بھارت کے صنعت نگر تھانے کے علاقے میں پیش آئے ایک دلخراش حادثے میں ایک لڑکی جان کی بازی ہار گئی۔
غیر ملکی ذرائع ابلاغ کے مطابق افسوسناک اسکوٹی حادثے میں رائے پور کے رہنے والے راجیندر پرساد کی بیٹی رانو راٹھور اپنے دوست کی سالگرہ سے اسکوٹی پر گھر واپس لوٹ رہی تھی کہ حادثے کا شکار ہوگئی۔
لاش کا پوسٹ مارٹم صنعت نگر پولیس اسٹیشن نے کرایا اور اسے لواحقین کے حوالے کردیا۔ مقتولہ تین بہن بھائیوں میں سب سے بڑی تھی اور بی ایس سی کے امتحان کی تیاری کررہی تھی۔
اس سے قبل ایک اور واقعے میں بھرت نگر فلائی اوور سے ایک لڑکی اسکوٹی پر اپنے گھر جارہی تھی کہ آر ٹی سی بس نے اسے روند دیا۔
لڑکی اسکوٹی سے گر پڑی اور وہاں سے گزرنے والی آر ٹی سی بس کے نیچے آگئی، جس کے باعث موقع پر ہی جان کی بازی ہار گئی۔
اسکوٹی پر جانے والی لڑکی بس کی زد میں آگئی
حادثے کا شکار ہونے والی لڑکی کی شناخت 26 سالہ سنیتا کے طور پر ہوئی ہے، لڑکی کوکٹ پلی ہاؤزنگ بورڈ کی رہائشی ہے جبکہ ایک خانگی ادارے میں کام کر رہی تھی۔ پولیس نے مقدمہ درج کرکے تحقیقات کا آغاز کردیا ہے۔