیسٹ کے بعد انگلش ٹیم میں چار تبدیلیاں کی گئی ہیں، جیکب بیتھل، گس اٹکنسن، جیمی اوورٹن اور جوش ٹونگ کو پلیئنگ الیون میں شامل کیا گیا ہے۔
جوفرا آرچر اور برائیڈن کارس کو آرام دیا گیا ہے جبکہ لیام ڈاسن کو ڈراپ کیا گیا ہے۔
بیتھل اور جو روٹ انگلینڈ کے لیے اسپن آپشنز ہوں گے جبکہ کرس ووکس کو اسکواڈ میں برقرار رکھا گیا ہے۔
اسٹوکس نے مانچسٹر ٹیسٹ کے آخری روز 11 اوورز کروائے تھے لیکن وہ تکلیف میں دکھائی دے اور دائیں بازو میں انجری کی وجہ سے پانچویں ٹیسٹ سے باہر ہوگئے۔
گس اٹکنسن ہیمسٹرنگ انجری سے صحت یاب ہونے کے بعد واپسی کررہے ہیں، انہوں نے سرے کی جانب سے کھیلتے ہوئے فٹنس ثابت کی تھی۔
انگلینڈ پلیئنگ الیون میں زیک کرولی، بین ڈکٹ، اولی پوپ (کپتان)، جو روٹ، ہیری بروک، جیکب بیتھل، جیمی اسمتھ (وکٹ)، کرس ووکس، گس اٹکنسن، جیمی اوورٹن، جوش ٹونگ شامل ہیں۔