سابق آسٹریلوی فاسٹ باؤلر بریٹ لی نے پاکستانی کپتان بابر اعظم کی تعریف کرتے ہوئے کہا ہے کہ وہ عالمی کرکٹ میں ان کے پسندیدہ بلے باز ہیں.
مقامی میڈیا سے گفتگو کرتے ہوئے سابق اسپیڈ اسٹار نے کرکٹ کے میدان میں بابر کی شاندار صلاحیتوں اور ٹیلنٹ کی وجہ سے ان کی تعریف کی ہے۔
بریٹ نے بابراعظم کی کور ڈرائیو کی تعریف کرتے ہوئے کہا کہ میرا پسندیدہ بلے باز بابر اعظم ہے وہ خوبصورت کور ڈرائیو کھیلتا ہے۔
اس سے قبل جنوبی افریقا کے جارح مزاج بلے باز ڈیوڈ ملر نے بھی بابراعظم کی کورڈرائیو کو پسندیدہ قرار دیا تھا۔
ڈیوڈ ملر نے ESPNCricinfo پر ‘آپ کو جواب دینا ہے’ نامی سیگمنٹ میں ویرات کوہلی کی کور ڈرائیو پر بابر اعظم کی کور ڈرائیو کا انتخاب کیا۔
بائیں ہاتھ کے کھلاڑی کو مذکورہ بالا بلے بازوں میں سے انتخاب کرنے کو کہا گیا تو ملر نے پاکستانی کپتان کے کھیلے گئے کلاسیکل شاٹ کو ترجیح دی۔
بابراعظم شاٹس کھیلتے ہوئے اپنی کلاس اور خوبصورتی کے لیے جانے جاتے ہیں اور ان کی بلے بازی کی تکنیک پر ایک لیکچر جو بطور مثال یونائیٹڈ کنگڈم (برطانیہ) کے انٹرنیشنل کوچنگ کرکٹ سینٹر میں ایک کوچ نے بھی دیا تھا۔