نیوزی لینڈ کے خلاف تیسرے ٹی 20 میچ سے قبل پاکستان کرکٹ ٹیم کو بڑا دھچکا پہنچا ہے کیونکہ فاسٹ بولر عباس آفریدی بیمار ہو کر میچ سے باہر ہو گئے ہیں۔
عباس آفریدی جنہوں نے اسی سیریز کے پہلے میچ میں ڈیبیو کیا تھا اور تین وکٹیں لے کر اپنے پہلے میچ کو یادگار بنایا تھا تاہم پاکستان ٹیم اور شائقین کے لیے بری خبر ہے کہ وہ ڈنیڈن میں بدھ 17 جنوری کو کھیلے جانے والے تیسرے ٹی ٹوئنٹی میچ سے باہر ہو گئے ہیں۔
پاکستان کرکٹ بورڈ کی جانب سے اس حوالے سے جاری بیان میں کہا گیا ہے کہ عباس آفریدی پیٹ کی تکلیف کا شکار ہونے کے بعد میچ سے باہر ہوئے ہیں۔
پی سی بی کے مطابق رائٹ آرم فاسٹ بولر کے اسکین میں کسی قسم کی شدید انجری کی تشخیص نہیں ہوئی ہے تاہم اگلے دو میچوں میں عباس آفریدی کی دستیابی سے متعلق فیصلہ بعد میں ہوگا۔
Abbas Afridi ruled out of the third T20I against New Zealand
Details here ➡️ https://t.co/1iGhI6kYAm#NZvPAK
— PCB Media (@TheRealPCBMedia) January 16, 2024
عباس آفریدی نے دو میچوں میں پانچ وکٹیں حاصل کی ہیں۔
واضح رہے کہ میزبان نیوزی لینڈ کو پانچ میچوں کی سیریز میں دو صفر کی برتری حاصل ہے۔ کیویز نے آکلینڈ میں 46 اور ہیملٹن میں 21 رنز سے پاکستان کو ہرایا تھا۔ شاہینوں کو سیریز بچانے کے لیے کل ڈنیڈن کے میچ میں لازمی فتح درکار ہے۔