کیٹگری میں تنزلی پر دلبرداشتہ ہو کر پی ایس ایل چھوڑنے کا اعلان کرنے والے کامران اکمل نے کہا ہے کہ مجھے پشاور زلمی کی ہمدردی نہیں چاہیے۔
پاکستان سپرلیگ 7 کی فرنچائز پشاور زلمی نے کامران اکمل کو سلور کیٹگری میں پک کیا، جس کے بعد انہوں نے احتجاجاً پی ایس ایل 7 سے دستبرداری کا اعلان کیا۔
کامران اکمل نے کہا کہ پی ایس ایل 6 میں جب پلاٹینیم سےگولڈ کیٹگری میں شامل کیا گیا تو میں نے زلمی مینیجمنٹ کے سامنے اپنے تحفظات پیش کیے گئے جس پر میجمنٹ نے آئندہ برس کیٹگری میں ترقی دینے کی یقین دہانی کرائی تھی۔
وکٹ کیپر بلے باز کا کہنا ہے کہ پشاور زلمی کی انتظامیہ میرے ساتھ اس بنا کر ہمدردی کا اظہار نہ کرے کہ میں نے ان کے لیے 6 ایڈیشن کھیلے مجھے ان کی ہمدردی نہیں چاہیے۔
سابق کپتان نے کہا کہ سلورکیٹیگری میں نوجوان کھلاڑیوں کے نام شامل کرنا چاہیں، میرا خیال ہے کہ اس تمام صورت حال میں مجھے پی ایس ایل سے علیحدگی ہی اختیار کرنا چاہیے جو میرے اور نئے کھلاڑیوں کے لیے بہتر ہے۔