باکسر عامر خان نے اہلیہ سے معافی مانگ لی

برطانوی نژاد پاکستانی سابق باکسر عامر خان نے لڑکیوں کو جنسی پیغامات بھیجنے پر اہلیہ فریال مخدوم سے معافی مانگ لی۔

غیرملکی میڈیا کو انٹرویو میں سابق باکسر عامر خان نے کہا کہ اس عادت کو ختم کرنے کے لیے تھراپی لینے پر غور کروں گا، میں اہلیہ کو دھوکا نہیں دے رہا تھا وہ بس کچھ میسجز تھے جس پر مجھے افسوس ہے۔

میڈیا رپورٹس کے مطابق عامر خان ایک برطانوی ماڈل سمیرا سے رابطے میں تھے، ماڈل سے تصاویر مانگی اور ملنے پر بھی اصرار کیا۔

برٹش پاکستانی باکسر عامر خان نے 25 برس کی ماڈل کو غلط میسیجز بھیجے تھے جس کے بعد مقامی میڈيا نے برطانیہ میں عامر خان کا ماڈل سمیرا سے رابطوں کا بھانڈا پھوڑ دیا تھا۔

بتایا گیا تھا کہ ازدواجی زندگی میں مشکلات سے دوچار رہنے کے باوجود عامر خان نے ماڈل سمیرا سے رابطہ رکھا، ملنے اور تصاویر بھیجنے کے پیغامات بھیجے اور ٹیٹو کی تعریف بھی، ماڈل سمیرا نے بھی عامر خان کو تصاویر بھیجیں۔

میڈیا رپورٹس کے مطابق عامر خان نے سمیرا کو بتایا کہ ان کی شادی ایک کاروباری انتظام تھا، وہ اور فریال کم ہی اکٹھے رہے ہیں لیکن جب عامر خان نے شادی کی دسویں سالگرہ پر بیوی فریال اور بیٹی کی تصاویر شیئر کیں تو سمیرا نے رابطہ ختم کر دیا۔

برطانوی میڈیا رپورٹس میں بتایا گیا ہے کہ بعد میں دونوں کے درمیان دوبارہ رابطہ شروع ہوا اور تصاویر بھیجنے کا سلسلہ بحال ہوگيا لیکن دوبارہ ناچاقی پر رابطے پھر ٹوٹ گئے۔