تل ابیب: اسرائیلی وزیرِ اعظم بنیامین نیتن یاہو نے غزہ حملوں کو آزادی کی دوسری جنگ قرار دے دیا۔
غیر ملکی میڈیا رپورٹس کے مطابق اسرائیلی وزیر اعظم بن یامین نتن یاہو نے ہفتے کو کہا ہے کہ غزہ میں اسرائیلی فوج کی جانب سے شروع کی گئی زمینی کارروائی حماس کے خلاف جنگ کا دوسرا مرحلہ ہے جو طویل اور مشکل ہوگا۔
روئٹرز کے مطابق ایک نیوز کانفرنس سے خطاب میں انھوں نے کہا کہ حماس کے زیر حراست 200 سے زیادہ مغویوں کو بازیاب کرانے کی ہر ممکن کوشش کی جائے گی۔
حماس نے غزہ کے وسیع علاقے پر مکمل کنٹرول حاصل کر لیا، مصری جریدے کا دعویٰ
نیتن یاہو نے کہا غزہ میں آپریشن کے اگلے مرحلے میں داخل ہو رہے ہیں، غزہ کی پٹی کے اندر جنگ طویل اور مشکل ہوگی، جنگ کے بعد ہمیں مشکل سوالات کا جواب بھی دینا ہوگا، اسرائیلی مشکل اور لمبی مہم کے لیے تیار رہیں۔
غزہ میں ایک اور ہولناک رات، شہید فلسطینیوں کی تعداد 8 ہزار ہو گئی
ان کا کہنا تھا کہ اسرائیلی افواج غزہ میں داخل ہو چکی ہیں، اور کمانڈرز پوری غزہ پٹی میں تعینات ہیں۔ دریں اثنا، اسرائیلی فوج کی جانب سے غزہ پر پمفلٹ بھی گرائے گئے ہیں، جن میں رہائشیوں کو خبردار کیا گیا ہے کہ یہ علاقہ اب ’میدان جنگ‘ ہے اس لیے شہریوں کو جنوب کی طرف نقل مکانی کر لینی چاہیے۔