انٹرنیٹ کے جدید دور میں دنیا بھر میں لاکھوں افراد کی ویب سائٹس موجود ہیں جو ان کی آمدنی کا معقول ذریعہ بھی ہے۔
ویب سائٹ کیوں اور کیسے بنائی جاتی ہے؟ یہ ایک بنیادی سوال ہے۔ ہر ویب سائٹ مختلف ضروریات کو سوچ کر بنائی جاتی ہے۔ اس میں سے زیادہ تر ایسی ہیں جو آمدنی کے حصول کیلئے بنائی جاتی ہیں۔
اس کی بہت سی وجوہات ہیں، چاہے آپ کو لوگوں سے رابطے کرنے ہوں، کمیونٹی بنانا ہو، یا اپنے کاروبار کو فروغ دینا ہو ان ضروریات کے پیش نظر آپ کو اپنی ویب سائٹ بنانے کی ضرورت پڑسکتی ہے۔
فی زمانہ ویب سائٹ ہر کاروبار بنیادی کی ضرورت بن چکی ہے اور لوگ مہنگے داموں ویب سائٹس بنواتے ہیں حالانکہ ٹیکنالوجی کی ترقی کی بدولت کوئی بھی شخص ایک اچھی ویب سائٹ گھر بیٹھے بنا سکتا ہے۔
اگر آپ ویب سائٹ بنانے کا طریقہ کار جاننا چاہتے ہیں تو اس مضمون کے ذریعے آپ کو ویب سائٹ بنانے کا مکمل طریقہ سے آگاہ کیا جارہا ہے جس کے بعد آپ اس قابل ہوجائیں گے کہ آپ کسی بھی قسم کی ویب سائٹ مثلاً ای کامرس ویب سائٹ، بلاگنگ ویب سائٹ، بزنس ویب سائٹ، ایجوکیشنل یا انٹرٹینمنٹ ویب سائٹ بہت آسانی سے بنا سکتے ہیں۔
اسٹارٹ اپ پاکستان کی رپورٹ کے مطابق ویب سائٹ بنانے کے لیے سب سے پہلے آپ کو ڈومین نیم اور ویب ہوسٹنگ کی ضرورت ہوتی ہے۔
ڈومین نیم آپ کے کاروبار کے نام کی مناسب سے ہوتا ہے، جسے براﺅز کرکے صارفین آپ کی ویب سائٹ تک رسائی حاصل کرتے ہیں۔ اسی طرح ہوسٹنگ ایسی آن لائن اسٹوریج ہے جہاں آپ کا ویب ڈیٹا محفوظ ہوتا ہے۔
اس وقت متعدد کمپنیاں ڈومین نیم اور ویب ہوسٹنگ کی سروسز مہیا کر رہی ہیں، جن سے چند ہزار روپے میں یہ دونوں چیزیں باآسانی خریدی جاسکتی ہیں۔
ڈومین نیم اور ہوسٹنگ خریدنے کے بعد ویب سائٹ کی تیاری کا مرحلہ آتا ہے، اس کے لیے کئی پلیٹ فارمز ہیں، مثال کے طور پر ورڈ پریس، سکوئیرسپیس اور وِکس وغیرہ۔ ان میں سے کسی ایک پلیٹ فارم کا انتخاب کیجیے اور اس کی درجنوں ٹیمپلیٹس آپ کو بنی بنائی مل جائیں گی۔
ٹیمپلیٹ کی مثال تیارہ شدہ ویب سائٹ کی ہے جسے آپ اپنی ضرورت کے لحاظ سے موڈیفائی کر سکتے ہیں۔
کسی بھی ویب بلڈنگ پلیٹ فارم کا انتخاب کرکے اسے اپنے ڈومین نیم اور ویب ہوسٹنگ کے ساتھ لنک کیجیے اور اپنی پسند کی ٹیمپلیٹ انسٹال کرکے اس میں اپنے کاروبار کی ضرورت کے لحاظ سے تبدیلیاں کیجیے۔
اس طرح آپ کی ویب سائٹ مکمل تیار ہو جائے گی۔ ویب سائٹ بنانے کے بعد اسے مختلف سرچ انجنز (گوگل، یاہو وغیرہ) کے لیے آپٹمائز کیجیے تاکہ جو لوگ بھی سرچ انجنز پر مواد تلاش کریں۔
اگر وہ آپ کی ویب سائٹ پر موجود ہے تو سرچ انجن نتائج میں آپ کی ویب سائٹ بھی شامل کرے تاکہ دیگر صارفین سرچ انجنز کے ذریعے آپ کی ویب سائٹ کا وزٹ کرسکیں۔