ممبئی: بالی ووڈ کے معروف اداکار رنبیر کپور کی ایکشن تھرلر فلم ’اینیمل‘ میں بوبی دیول کے کردار کی جھلک جاری کردی گئی ہے۔
بھارتی میڈیا رپورٹس کے مطابق اداکار رنبیر کپور کی ایکشن تھرلر فلم ’اینیمل‘ میں بوبی دیول ’لارڈ بوبی‘ کے کردار میں دکھائی دیں گے جس کا پوسٹر بھی جاری کردیا گیا ہے۔
پوسٹر میں بوبی دیول کا روپ دہشت سے بھرپور ہے اور ان کے چہرے پر خون کے دھبے ہیں اور وہ نہایت سنجیدہ نظر آتے ہیں۔
فلم میکرز کی طرف سے ’انیمل‘ کی کاسٹ اور کہانی کے متعلق مکمل خاموشی اختیار کی گئی ہے اور مداح فلم کی ریلیز کے بے چینی سے منتظر ہیں۔
Lord Bobby looks hella good here. Excited https://t.co/8nstrDHRxo
— Hasan (@dynamicguy16) September 26, 2023
میگا تھرلر ’انیمل‘ یکم دسمبر 2023 کو پوری دنیا میں پانچ زبانوں ہندی، تیلگو، تامل، کناڈا اور ملیالم میں ریلیز کیلئے پیش کی جائے گی۔
’اس سے قبل اینیمل‘ کا ایک مختصر ٹیزر کچھ عرصہ قبل جاری کیا تھا جس میں رنبیر کپور غنڈوں سے لڑتے نظر آتے ہیں جبکہ فلم کا تفصیلی ٹیزر 28 ستمبر کو جاری ہوگا۔
کچھ روز قبل فلم میں انیل کپور کا کردار متعارف کرایا گیا تھا جو رنبیر کپور کے والد بنے ہیں جبکہ اب فلم کے ولن کا روپ بھی سامنے آگیا ہے۔